مشروع مغسلة السيارات استفسار واراء

خالدالربعي · #1 (**permalink**) 20-05-2015, 12:53 AM

بسم الله الرحمن الرحيم
السلام عليكم ورحمة الله وبركاتة
ادخل في الموضوع على طول بدون مقدمات
ان باذن الله ناوي افتح مغسلة سيارات
ولقيت موقع جدااا ممتاز في مجمع تجاري .. مو محطه داخل حاره سكنيه وسكانها كثير لكن مهو مجهز على انه مغسله يبي له بنيان
وعند افكار حاب اعرضها عليكم ونتشارك الاراء
تصميم المغسله يكون ثلاث فتحات غسيل وثلاث فتحات تنشيف وتنضيف وغرفة استراحه مكيفه للزبائن
وتكييس الدعاسات
واول اسبوع يكون الغسيل مخفض مثلا 10 ريال

--
وعندي بعض الاستفسارات
عن الاجراءات سمعت انه لازم تكون في محطه
و ماهي افضل جنسيه في العماله وكم العدد الي يكفي
---
تتوقعون 100000 مئة الف تكفي

اتمنى من الجميع المشاركه باراء
ولي عنده خبره في هالمجال يفيدنا

دمتم في حفظ الله ..

اوم العطاله · #2 (**permalink**) 20-05-2015, 01:27 AM

اولا اسئل الله ان يوفقك ويباركلك في الشروع جدا ممتاز
اولا في نقاط لازم تحطها اولويه
ايجار المحل كم؟اذا اكثر من 70000 الف شوفلك موقع ثاني
العماله المممتازه الفلبينين او الاندنوسين لا تجيب غيرهم
لازم يكونو العماله جاهزه عشان ما تفتح وتستنى اجرائات استخراج العماله بتاخذلها حدود الشهرين وبيكون المحل من غير دخل (ممكن تشغل عندك عمال متخلفين لحد ما تضبط وضعك بس لازم تكون في المحل لو جت وزاره التجاره تكون موجود انت
خلي فتحه للغسيل وفتحه للتلميع وفتحه للتنشيف(واذا سوق التلميع ماشي الغي التلميع ) افضل
في البدايه لا تجيب اكثر من 3 عمال لحد ما تشوف الشغل كيف
عشان الرخصة تطلع لازم ما يكون في عماره يعني مبنى دور واحد
او محطه (وممكن الامور ذي تمشي في البلديه لو عندك معارف )
الله يسهلك ويكتبلك الخير

عاشق الفرسانه · #3 (**permalink**) 20-05-2015, 07:22 AM

اول شي الله يوفقك في الفكره

انا بقلك نصيحة خذها مني لوجه الله

النقطة الاولى محل مستقل كمغسلة سيارات ماراح احد يرخصلك فيه وهي اصلا ممنوعه من البلدية

النقطة الثانية جميع المغاسل السيارات الموجوده داخل المحطات مؤجرة من المالك مباشرة او من المستأجر المجمع بالكامل على العمالة

النقطة الثالثة لو حصلت موقع يبيلك اقل شي 15 عامل علشان مشروعك يبتدي يشتغل وينجح

النقطة الرابعه ندخل في الحسبة 30الف ريال ضريبة الفيز للعمالة اضف عليها تكلفة استقدامهم ايش راح يبقى اللايجار غير التجهيزات

الكاملة من مكائن ضخ اذا كانت غير موجودة اضف الى ذالك للمشروع هذا فشل فيه ناس كثير بسبب العماله

فنصيحه لوجه الله فكر في المشروع الف مرة قبل ماتنفذ

دراسة مشاريع · #4 (**permalink**) 20-05-2015, 03:32 PM

ابعد عن العماله الافارقه والصومال وغيرهم . لي تجربه سيئه معاهم. فتحت مغسله وجهزتها بشكل ممتاز من ناحية العده وكل شي والعمال كل ماجبت احد يشرد. بالاخر اجرتها لهم وشغلوووها حرييييقه وصارت تطلع اضعاف مضاعفه . طلع الموضوع زي المافيا شخص يتحكم بالعماله وعيوونه عالمغسله ويحركهم بالطريقه الي يبغاها الين ماتطفش ويعرض عليك انه يستآجرها .