المشاركة الأصلية كتبت بواسطة مركيز

الله لا يردها من وظيفه يبغى يشوف الي قدام أهلاً وسهلاً
أما أنه يفتش المقعده وأقعد أستعرض له هذي قلت حياء هذي م خ ن ث ه

المشاركة الأصلية كتبت بواسطة عاطل رقيب اول

اليوم الاحد الموافق 17 / 10 /1436 هجري
كان موعدي بالكشف الطبي بقاعدة الملك فهد بالطائف
كان حضوري للقاعده الساعة 6 صباحآ الساعة 6 ونص جاء الباص امام البوابه واخدناا لقاعة التجنيد بعدهاا تم النداء بالاسماء لجميع الحضور عن طريق الكشف الموجود عندهم
طلبو منناا صورتين فقط واعطوناا ورقة فيهاا اسمائناا ودبسو الصورة وختموهاا الورقة عباره عن السيرة الصحيه للطالب المتقدم للوظيفة تعبيهاا اذا تم قبولك نهائي تجيبهاا معاك
بعد ماخلصناا ركبناا الباص وودوناا للمستشفي الموجود بالقاعدة تحديدآ لطواري الطيارين
وكان الدخول للدكتور بالاسماء الموجوده بالكشف وطبعاا ماكناا عارفين ايش بانتظارناا
للاسف كانو الاطباء 2 باكستانين كل واحد بعيادة
اقسم بجلال الله قلة حياء واهانه للكرامه والنفس وتجاوز للدين الي صار

كلناا نعرف انو بالكشف الطبي حيصير فيه تنزيل للسروال وبشكل سريع كمان
لكن الي صار انو الدكتور يدخل اتنين اتنين ويقفل عليهم الباب لكن من حسن حضي أني دخلت لحالي
اول مادخلت طلب مني الدكتور اني افسخ التوب وكان الموضوع عندي عادي لكن الي مو عادي قلي شيل توب وشيل فنيله وسروال السنه والسروال الصغير < يعني تجلس قدامه مثل مامك جابتك عاااري ملط وهناا كانت الصاعقة الكبيره علياا الي خلتني احاول اقنعو انو مايجوز ومالو داعي الكشف بدي الطريقة لكن كان رده للاسف مافي شيل ملابس مافي كمل فحص وانجبرت للاسف وياريت الموضوع انتهاء هناا لا للاسف يكشف عليك كماان من الخلف وطبعاا بتعمل حركات رياضية قدامه وانت عاري برضو ( وقتها حسيت نفسي كاني باعرض فلم اباحي لحضرته ) السؤال الي تعبني طول طريقي من الطائف الين ماوصلت للمدينة المنورة لي طلب مثل دا الشي هل عشان يشوف البواسير ولا الناصور ولا عشان يشوف ماضي المتقدم ...!
بالنسبة للكشوفات ف حيشوف ضغطك ونبضات قلبك بالسماعة ويشوف تنفسك وحيكشف علي نظرك عن طريق اللوحه تشوف الحروف الانجليزيه وبعدهاا يشوف عماء الالوان
نصيحة لااحد يروح للدكتور الي مسوي سـكسوكة روحو للدكتور ابو لحيه طويله اذا حصلتوه لانو اهون واسرع من الي اناا دخلتلوو تقريباا جلست عندو اكتر من ربع ساعة وهوا قاعد يفحص ويحاول يطلع فيك مشكلة
بغض النظر عن الي صار باقي الاشياء بسيطة انشاءالله وتسويهاا سريع سريع من المختبر والاشعة


علي العموم بعد ماخلصت الكشف رحت للمختبر اخدو مني عينات دم والله يكرمكم بول وبعدهاا رحت سويت اشاعة الصدر

ومسكت الخط للمدينة

بالنسبة للدورة حتكون بمنتصف شهر 12 والكلام هذا من رئس الرقباء الي كان معاناا طوال اجرائات الكشف وكمان كلام الشباب الي يحرسو البوابات

بالنسبة للي مقدم علي الشرطة الجوية بمطار المدينة المنورة ف هماا طالبين 80 رقم وعدد المقبولين 130 شخص يعني باذن الله في امل كبير انو نكون احناا احد هادي الارقام

وبالنسبة للدفعات الي حتسوي الكشف الطبي حنتنهي اللجنه يوم 28 الشهر هذا والفرز النهائي منتصب شهر 11 باذن الله الفرز حيكون من الرياض بعد ماترفع الملفات

وآي استفسار اناا حاضر

ملاحظة أخيره

للناس الي لسه ماراحو للموعد مانصح احد يروح لهم الا بموعده لانو اليوم جو شباب مواعيدهم الاتنين والتلاتاء وسوولهم قروشه وماكانو راضين يدخلوهم للكشف

لاحد يروح الا بموعده ياشباب

بالتوفيق

المشاركة الأصلية كتبت بواسطة يارب يسرامري

ابحاول اتاكد لكم بكره او بعده من المطلوب كم للطائف

المشاركة الأصلية كتبت بواسطة كليه هندسه

الله يرضى عليك بما انك موظف عندهم طيب شوف موضوع العرفاء حد منهم سوا كشف طبي وليه ماتصلو

المشاركة الأصلية كتبت بواسطة تعاتببنا

راسلت لجنة القبول والتسجيل
عن موعد الفرز النهائي
وهل صحيح ان الدورة بتاريخ 21/1/1437
وكان هذا ردهم
الفرز نهاية شهر 11 ان شاء الله
والدورة بعد عيد الاضحى مباشرة
اتمنى لحد يجيب شي من راسه

المشاركة الأصلية كتبت بواسطة مهااااااااااب

الله يوفقك ويوفقك جميع الشباب هنا الواحد لازم يتحمل اي شيئ من أجل الحصول على الوظيفه وباب رزقه ..

لو تكرمت الساعه كم انتهيت من الكشف يعني كم ساعه استغرق الكشف الين غادرة قاعدة الطائف

المشاركة الأصلية كتبت بواسطة عاطل رقيب اول

المشكلة احناا كلمناا الناس المعنين بالدورة من ادارة التجنيد وهم بانفسهم قالو الفرز النهائي بشهر 11 والدورة بمنتصف شهر 12 وفوق كدا يجيك واحد يقولك كلام من راسه ويبغانااا نصدقه..! لا والله ماكذب المسؤل الي انا سائله واصدق شخص من النت ويقول انا شغال فيهاا..! مع احترامي له طبعا

المشاركة الأصلية كتبت بواسطة عاطل رقيب اول

اللهم اميين

والله للاسف في بعض المتقدمين رفضو الكشف بهذي الطريقة وخرجو بدون الكشف ..!

علي العموم اناا حضرت عند البوابه الساعة 6 بالتمام والباص جاناا الساعة 6ونص

يعني من الساعة 7 ماخرجناا الا الساعة 12 ونص الظهر
طبعاا انت وحضك اذا دخلت للدكتور بدري حتخلص المختبر والاشعة وتتوكل علي الله بدري بدري

علي حسب الاسم بالكشوفات بندخل للطبيب

المووضوع سهالات باذن الله ولو تبغي نصيحتي لاتقول للولد علي الكشف انو لزم ينزل كل ملابسه لانو حتجيه ردة فعل تخليه يبطل الموضوع ف خليه يتفاجئ لمن يدخل للدكتور عشان مايهرب هههه

وطمناا ايش يصير معاه

المشاركة الأصلية كتبت بواسطة مهااااااااااب

ههههههههههههههههههه
الله يسعدك بالدارين ويوفقك يارب ذكرتني بما مضى من سنين شفنا فيها ياوجه الخير العجب العجاب
في عام 1402 تم ابتعاثي مع زملا بدوره في احد الدول العربيه وكانت دوره قاسيه جدآ جدآجدآ يشهد الله
وكانت فيها نوع من الأهانه والفحص النفسي المبالغ فيه ومن تلك التجاوزات انهم كانو ينزلونا الميدان في ساعه متأخره من الليل للميدان والأجواء كانت شديدة البروده ويطلب منا انخلع جميع ملابسنا كما خلقنا الله ونكون في خط واحد مستقيم وكان كل واحد منا معطي الآخر ظهره يعني كما تفضلت كل واحد يناظر مقعدة خويه هههههه ويقوم كل واحد بسكب الماء البارد على الأخر بالأظافه الى تنظيف ظهر زميله بأقمشه متسخه.
ولواحد عارض يتم طي قيده فورآ واعاده للوطن يشهدالله وهذا قليل من كثير وكنا نتحمل من أجل الوطن ولقمة العيش
ولكن الحمدلله عدنا وكأن شيئ لم يكن واليوم هذا يومكم يا امل الوطن فالرجل رجل اينما حل ولا تهزه مثل هذه الأموروتراها نوع من انواع الفحص النفسي المهم الحذر الحذر من اي تجاوزات في القول اوردة فعل سيئه قد تكون سببآ في حرمان الشخص من اكمال القبول خذها من شخص محب الخير للجميع والله انني لم اقل هذا الا انني معتبر كل شخص منكم بمثابة اخ صغير لي او ابنن لي الذي هو معكم في هذه الدوره الله الله بالصبر ثم الصبر ثم الصبر
وسأل الله لكم التوفيق