المنتدى العربي للتدريب والتوظيف"وظائف بشركة آرتك"

%فلانه من الناس% · #1 (**permalink**) 22-09-2008, 02:00 AM

السلام عليكم ورحمة الله وبركاته..

يا أخواني وأخواتي اتصل علي المنتدى العربي بجدة ورحت لهم أمس وقالت لي الأستاذة نجاح أنه فيه شركة أسمها شركة آرتك للبلاط فاتحين قسم نسائي جديد وفكرت العمل أنهم بحاجة إلى موظفات قسم تسويق وقسم محاسبة وقسم تصميم،،وأنهم يدرسون طالبة الوظيفة لمدة 14 شهر وبعد كذا توظيف لمدة سنتين إجباري عشان المكافأة اللي يدونك هيا مدة التدريب لازم تشتغلي عندهم لمدة سنتين ،، وبصراحة أنا خايفة لأنه أول مرة أقدم على وظيفة .. فأيش رايكم أقدم أو لا؟؟ وكمان هل فيه أحد توظف عن طريقهم أو لا ؟؟ وهل فيه أحد يا بنات متوظف في شركة زي كذا او لا ؟؟ أرجوووكم يا بنات جاوبوني والله لأدعي للي حترد علي في صلاة التهجد بلييييز أنا أول مرة أحط موضوع وجزاكم الله خير..

سيرياليه · #2 (**permalink**) 22-09-2008, 02:04 AM

ربي يوفقك ..

%فلانه من الناس% · #3 (**permalink**) 22-09-2008, 04:49 AM

مشكووووووورة ياسيريالية ،، ولك مثل دعوتك آمييييييين..

Rebecca · #4 (**permalink**) 22-09-2008, 06:29 AM

الله يوفقك يارب
انا صاحبتي راحت وسوت المقابلة وتنتظر رد الشركة
وقالو انه التدريب حيبدأ بعد رمضان بس لسه ماتعرف هل هي اجتازت المقابلة ام لا
الله يوفقها ويوفقك ياقلبي ويرزقكم بغير حساب

%فلانه من الناس% · #5 (**permalink**) 22-09-2008, 08:24 AM

الله يسعدك يا مايا في الدنيا والآخرة قولي آمييييين طمنتيني يعني أعقلها وأتوكل وأروح أسوي المقابلة إن شاء الله بس ياليت تسألي صاحبتك كيف كانت المقابلة وإيش سألها لمدير الله يوفقك..

LaaRa · #6 (**permalink**) 22-09-2008, 08:51 AM

اقتباس:

المشاركة الأصلية كتبت بواسطة %فلانه من الناس%

الله يسعدك يا مايا في الدنيا والآخرة قولي آمييييين طمنتيني يعني أعقلها وأتوكل وأروح أسوي المقابلة إن شاء الله بس ياليت تسألي صاحبتك كيف كانت المقابلة وإيش سألها لمدير الله يوفقك..

مافي داعي تسألني ..... جيتك

والله ياقلبي المقابلة مطمئنة يعني كنت شوية متوترة بس دخلت ارتحت شوية وراح التوتر

اولا يقلك عرفيني عن نفسك طبعا انا اللي عملو معي المقابله رجالين ويقولو انو المفروض يكونو تلاته

بس الغايب عذره معه .. وطبعا رح تكون معك مديرة المعهد ووحده كمان

المهم عرفي عن نفسك وايش المهارات اللي تتمتعي بيها كيفك مع الانجلش كيفك مع الكمبيوتر اش رايك بالاختلاط ليش ماكملتي دراستك اش الهدف من الوظيفة او بالأصح ليش حابه تتوظفي طيب اوكي اذا كنتي انسة وتزوجتي هل رح تتركي الوظيفة

اهم شي الاستمرارية

يعني اسئله حلوه وخفيفة

انا عملت المقابله الاسبوع اللي فات والى الان استنى اتصالهم مع انها قالت كلها يومين ورح نرجع نتصل عليكم

بس يوصلنا فاكس بالاسماء رح نتصل عليكم والتدريب بعد رمضان

بس الى الان ماصار شي

دعواتك ليا ياقمر انو ربنا يحققلي اللي اتمناهـ

وطبعا لمايا لانها ورتني الموضوع

%فلانه من الناس% · #7 (**permalink**) 22-09-2008, 09:21 AM

مشكووووووورة يا لارا الله يوفقك إن شاء الله ونشتغل مع بعض ونصير صاحبات ويوفق مايا يارب ،، بس أبغى أسألك معليش ترى أنا أول مرة أسوي مقابلة ومرررررة خايفة كيف طولوا معاكي أو بسرعة وبالنسبة للإختلاط إيش قالوا لك عنه أنا قالوا لي أنه رح يكون المدخل منفصل أو الدوام منفصل وممكن أحيانا تودي اوراقك للمدير وانا خايفة انه يكون دايما مو احيانا وياليت ترسلي لي على الخاص لأنه انا مشاركاتي قليلة ماتسمح أراسلك وتكتبين لي ايش قلتي بالنسبة للمهارات والهدف من الوظيفة وسالفة الزواج عشان توضح الفكرة .. الله يدخلك الجنة بغير حساب آمييين،،معليش طولت عليكي بس ماصدقت احد فاهمني..