السلام عليكم
يا شباب اي واحد عاطل بسبب قياس ولم يتجاوزه حنا جمعنا اشخاص فيهم الخير ونبي نرفع برقيات للملك سلمان حفظه الله بانهم يعينون الخريجين العاطلين او تنزيل الدرجه النجاح الى 40% اللي ابيه منكم اننا نتكاتف ونسعى في هدف واحر لعل وعسى نخرج بفايده ونخرج من هذا التجمع بتوظيف الشباب يشهد الله ان هناك عدد كبير عاطلين لهم اكثر من 5 سنوات وصارو مهمشين وضاع مستقلبهم بسبب قياس الظالم لازم نتكاتف ونتجمع ونكون يد وحده ضد قياس الظالم
حنا مسوين قرووب وفيه خطوات نعملها لكي نوصل للمسؤول عن الوظايف والتعيينات
ياليت العاطلين يتواصلون على هذا الرقم 0555781039
نضيفه ونفهمه على كل الخطواات
همتكم يا شباب لازم نجتهد قبل موعد التقديم 1/8
باقي ايااام تكككككفون
وسلامتكم

الله يوفقكم

فعلا بعض التخصصات مثل الرياضيات مااتقبله الوظائف الاداريه
ماله الى الوظائف التعليميه والتعليم لازم يعدي قياس وقياس الرياضيات صعب جدا وتعجيزي

قياس الرياضيات تعجيزي؟؟
وش معنا الانقلش عادي جدا ماهو تعجيزي
شفت أسئلتهم والله سهله كلمات سهله
طبعا احنا في الانقلش أكثر شي يورطنا الكلمات
ممكن لو كلمه وحده أو كلمتين ماتعرفها كل السؤال ماتفهمه بسبب هالكلمه أو الكلمتين
ومع ذلك اختاروا أسئله عاديه وكلمات سهله على قد عقولنا
ماتوقعتها أبدا الأسئله تكون أسئلتهم سهله كذا

ماادافع عنهم بس كلمة حق لازم تنقال

الله يعطيكم الصحة والعافية

ولاتنسونا بشرونا وش يصير على الوضع

والله ينصركم ع قياس هالظالم

وأن شاء الله هالسنة تكون بشايرخير على الجميع

ملينا من الانتظار

أنا صراحة لا أدري ما فائدة هذا الأختبار للتعليم أو بالأصح للمعلمين , يعني اللي بينجح فيه هل سوف ينهض بالتعليم هل سوف يأتي بأفكار و أشياء جديده ...الخ كلنا نعلم أنه مجرد ناقل لما يكتب في الكتب أي أنه لا يأتي بشي جديد و لكن يمكن يتميز في شرحه و هذا يكون في شخصية المعلم , أنا لا يحزني إلا الأشخاص المتفوقين الذين يرسبون في هذا الأختبار و يأتون أشخاص أقل منهم مستوى و يتوظفون قبلهم لأنهم مجرد أجتازوا الأختبار , ما خطب هذي الوزاره ألا تعلم أن الطالب المجتهد إذا توظف معلم سيظل مجتهد لأنه تعود على ذلك , المفروض لو عندهم ذرة عدل كانوا جعلوا الأختبار ليس للأجتياز بل أضافه للمعدل مثل تقييم1 و تقييم2 , ظلم هذا الأختبار لن يزول إلا بالتجمع و المطالبه بالعدل أقل شي جعلها مثل أختبارات موظفين السلم العام .

دعواتكم

تنزل النسبة 45-49

الله يحرم اللي حرمنا من الدخول في المفاضلة

المفروض ع الأغلبية تحدد النسبة

والله ظلم بعينه

حسبي الله ونعم الوكييييل

يابن الحلال صلي على الرسول
اللهم صلي وسلم عليه ..

تؤمن بالله انا ناجح بالكفايات يمكن 62
والله ما أشوف إني استاهل أصير معلم
انت قارن نفسك مع المعلمين الحقيقين وشوف كيف
بتخجل من نفسك ..

انا لو وزير بحط شرط التعليم تجيب 90 من 100
(( الله لا يوليني على مسلم )) ههههههههههههههه

لأن اللي مثلي يجيب مثلا 60 من 100 تعرف وش معناها؟
يعني مو فاهم من تخصصه إلا 60% بس والباقي داج فيه ما يعرف
بالله هذا يستحق اسم (( معلم ))

لكن ما ألومك وما ألوم نفسي ولا ألوم هذا الجيل اللي انا منهم
لأن طمعنا بالتعليم كمادة يعني قرنقش وراحة إجازات ...إلخ

لكن لو تتم مساواة المعلم مع الإداري مع العسكري مع غيره
يعني كل موظفين الدولة على سلم واحد وإجازات وحدة وراتب واحد

بتشوف وقتها ما يجي للتعليم إلا اللي فعلا يحب التعليم ومتمكن فيه

عموما هذي وجهة نظري اولا واخيرا
واحمدوا ربكم إن الوزير قبل كم يوم اعلن نجاح اللي جاب 50 فما فوق
مع إنها بتجيب مخرجات ضعيفة للتدريس إلا إنها تسهيل من الله لكم
يمكن من دعاوي عجايزنا الله يطول باعمارهم


والي زعله كلامي اقوله على راحتك ما قلت إلا الحقيقة بلاش مجاملة