مشروع سبح بالرياض .
 

عندي مشروع سبح مميزة بالرياض بسعر رخيص جدا .
الفكرة مكتملة في ذهني تماما . والتصاميم عندي جاهزة . ورأس المال الحمد لله موجود .
وطرق التسويق مضمونة ولله الحمد والفضل والمنة .
بس فيه كم سؤال إذا سمحتم :

1- أبي أعرف محلات تبيع حبات السبح وخرزاتها ( خام ) بألوان متعددة . وأنواع متعددة ( كهرب ، خشب ، بلاستيك .... ) .
2- أبي أعرف خراط مشهور بالرياض . ( وللي مايعرف بأمور السبح الخراط هذا يقوم بتشكيل المواد الخام إلى خرزات السبحة التي تراها في السبح المعروفة : بيضاوي ، دائري ... ) .
3- أبي أعرف كم سعر الخرط . وكم سعر الخرز الخام . حتى أكون واعية وماينلعب علي .
4- أبي اقتراحاتكم .


علما بأن التسويق سيكون ( الكترونيا ) عن طريق النت . إلى أن أسترجع رأس المال ، وبعدها سيتم استئجار محل .

ووفق الله الجميع ورزقني وإياكم من واسع فضله .

مبارك عليك الشهر الكريم
 

فكرة جميلة اتمنى لك التوفيق

فكرة أكثر من رائعة
الله يوفقك

ممممممممممم الفركة راح تمشي في قطر اكثر من السعودية والله اعلم


... بالنسبة ... للمحلات ... بأذن الله راح اشوفلك اليوم .. اذا مانسيت ..

ولي رجعة

مشروع جميل
توكل على الله

الله يوفقك اخوي بالنسبه للسبح طال عمرك تنباع بجده بالبلد في باب مكه وباب شريف
وفيه محلات خلف فندق قصر الحياه الي بطريق المللك عبدالعزيز جمله طبعا
والله يوفقك انشاء الله

الله يجزاكم خير يا أخوان على التشجيع

الفكرة بتوفيق الله ستكون مميزة جدا . ما عندي مانع فيما بعد ان شاء الله اصدر لقطر . وبخصوص جدة ، انا مفكرة بإذن الله بمرجد انتهاء موسم الحج لي رحلتين : وحدة لجدة ومكة والمدينة للاطلاع والحصول على بعض الخامات اللي مالقيتها هنا .
والثانية للكويت لزيارة بعض الهواة اللي تعرفت عليهم من النت لشراء مستلزمات أخرى .

أخوي مازلت في انتظارك . انا طالعة الديرة بعد ساعة . وبامر على الثميري وعلى السويلم .
ياليت اذا عرفت شيء تبلغني الله يوفقك ويرزقك .

إذا كنت في جدة ممكن تفيدني في كم شغلة اذا سمحت ؟ وممكن استفيد منك اذا جيت جدة لأني ما أعرف الأماكن جيدا .

الله يوسع عليك رزقك يارب