السلام عليكم ورحمة الله وبركاته
استغرب بصراحه أن لايوجد أي خبر بالمنتدى او موضوع عن مساعدة شراء الأغنام
رغم ان التقديم له أسبوعين
المهم

كل من لديه ضمان عجز كلي يروح مكتب الضمان يقدم على مساعدة شراء الأغنام وخلال شهر بأذن الله تكون بحسابه للرجال 25000الف وللنساء 20000 الف
بالنسبه للنساء لايوجد اي شروط تحضر صوره لكرت العائله وصوره لبطاقة الضمان
لكن الرجال على حسب معلوماتي هناك بعض الشروط لأني مريت مكتب الضمان الأسبوع الماضي وقالوا لازم عمرك فوق 60 لكن أعتقد انها تصريفه عشان الزحمه
لكن النساء زي ماقلت اول مافي شروط وهناك نساء كثيرات قدمن الأسبوع الماضي وقبلوا تقديمهن
اهم حاجه ماتكون للشخص مقطوعه شغاله بالجهاز يعني تكون تحت الدراسه او ماشابه عشان مايلغونها
اعذروني اكتب من الجوال وغثتني الأعلانات بس حبيت ابشركم وابي الفائده لكم
والخبر هذا حصري من اخوكم أبو محمد مابي منكم غير الدعاء لي بالشفاء العاجل وان ربي يصلح ويحفض لي عائلتي

وعليكم السلام ورحمة الله وبركاتة

طيب النساء إذا مافيه شروط أروح أقدم لجدتي هههههه

لكن شكلها ذي سلف يساعدونك وترجعهن بعد التجارة بالأغنام

السلام عليكـم..

كيف يعني عجز كلي للرجال يعني يكون عمره ستين واكثر ؟؟
والنساء ماهي الشروط عشان التقديم؟؟؟

يا اخواتي مساعده وليست سلف نعم قدمي لجدتك
بعدين اختي بحر من الشوق انا موضح كل شيء بالموضوع اقريه زين وتعرفي

يا اخوان انا اكتب من الجوال والأعلانات مجننه مخي
لكن كل شيء ولضح بالموضوع ولي يبي يقدم يروح متكب الضمان

احترامي وتقديري للجميع ودعواتكم

طيب ياخوي بالنسبة للنساء .. هل اقدر اقدم عن جدتي وامي او لازم هم يحضرو
وهل المبلغ ينزل شيك او بالبطاقة

ايش يعني الي معه ضمان عجز كلي وهل الي مقدم من 5 ايام على مقطوعه يروح يقدم

الله يجزاك الف خير

اذا تعاونت معاك الموضفه عادي مو لازم يحضرون
لكن اذا لم تتعاون معاك الموضفه لازم يحضرون كل وحده تقدم لحالها
اما المقدمه ع المقطوعه من 5 ايام اذا ماتبي المقطوعه روحي قدمي لأن المقطوعه الموجوده بالجهاز يلغونها

طيب ربي يسعدك ايش اسم المساعده ؟؟

ويسعدك كمان
أسمها مساعدة شراء أغنام