مشروع شاليه في قرية

فدوشتي · #1 (**permalink**) 15-05-2015, 03:07 AM

السلام عليكم
انا فكرت بمشروع ازيد فيه دخلي
صح انا موظفة لكن القروض ماتبقي شي من راتبي
غير اني مسؤولة عن عيالي وعايشة ام واب لهم
اهلهم مايصرفون عليهم
وساكنة بيت اجار والحال مايعلم به الا الله
والحمدالله دوما

فكرت اشتري ارض وابني عليها شاليه
انا في قرية صغيرة في القصيم مافيها ولا شاليه
يعني مشروع ناااجح
لكن مشكلتي في التمويل
لقيت ارض بحدود50
غير البناء مادري كم يكلف
الشالية على ارض 500متر
ابيه بسيط ومريح وطراز عصري ومميز

سؤالي
هل فيه احد يمول الموظفين بس بالاجل
يعني مااسدد الحين
الا اذا اشتغل المشروع

لان قدرتي للسداد الحين االف ريال فقط

يالييييت احد يساعدني لوجه الله
ويحتسب الاجر في وفي عيالي

الله يسعد الجميع

زرقا اليمامة · #2 (**permalink**) 15-05-2015, 08:44 AM

الله يكون بعونك
طيب مارئيك تعملين مشروع بـ30 الف
افضلك من الديون والمشاكل
يعني تستثمرين المبلغ وبيدخل عليك ارباح بااذن الله

أم خولة 33 · #3 (**permalink**) 15-05-2015, 04:22 PM

بنك التسلبف.... أدخلي موقعهم وشوفي ..

فدوشتي · #4 (**permalink**) 15-05-2015, 08:40 PM

شكرا ع الردود

بنك التسليف لوعطوني بس 60الف
ماتكفي
نفسي احد يسلفني
والله انا ثقة وبردهن باذن الله
الله كريييم
يسخر لي عبادة

زرقا اليمامة · #5 (**permalink**) 16-05-2015, 12:23 AM

ونعم بالله
بس نصيحة لك اغسلي يدينك فيش احد يسلفك فيش احد فيه خير
الله يبي يفرجها ان شاء الله
اتكلي عليه
ولاعااد تقولين سلفوني ماحداً راحمك ولااحداً مساعدك
استغني عن الناس واعتمدي على نفسك

فدوشتي · #6 (**permalink**) 16-05-2015, 04:59 AM

ونعم بالله
الله كريم

محب الخيل · #7 (**permalink**) 17-05-2015, 12:29 AM

الله يرزقك الرزق الحلال ..القرية كم عدد سكانها تقريبا ؟؟

وكيف حالتهم الاجتماعية ؟؟ يعني امورهم المادية زينة؟؟ وهل يفضلون ايجار

الشاليهات ؟؟

ياليت تدرسين الموضوع تمام اوتبحثين عن مشروع آخر ..

غالبا في القرى الصغيرة مايمشي فيها اغلب المشاريع

صالح يعقوب · #8 (**permalink**) 17-05-2015, 02:07 PM

شاليه وفي قرية صغيرة ماراح تحصلين زباين لك غير أيام الاعياد

لأن القرى غالبا فيها مزارع ومتنزهات واستراحات خصوصا الي جايين من برا القرية بالويكند

في هالحالة ..

انا اقترح (مجرد اقتراح) تبحثين عن عمل يناسب قدراتك

مثل طبخ المأكولات الشعبية
طبخ الحلى والتشيز كيك ونحوه..

وبيعها في القرية نفسها أو بالقرى القريبة عن طريق مندوب أو سائقك الخاص

موفقين

فدوشتي · #9 (**permalink**) 17-05-2015, 03:27 PM

هي موقرية صغيرة
لا كبيرة شوي ويتبعها عدة قرى
لكن بالنسبة للرس وعنيزة وبريدة احسها قرية
واهلها ماعليهم قادرين
عددهم كبير ماشالله

أرباح للتسويق · #10 (**permalink**) 17-05-2015, 11:25 PM

اختي لا تجرفك الرغبة بدون تأني ترى شريان الحياة لأي مشروع هو الماااال فقط
لهذا المشروع ممكن تلاقي ممول لكن بشرط اسالي أي مكتب دراسات جدوى معتمد كم يعملك دراسة كاملة دراسة سوق أهم شي و دراسة جدوى فنية لا تقل التوقعات للتدفقات النقدية عن 10 سنوات و بعدين اعرضي هذي الدراسة على التجار و الممولين هنا ممكن يكون طلبك مقبول اما مجرد رغبات أو توقع شخصي للارباح لن يقنع أي ممول...