ضاق صدره ..

حسّ حتى البيت اللي أنو لد به ..

صار قبره !!

لملم أنفاسه ..

شرب باقي الشاهي البارد بـ كاسه

وإلتقط موبايله ، بُوكه ، مفاتيحه ..

محدٍ درى شـ اللي براسه ؟!!

بدّل ملابسه وخرج ..

وفجأه توقّف بالدرج !!

ولّع سيجاره ..

واسترق نظره على شباك غُرفة بنت جاره .. !!

شافه جاره ، واْنحرج .. !!

أرخى راسه ..

صار نصف انسان ،

ربع انسان ،

ما باقي مْن الإنسان فِيْه .. إلّا لباسه !!

كان في حالة ندم ..

لو طعنْته وقتها ما سال مِنّه أيّ دم .. !!

امتطى سيارته ..

وسار في كل إتجاهات المدينة

لفّ أبو كل الشوارعْ

مرّه نازل .. مرّه طالعْ

مرّه نازل ... مرّه طالعْ .. !!

قلْ : يفكّر في عُذُر ( للجار ) إذا خبّر أبوه بزلّته

قلْ : يدوِّر شِلّته ..

قلْ : يبي ( كفتيريا ) جايعْ

نيّته يشرب وياكلْ

قلْ : يدوِّر عن حُلول .. أو عنْ مِشاكِلْ !!

قلْ : يسوِّي ما يسوّيه المراهق

إنحرافاتُ وخرافاتُ وسخافاتُ ومهازلْ ..

قلْ : يغازِلْ .. !!

وفي اليمين من التقاطعْ

اعترض له نور يا هو حيل ساطعْ

صاح به : اُوقف ..

وِقَفْ .. !!

كان ذاك الصوت حَازِم .. حَزْمِ قاطعْ

خفّف السُرعه ورخّى صوت الموسيقى وارتجف

صاح به نفس الصوت هـ المرّه بقوة :

وين رايح .. ؟؟

أو إذا ما كنت رايح قلنا من وين راجع .. ؟؟

انت ماعندك أدب .. ؟!!

انت تربيتك شوارع .. ؟!!

إنت شكلك واحدِ مْسوِّي سويّه ..

هات إثبات الهوية ..


- ححححححاضر وما عندي مانعْ

- ها هـ هـ هذي هيّه

الإسم : راضي سويكت

المؤهل : جامعي

المهنة : صــــــايــــــع


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ

◄مـنقـول بـتـصـرف►

جميله جدا
غير انها معاناه والم
اختصر حال الكثيرين بابيات موجزه وجميله

تسلم يددك
لاهنت