الله يوفقكم جميع
لكن بالنسبه لموعد الدورة فراح تكون دورة الفرد الأساسي بتاريخ 21 /1 /1437 ولمدة 16 اسبوع وهالكلام رسمي ومثبت ممكن يتقدم اسبوع او يتاخر اسبوع مع انه يُفترض يكون بالوقت المحدد لكن بما ان الاجراءات ماخلصت للحين والحج القاعده تكون مشغوله بالحج فنقول ان شاء الله ما تتاخر ولا تتقدم عن هالموعد


بالتوفيق للجميع شدوا حيلكم وربي ييسر اموركم ويسخر لكم عباده بإذنه سبحانه

للأسف مافي تجاوب من الاخوان

اليوم الاحد الموافق 17 / 10 /1436 هجري
كان موعدي بالكشف الطبي بقاعدة الملك فهد بالطائف
كان حضوري للقاعده الساعة 6 صباحآ الساعة 6 ونص جاء الباص امام البوابه واخدناا لقاعة التجنيد بعدهاا تم النداء بالاسماء لجميع الحضور عن طريق الكشف الموجود عندهم
طلبو منناا صورتين فقط واعطوناا ورقة فيهاا اسمائناا ودبسو الصورة وختموهاا الورقة عباره عن السيرة الصحيه للطالب المتقدم للوظيفة تعبيهاا اذا تم قبولك نهائي تجيبهاا معاك
بعد ماخلصناا ركبناا الباص وودوناا للمستشفي الموجود بالقاعدة تحديدآ لطواري الطيارين
وكان الدخول للدكتور بالاسماء الموجوده بالكشف وطبعاا ماكناا عارفين ايش بانتظارناا
للاسف كانو الاطباء 2 باكستانين كل واحد بعيادة
اقسم بجلال الله قلة حياء واهانه للكرامه والنفس وتجاوز للدين الي صار

كلناا نعرف انو بالكشف الطبي حيصير فيه تنزيل للسروال وبشكل سريع كمان
لكن الي صار انو الدكتور يدخل اتنين اتنين ويقفل عليهم الباب لكن من حسن حضي أني دخلت لحالي
اول مادخلت طلب مني الدكتور اني افسخ التوب وكان الموضوع عندي عادي لكن الي مو عادي قلي شيل توب وشيل فنيله وسروال السنه والسروال الصغير < يعني تجلس قدامه مثل مامك جابتك عاااري ملط وهناا كانت الصاعقة الكبيره علياا الي خلتني احاول اقنعو انو مايجوز ومالو داعي الكشف بدي الطريقة لكن كان رده للاسف مافي شيل ملابس مافي كمل فحص وانجبرت للاسف وياريت الموضوع انتهاء هناا لا للاسف يكشف عليك كماان من الخلف وطبعاا بتعمل حركات رياضية قدامه وانت عاري برضو ( وقتها حسيت نفسي كاني باعرض فلم اباحي لحضرته ) السؤال الي تعبني طول طريقي من الطائف الين ماوصلت للمدينة المنورة لي طلب مثل دا الشي هل عشان يشوف البواسير ولا الناصور ولا عشان يشوف ماضي المتقدم ...!
بالنسبة للكشوفات ف حيشوف ضغطك ونبضات قلبك بالسماعة ويشوف تنفسك وحيكشف علي نظرك عن طريق اللوحه تشوف الحروف الانجليزيه وبعدهاا يشوف عماء الالوان
نصيحة لااحد يروح للدكتور الي مسوي سـكسوكة روحو للدكتور ابو لحيه طويله اذا حصلتوه لانو اهون واسرع من الي اناا دخلتلوو تقريباا جلست عندو اكتر من ربع ساعة وهوا قاعد يفحص ويحاول يطلع فيك مشكلة
بغض النظر عن الي صار باقي الاشياء بسيطة انشاءالله وتسويهاا سريع سريع من المختبر والاشعة


علي العموم بعد ماخلصت الكشف رحت للمختبر اخدو مني عينات دم والله يكرمكم بول وبعدهاا رحت سويت اشاعة الصدر

ومسكت الخط للمدينة

بالنسبة للدورة حتكون بمنتصف شهر 12 والكلام هذا من رئس الرقباء الي كان معاناا طوال اجرائات الكشف وكمان كلام الشباب الي يحرسو البوابات

بالنسبة للي مقدم علي الشرطة الجوية بمطار المدينة المنورة ف هماا طالبين 80 رقم وعدد المقبولين 130 شخص يعني باذن الله في امل كبير انو نكون احناا احد هادي الارقام

وبالنسبة للدفعات الي حتسوي الكشف الطبي حنتنهي اللجنه يوم 28 الشهر هذا والفرز النهائي منتصب شهر 11 باذن الله الفرز حيكون من الرياض بعد ماترفع الملفات

وآي استفسار اناا حاضر

ملاحظة أخيره

للناس الي لسه ماراحو للموعد مانصح احد يروح لهم الا بموعده لانو اليوم جو شباب مواعيدهم الاتنين والتلاتاء وسوولهم قروشه وماكانو راضين يدخلوهم للكشف

لاحد يروح الا بموعده ياشباب

بالتوفيق

مصدري خطة التدريب.. وعددكم راح يكون 850 طالب ..عملي بالجوية ومتاكد من معلوماتي

يارب يسرامري الله يجزاك خير ممكن تفيدني انا ماجاني اتصال لحد الان تخصصي عريف كاتب قاعدة الملك فهد في أحد من هذا التخصص سوا كشف طبي ولا باقي واللى راحو لكشف الطبي وش تخصصاتهم