السلام عليكم أنا خريجه بكالوريوس مؤهلي كويس لي فتره طويله ابحث عن عمل والقصيم وظائفه مو كثيره انقبلت بمصنع وافقت لأَنِّي مابي اجلس بدون وظيفه اللي شفته باختصار لي شهر ونصف ماشفت الراتب و انكرف كرف مايتحملونه العمال و اي نقاش مع صاحب المنشأة يترتب عليه زياده الضغط في الشغل وخصم يومين بدل اليوم الواحد والمكان كبير جداً ومايتوفر فيه الأ مكيفين وواحد يطّلع هواء حار أنا الان مريضه ماقدر امشي من ظهري ورجولي بسبب ضغط العمل تعبت ابي حل ابي أخذ حقي بدون قلق ومشاكل ولو تركت العمل من الان مافي راتب افيدوني ولكم شكري

العمل بالمصانع بالنسبة للنساء يخضع لضوابط
كذلك بيئة العمل المناسبة هي متطلب أساسي لعمل النساء

بأمكانك رفع شكوى لمكتب العمل وانتي على راس العمل

وعند استلامك راتبك دققي بتاريخ الاستلام لايكون بتاريخ قديم

هنا اشتراطات وزراة العمل لتوظيف النساء بالمصانع

دام ماصارلك 3 شهور ب الوظيفه يحقلك تركينهم أو يتركونك موضوع سهل

الله يعين بس
المشكله يا اختي اذا على تاخر الراتب ف اصبري
لانه شر لابد منه في القطاع الخاص
واذا علئ التعب فـ المفروض تكوني متوقعه ذا الشي خاصة في بدايتك
ينفضونك نفض
لكن دوري علئ شغله ثانيه ولو ان القصيم فـ♡ـيها شح بالوظائف بشكل كبير جداً بالنسبه لرجال فضلاً عن النساء .

الله يكوون بعونك ويغنيك عنهم يارب 💐

لاحول ولا قوة الا بالله


الى متى واحنا مذولين


اللهم لاتذلنا


وينك ياااا وزير العمل (الجديد) الشركات والمؤسسات صارت تستغل السعودي عيني عينك



( شكلك بتلحق خوينا )

حتى انا يتاخر راتبي
الله يعينك عليهم اشتكي

الله يعينك ويصبرك

لعمل الانثى بالمصانع اشترطات معينة تقدرين تدخلين موقع وزارة العمل وتشوفين كل شي مالك وماعليك من حقوق

ونصيحة اضبطي اوراقك الرسمية من عقد وان معاك نسخة منه وغيرة من اوراق ثبوتية بخصوص العمل
ومايمنع تروحين لمكتب العمل وتكلمينهم بخصوص المشاكل الي فيها المصنع من تاخير رواتب او بيئية غير مناسبه للعمل

وربي يوفقك