السلام عليكم ورحمة الله وبركاتة

الحمدلله اليوم الثلاثاء وبعد انتظار شهر ونص استلمت بطاقتي الجديده مع الرقم السري وقالولي اسبوع وتتفعل البطاقة بإذن الله

حبيت اوضح لكم شغله مهمه بخصوص المقطوعه انا من الناس اللي قدموا عن طريق النت بشهر صفر يعني لي ست شهور وموعد نزولها برمضان ان شاءالله ودائما كنت اتابع عن طريق الهاتف ويقولي تحت الدراسه فقلت اكيد اموري تمام ان شاءالله..

لما رحت اليوم قلت خليني اشيك على المقطوعه واعلمهم اني قدمت عن طريق النت وكاااانت المفاجأه قالت لي الموظفه مايصير تقديمك عن طريق النت ويعتبر غلط ومو معترف فيه ولازم الحين تقدمين من جديد وانا وجهي صار طيب والست شهور انتظار قمت وبكل هدوء شرحت لها ان فيه ناس بالمنتدى قدموا عن طريق النت ونزلت لهم ووو قالت ابدااا ماصارت ولافيه احد قدم عن طريق النت ونزلت له عاد ماحبيت اكثر كلام والحمدلله كنت هاديه وقلت خلاص خيره قامت قالت لي لحظه خلي اثباتك وبطاقتك عندي وروحي اجلسي وبنادي عليك
المهم شوي ونادت علي قالت خلاص بتنزلك ان شاءالله بعد شهرين برمضان قلت جد والله قالت ايييه تعالي ابصمي على الورقه فحمدت الله وشكرت الموظفه ودعيت لها ومشيت من غير مااناقشها ايش صار وكيف وش السبب اللي خلاها تقبل تقديمي من النت

فيا جماعة لاحد يقدم عن طريق النت الوضع فعلااااا غير امن وممكن يروح عليك انتظارك على الفاضي الشغله لازم فيها تبصيم على الورق احمدالله انه سخر لي بنت الحلال هذي ومشت اموري
ووالله ماكنت بزعل لو اصرت علي اقدم من جديد وانتظر تسعه شهور ثانيه لاني مؤمنه ان كل شي فيه خيره من الله ومقدر ومكتوب


شهادة حق بقولها في حق كل الموظفات اللي يشتغلون بضمان الدمام النسائي من اكبر موظفه الى اصغرهم وحتى المستخدمات يشهد الله انهم جمييعااا بلا استثناء قمة بالادب والذوق وحسن التعامل والاسلوب بختصااار اخلاااااق الله يحفظهم ويبارك فيهم وفي عملهم ويكتب اجرهم

جدااا منظمين ومرتبين بشغلهم واللي لفت انتباهي اهتمامهم بكبار السن والله شي افرحني جدا وشفت بعيني كيف تطلع المستخدمه الفلبينيه الى الشارع وتساعد العجوز بالدخول والجلوس والبنات يجيبون الارقام والاوراق الى عندها واذا خلصت تمسكها المستخدمه وتطلع معاها توصلها الى السيارة حبيت هذا العمل منهم الله يعطيهم العافيه..

ادري طولت عليكم وهذرت واجد

بس حبيت اقول كل اللي صار معي اليوم بكل صدق وامانة

وارجع اقول شكرا لجميع الموظفات بضمان الدمام النسائي

انا قدمت عن طريق النت وتجاهلت كل التحذيرات بأن التقديم غير صحيح ونزلت لي ولله الحمد

وراح اقدم عن طريق النت المره الجايه لان المشوار صعب بالنسبة لي حدي اروح عشان تجديد البطاقة


والله يكتب الخير للجميع ..

اهلين اختي عاشقة السهر

اللهم امين

وانا مثلك تجاهلت كل شي بس سبحان الله اراد ربي اسألهم لما رحت وصار اللي صار

الله ييسر للجميع ..