انا قدمت عن طريق موقع صندوق المئوية

لفتح محل سباكة وكهرباء وانا اشوف فيه محلات منتشره بحائل ووقتنا الحالي كثر البناء ومن يعرف عن المشروع من ناحية

راس المال اقل تكلفة وهل البضاعة اللي ابيعها كم يساوي مكسبي عليها بالنسبة للشركات الموزعه طريقة المكسب والتصريف

للبضاعة فمن لديه فكرة وعنده خبر عن المحل يفيدني

لان صندوق المئوية اتصل بي واخذ معي مقابلة وقبلت بالمقابله ولما جاء وقت الدراسة سحبت عليهم لاني متردد عن المشروع وهذا قبل شهر

وبعد الشهر اتصلو علي و بان الموظف يبي اني ادرس عن المشروع هل المشروع ناجح ام لا


وهل المكسب يعادل 50% على البضاعة المباعة ,,


من لدية فكره عن المشروع فاليرد علي



الله يوفقكم ....

مواضيع قديمة يمكن تستفيد نها
https://www.btalah.com/t439863.html

https://www.btalah.com/t350203.html

وهذا واحد له موقف مع عامل حرامي كان يشتغل عنده
منقول منتدى عقاري

من الواضح انك متحمس 00 والحماس احيانا لايكون في موضعه !

اسمع مني 00 مرت علي من الدنيا غرابيل 00

شفت كل انواع الناس 00 وأنا راح اعطيك نصيحه00 نصيحه قبل لاتدخل بالمشروع

قبل لاتكتب على محلاتك (البيع بسعر التكلفه 0000 تصفيه عامه )

-- لابد لأي مشروع من عمل (دراسة جدوى ) وهذي فيه شركات متخصصه تعملها !

-- لاتثق ثقه عمياء بالعامل 00 وراح اعطيك نموذج للغش وخيانة الأمانه من قبل احد العمال

احد الأخوه يقول : فتحت محل سباكه وعندي عامل امين وانا اثق فيه وفي يوم اكتشفت انه يتبع

هالطريقه بالعمل 000 يطلع للعمل بسعر يتفق فيه مع الزبون شغل يده 150 ريال ويقول للزبون

انت محتاج الى خلاط بقيمة 100 ريال لكن عندي بالبيت (اي بيت العامل ) خلاط اصلي بقيمة 50 ريال

وأخليك تدفع 120 ريال للمحل و30 ريال لجيبي يعني من غير علم صاحب المحل !!!

واخذ سنين على هالموال !!

- اذا شكيت في سلوك العمال -- استقدم عليهم عامل من غير جنسيتهم !!! (كلامي واضح )

-- في البدايه لابد ان ترضى بالربح القليل --- والمعامله الطيبه

ممتاز المشروع

التكاليف تصل الى 100 واكثر حسب مساحة المحل والتنوع بالبضاعه

تاخذ البضاعة من الموزع اللي بيجيك للمحل او من نفس المؤسسة او الوكيل واذا تعاملت معهم اكثر يعطوك بالتصريف
يعني كل اسبوع يمر الموزع وينزل بضاعة وتعطيه حساب حق القديم .. والجديد يمر عليك بعد اسبوع وتحاسبه

كهرباء وسباكة ودهانات واداوات صحية ومواد بناء .. هذا مجال محلك

المشروع من المشاريع الناجحة ويبقى دورك في اختيار موقع مناسب وترتيب المحل تمام

وجلب عمالة جيدة ثم متابعتك له يوميا

في البداية تحتاج 100 --الى-- 150 الف تكون كملت الاغراض وبامكانك التوسع

حسب الشغل في المستقبل

اي استفسار انا حاضر

شكرا على مروركم


ودنا نشتغل المشكله متردد وخايف من اخرتها