السلام عليكم ورحمة الله وبركاته
قصيده فيها من الحكمّ ، اتمنى تنال استحسانكم ..
للشاعر الكبير بدر الحويفي ..
قـال الـذي نفسـه بعقلـه حكمـهـا
عن كلمة (ن) مضمونها يجرح شعـور
مـا ذم نـاس ولا تخـطـرا شيمـهـا
وليا خصم يفلج علـى شاهـد الـزور
وناس(ن) تكافـي شرهـا مـا شتمهـا
يرعى الحقوق ولا كشف ستر مستـور
والقافيـه لا لاوحـت مــا غشمـهـا
ماهو علـى البهتـان والظلـم مجبـور
لو هـو ليـا مـس الحبـال وحزمهـا
يبلـى بهـا محـدود الأفكـار ويخـور
ما هـو عمـى عينـه تقـدي قدمهـا
جرب ومـن كثـر التجاريـب دكتـور
والطيبـه لاوافـقـت مــا لطمـهـا
يفتح لها المصـراع والبـال مسـرور
مـا غرتـه دنيـا النهايـة عدمـهـا
مصير اهلهـا تحـت الألحـاد بقبـور
الدايـم اللـي بيـن خلـقـه قسمـهـا
اللي دعاء موسى على جانـب الطـور
مـرارة الدنـيـا تـخـرب طعمـهـا
ابا انصح الجاهـل بهـا يقبـل الشـور
قـدام تـردم فـوق راسـه اردمـهـا
في ماقف(ن) عن شوف الاحباب مهجور
مـن لاعـرف مقـدار نفسـه ظلمهـا
بالكـذب والبهتـان مغـراء وممهـور
امـا شـرع بالنـاس ياكـل لحمـهـا
والا ورى دنيـا الفنـى تقـل مسعـور
يخطـي علـى نفسـه ويتبـع وهمهـا
والنفس ماتحمل وزن ريـش عصفـور
وش حيلهـا كـان ان مـا الله رحمهـا
في ساعة(ن) فيها معـذب ومـا جـور
في ما قف(ن) شمسه شديد (ن) وحمها
تشخص به الأبصـار والكبـر مكبـور
مـا ينفـع النفـس الذميمـه ندمـهـا
خص النفوس اللي بها كبـر وغـرور
كـل جــزاه بصفحـتـه لاستلمـهـا
يبي يشـوف اللـي بالاحكـام مذكـور
تفقـد بـه النفـس الرهينـه كرمهـا
لو كـان بالدنيـا لهـا ذنـب مغفـور
حسيبهـا الخـلاق مجـري نسمـهـا
اللي على ظلـم الجهـل سلـط النـور
ومن صان نفسه با حتـرام وعصمهـا
يخشى الكريـم ويجتنـب كـل محـذور
ويسايـر العـالـم ويـقـرق قيمـهـا
النفس مثل النفـس مـا تقبـل الجـور
واللي عـرف للنفـس قـدر وحشمهـا
يجعل لها من حسن الاخـلاق ميسـور
واللي مـن اخـلاق المكـارم حرمهـا
يعيـش بالدنـيـا معـقـد ومقـهـور
اخـص نـاس(ن) ماتبـري ذممـهـا
حديثهـم بالنـاس غيبـات وفـجـور
اللـي بنفسـه شـك هــو متهمـهـا
واللي يحقـر النـاس بالعيـن محقـور
مـن دق بحقـوق العبـاد وهظمـهـا
اقرب حراه اردى العرب بـاع وشبـور
ان حـب يبـدي حجتـه وان كتمـهـا
قيده ثـلاث اقفـال والحبـل مقصـور
وان العقـول التايهـه مــا عزمـهـا
وان سيرت تقلط على غيـر مخسـور
تقلط على اللـي سمهـا فـي دسمهـا
للقـلـب جنبـيـه وللكـبـد دافــور
هـذا دواء القـلـوب .... وشممـهـا
وباق الدواء لأمراض الاعصاب مصرور
ودرعـي ليـا مـس الذريبـه دمقهـا
يوم البراء مكشوف والـدرع لـه دور
لاعشـرت عـوب النفـوس نخزمهـا
ايـام وضـع النـاس ظافـر ومظفـور
نوفـي ونـافـي للـرجـال بلزمـهـا
يوم العرب من بينهـم خـوف ونـذور
على النقـاء دهـم الجمـوع نهزمهـا
يـوم السبايـا عجهـا يركـب القـور
وسلامتكون 
21-09-2008, 03:16 PM
مرارة الدنيّـــا تخرب طعمها ...
العرض الشجري
