يا اخي من حقي اقدم على الوظائف التعليميه
التنقاض اللي في النظام غبي
مثلا اقدر اقدم على وظيفة معيد في الجامعه بس ما اقدر اقدم على وظيفة مدرس مع ان الجامعه تحتاج مجهود اكثر في التعليم
وبنفس الوقت انا ادرس 5 سنين في جامعة في تخصص مو موجود منه تربوي اصلا مشان بعدين اقدم على تربوي فيسير المجموع 6 سنين كاني دارس طب وفي الجهه الثانيه شخص يدرس 4 سنين ونتوظف انا وهو على نفس المرتبه وبالنسبه للتربوي ما يزيد شي كلنا شايفين طريقة تدريس المعلمين والمعلمات

كلام صاحب الموضوع مقنع حصولي على الموهل هو الشرط الوحيد لدخولي في المفاضله

انا تخصصي نظم معلومات ادارية ... تقدر تجيب لي جامعة تدرسك هالتخصص وتخرجك كتربوي ؟؟؟ ودارس في جامعة مدة الدراسة فيها 5 سنين وبالانجليزي ومع ذالك راح اخذ تربوي ناهيك انو الا تلاقي جامعة تدرسك تربوي على نفس تخصصك

عوافي اللي غير تربوي يقدر يقدم على الوظائف التعليمية بس الفرق بينه وبين التربوي الراتب والمرتبة

- التربوي يتعين على راتب 8000 ريال المرتبة الخامسة .

- الغير تربوي يتعين على راتب 7500 ريال المرتبة الرابعة .

وهذا كلامي صديق لي تعين السنة الماضية تخصص انجليزي غير تربوي

ويقول شهر 1 ينزل الراتب 8000 ريال يعني بس تداوم 4 شهور ويصير راتب 8000

بحكم زيادة الراتب اللي هي 500 ريال .


* واعتقد الفاصل بين التربوي وغير التربوي في التعيين واذا فيه احتياج عادي اهم شيء مجتاز قياس سواء كنت

تربوي ام غيره ، ويفرقون بينهم اذا مافي احتياج والتعيين قليل اعتقد هنا يتفوق التربوي على غير التربوي بحكم الدراسة

التربوية اللي احس ماهي فرق كبير عدى المرتبة والراتب .


- والمظلومين صراحة اللي ما عندهم ترم تربوي في خطتهم الدراسية على العكس مافيه ترم تربوي في الخطة

وفوق هذا تدرس ترم تربوي على حسابك كل ترم 5000 ريال ب المجموع 10000 ريال بالسنة .

وماتقدر تدرسها الا اذا تعينت مدرس اما عاطل وتبي تدرس ترم تربوي من وين لك 10000 ريال .

وحتى حافز بكبره يبي لك 5 شهور تجمع ي الله تحصل الـ 10 ، وهذا اذا حالفك الحظ وجمعت

قبل يبدء الترم وسجلت ويمكن موب موجود بمدينتك تضطر وللاسف تنتظر السنة الجاية او تدرس بمكان اخر .

زبدةةة الحكي وباختصار
مايبونا نتوظف وانتهينا

انا مو قاهرني الا انهم يبون المملكه تطور
ويبون جيل مثقف يطور من المجتمع
وتكون المملكه بكل فئاتها العمريه نشطه وفعالها
وين بالله يمدينا نطور بالمجتمع وبالمملكه وانتم ماتوظفون ولاتعطون حق المواطن بالوظيفه
ماغير نسمع اعلان وظايف
ي تكون وهميه والا الاسماء جاهزه "فيتامين وااو "

الله يكتب لنا الخير

اللي يقول ان الغير تربويين يتوظفون بس على مرتبة اقل متأكد؟؟؟
ليش كل ماسألت قالوا لي غير تربويه؟إذاً انسي التعيين
يارررب يجي لنا تعيين على اي مرتبه اهم شي مايحدّونا ع التربوي

ان مش مجتاز قياس

الله كريم

ياشباب ارجو الرد عاجل اللي عنده علم يفيدني
انا خريج بكالوريوس ادارة اعمال غير تربوي ومجتاز كفايات ماطلعتي الوظايف

االي قالت غثيتونا والاداري هو لكم ... انا بعد اشوف التعليمي غثاء واحب الاداري بس للاسف حتى الاداري محرومين منه
كم سنه يفتح التقديم ويقول تخصصك لايناسب
يعني بال>مة لا تعليمي ولا اداري اجل ليه ندرس .. ورجاء اللي ماله بالسالفه لايعلق
هذي فضفضة وقبل كان عادي يتوظفون على المستوى الرابع

وحنا ماحدنا فئة .. بس حنا مظلومين لا من هنا ولا هنا
الله يفرجها على الجميع

واليوم راسلت المنيف واثبت لي عدم قدرة الغير تربوي مجتاز قياس الدخول في المفاضلة
معليه خل يوظفونا اداري ماعندنا مانع

طيب ايش فيكم زعلانين انتم انحرمتم من التعليمي لأنكم غير تربويين
واحنا انحرمنا من الاداري لأننا تربويات

وبعدين من جد آخر شي توقعته إنه تطلع لي رساله مكتوب فيها لا يمكنك التقديم لأنك تربوي!!
طيب لأنك غيرتربوي معقوله مقبوله يعني ناقصك شي لازم تكمله... أما لأنك تربوي؟؟!! ماعرفت أفسرها