تعلن الشركة عن توفر وظائف شاغرة لكلا الجنسين
نشر فى : 2014-12-31
الخبرة : حديثي التخرج - 0

وظائف شاغرة


ادارة الأصول .
ادارة الوساطة .
ادارة تطوير الاعمال .


على أن تتوفر في المتقدمين الشروط التالية:
1- حاصل على شهادة بكالوريوس (حديثي التخرج) .
2- يجيد التحدث والكتابة باللغة الانجليزية.
3- يمتلك مهارات استخدام الحاسب الآلي .
4- إجادة التواصل مع الآخرين والتمتع بروح الفريق الواحد.
5- العمل بدوام كامل.
6- للسعوديين فقط ( حديثي التخرج ) بتقدير لا يقل عن جيد جدا .

يرجى من الراغبين بالانضمام لدينا ارسال السيرة الذاتية على البريد الالكتروني :

recruitment@obic.com.sa

بالتوفيق للجميع وياليت اللي عنده معلومات عن الشركة من ناحية الرواتب والمميزات لا يبخل علينا فيها.

جزاك الله خير

__________________
ومن يعمل من الصالحات وهو مؤمن فلا يخاف ظلما ولا هضما

بما انك سألت عن راينا في هالشركة
من تجربة مبدأية معهم
شركة غريبة ومعقدة ونظامهم قديم
اول شي طالبين صور للشهادات و الهوية والسجل الاكاديمي وصور للخبرات والدورات
وفوق هذا مرسلين نموذج بي دي اف للتقديم على الوظيفة
النموذج تعيس و قدييييييم و يبيلك تطبعه وتعبيه وترجع تسويله سكان وترسله لهم !!!!
يعني حتى النموذج مو الكتروني
يعني وشوله التعقيد واللفة الطويلة ذي عشان اعطيكم معلومات انتم اولردي عارفينها من السيرة ومن المكالمة الاولية !!!
النموذج مافيه اي اضافة , كل المعلومات اللي طالبينها فيه موجوده في السيرة الذاتية او يقدرون يعرفونها بمكالمة , وفيه شي اسمه مقابلة شخصية
على طاري المقابلة
ترى كللللللللل هالطلبات طالبينها قبل لا يحددون موعد مقابلة وقبل لا يقابلونك وقبل لايشوفونك !!
يعني لو طالبينها بعد المقابلة او مع المقابلة معقول بس قبل !!
حتى الجهات الحكومية بهالزمن ماعادت اجرائاتها بهالتعقيد و البيروقراطية التعيسة

طيب اختي ايش موضوع الشركة يعني من ناحية الامان الوظيفي ورواتبهم وتعاملهم؟ يعني انتي وين وصلتي معاهم؟

والله باقي الامور مااعرف عنها شي , بحثت بقوقل و لقيت انهم شركة وساطة و اسهم

بس انا شفت مواريهم كذا و ماكملت معهم
نظام قديم و اجرائات معقدة , يعني ادارة الامور عندهم ماجازت لي
بعدين لاحظ ان الاعلان من اخر 2014 , يعني عدا عليه 6 شهور ومابعد وظفوا احد !!
وللحين عادي عندهم محلك سر مافكروا يغيرون اسلوبهم القديم والتقليدي والمعقد

انت قدم عليهم وشوف بنفسك , ممكن يعطونك عرض جيد او ممكن اذا رحت للمقابلة ترتاح لبيئة عملهم

بعدين نصيحة ,, لاتفكر ابد في شي اسمه امان وظيفي
الواحد الحين يغير وظيفته 11 مرة اثناء حياته بالمعدل الطبيعي
ماعادت الشركات مثل قبل تخلل موظفينها 20 و 25 سنة وماعادت الخبرة الطويلة المكررة ميزة
يعني من وجهة نظري مااشوفها ميزه ان الشخص مايغير وظيفته وثابت عليها من سنين
بالعكس اشوفه عيب و اشوف انه انسان مايبي يتطور ولا يتغير
وحتى تطور الشركات تغير وصار اسرع , شركات ترتفع وشركات تهبط في غمضة عين
انت اهتم بتطوير نفسك , اول شي ركز عليه هو بيئة العمل .. لازم تكون مرتاح نفسيا في المكان
ثاني شي تعامل الادارة , يكون محترم و راقي ومتطور
ثالث شي اشتغل في وظيفة مجال الترقية و الانتقال فيها واسع وسريع
لان فيه وظايف توصل لسقف معين وتوقف

وبالتوفيق

يعطيك العافية على النصيحة اختي ..

بس نصيحة لك الانتقال من شركة لشركة دايما غلط لأن هذي ما راح تكسبك خبرة في وظيفة معينة خصوصا اذا تبين تتخصصين بمجال معين في المالية او ادارة الموارد البشرية او اي تخصص اساسا يحتاج الخبرة .. فا الانتقال من شركة لشركة ومن مسمى لمسمى ما راح يبني لك سمعة جيدة للشركات ولا راح يخليك تفتخرين بخبرة في مجال معين.