السلام عليكم ورحمة الله وبركاته


كيفكم ؟؟؟

الموضوع هذا للرجال وللنساء ..

الموضوع ببساطه ....

ان هناك مشاريع غير مكلفه وسريعه ... ومكسبها مضمون ... ولكننا غافلين عنها ....

في كل سنه تمر علينا احداث كثيره ولكننا ما نستغل هالاحداث بشكل صحيح ...

اضرب لكم مثل ....

كلنا نتذكر لما انتشرت انفلونزا الخنازير .... الله يعزكم ويعز كل قارئ

وانتشر معها موضوع المعقمات ...

فجأة الصيدليات والمحلات خلصت وماعاد فيها ولا حبة معقم ....

خصوصا مع بداية الدراسه والحج و مطالبة الوزراة بان يكون مع كل طالب علبة معقم وصار زي الوسواس

احد فيكم فكر يأمن هالشي ؟؟

انا فكرت بهالشي وسويته ...

كل مافي الامر اتصلت بأحد الزملاء بالاردن وشاف لي مصنع معقمات ...

اتصلت عليه واتفقت معاه وارسلي صورة المنتج ومحتوياته ...

اشتريت منه 200 كرتون ... كل كرتون 100 حبه = 20000 حبه

كلفتني وصولها لحد عندي بالشحن والجمارك للحبة 3 ريال

بعتها بــ 6 ريال للحبه مع شرط مهم وهو : ان الدفع كااااااااااش

لان الصيدليات ما يرضون يدفعون كاااش

لكن الازمه وخلو الصيدليات من المنتج وزيادة الطلب عليها اجبرهم يقبلون بشرطي

جبت سوداني بسيارته واعطيته الكميه كلها وبعتها كامله بأسبوع

المكسب كان 60000 ريال بأسبوع وفي حسابي ...

اللي ابغى اوصل له ...

اننا ليش ما نفكر بمثل هالامور .. مو شرط يكون عندي مشروع قائم بعماله ومعداته

فيه اشياء بسيطه نقدر نسويها واحنا جالسين ...

لكن وين اللي يقرأ ويفكر ويشوف ويقوي قلبة ويبدأ

ليش لما نركب السيارة نشغل انفسنا بسماع اغاني او مكالمة جوال

ليش ما ننتبه لكل شي قدامنا ونشوف ايش المطلوب بالسوق

ونفكر ونراسل ونشوف الاسعار بالسوق وبالمصنع

وكم التكلفه ونجيب هالشي خصوصا انه مطلووووب وبصفة عاجله ...

اقولكم على حاجه ثانيه :

قبل فترة طلعت لنا البلديه وقالت يا حلاقين ممنوع استخدام ادوات الحلاقة بشكل جماعي

والمطلوب ان كل زبون يكون له موس خاص ومشط ومريله ... وترمى بعد نهاية حلاقة الزبون

طيب احد فكر يجيب هالشي المطلوب ويأمنه للحلاقين ؟؟؟

رحت للحلاقين وكلمتهم ايش اكثر شي يمشي معاكم ؟؟؟

اعطوني مجموعة من الانواع :

صناعة تركيه / صناعه هنديه / لكن الاكثر استخدام هي الصناعه البنقلاديشية ... وبتراب الفلوس

بكل بساطه راسلت الصين عن طريق موقع علي بابا .. وراسلت الباكستان وبالاخير رسيت العمليه على بنقلاديش لانها مطلوبه ..

وكل هذا من موقع علي بابا .. ما رحت ولا جيت قاعد قدام اللاب توب

واشتريت منهم كميه ووزعتها على محلات الحلاقين .. وفلوسي بجيبي اخر الشهر ...

في فترة الحج لما كان موضوع انفلونزا الخنازير متوهج كانوا يتكلمون عن قناع الفم لكل حاج ...

درست الموضوع اني اجيبه من الصين

لكن وقتي ما كان يسمح لاني كنت خارج السعودية ....

ركزوا يا اخوان والله المشروع مو لازم يكون مكتب وعماله والا محل خضار او ورشه او مغسلة

شوفوا ايش يطلب مننا المجتمع بالوقت الحالي وجيبوا وبيعوا .. البيع والشراء فيه خير كثير

خصوصا لو كان هالشي مطلوب بصفة عاجله تقدر تتحكم فيه ....

ومثل هالمشاريع تنفع لابو رأس مال 30 ألف وخمسين ألف


نقلته للفائدة ✋


-- فتش عن الفرص فالفرص تتجدد بشكل يومي

اهنيك على فطنتك ماشاء الله عليك

الله يبارك لك في رزقك ويفتحها في وجه كل محتاج

ماشاء الله لاقوة الا بالله

افكار حلوه بارك الله فيك

فيه شي هالايام