أيها الشاب : معك مية ريال !!؟؟

قهوة · #1 (**permalink**) 22-09-2008, 05:57 AM

معك ؟

رح لشارع السويلم : واشتر 3 درازن سبح ، كل درزن فيه 12 حبة . كل درزن بثلاثين ريال .
وفيه أنواع درزنها بــ10 ، وفيها 12 حبة .

وبالعشرة الباقية اشتر 3 درازن مساويك . كل درزن فيه 10 حبات .

وابسط بها عند اي مسجد بعيد عن حيكم ( اذا ماتبي احد يشوفك ) ويفضل عند جامع كبير .

بع كل حبة بـــ5 ريال فقط فقط فقط لا تطمع ..

تدري كم تربح ؟
3 درازن × 12 حبة = 36 حبة
طيب
36 × 5 = 180 ريال ! ( وانت شاريه بــ90 ريال ) .

والمساويك ...
اشتر 3 ربطات ، كل ربطة بــ3 ريال . ( باقي ريال اشتر لك فيه ببسي )
3 درازن ( ربطة ) × 10 حبات في كل ربطة = 30
30 حبة × ريالين = 60 ريال .

هاه ؟ كم حصلنا ؟

180 + 60 = 240 .
240 -100 ( رأس المال ) = 140 ربح صافي .

تخيل لو كبرت رأس مالك . وكل يوم تزيد لك 40 ريال ، لحد ما يصير رأس المال 500 او 1000 كم ستربح ؟

اخواني أنا فتاة قمت بهذا العمل بنفسي مع سائقي الخاص ، ولولا الحياء من الرجال ، ومخالفة اهلي لهذا الوضع والله كان طلعت ذهب .

ياليتني ولد وبسسسس .

وأي خدمة بهالمجال أنا حاضرة .

مظلوم من الدنيا · #2 (**permalink**) 22-09-2008, 06:02 AM

ماشاء الله تبارك الله الله يوفقك ويرزقك انشاء الله

صادق والله فيه رزق وخير بس وين الي يشتغلها وينفذهااااا

اشكرك ع الفكره الحلوه

والله يرزقك

دمت بكل ود واحترام

قهوة · #3 (**permalink**) 22-09-2008, 06:39 AM

اخوي مظلوم
مشكلتنا مزعجين العالم : بطالة بطالة .. واحنا عندنا فرص مجنونة ، وبلدنا فيها خير بس وين اللي يشتغل ؟
والله مليون فكرة تدخل ذهب بس مجتمعنا غبي !
انا شخصيا كل ما اخترعت فكرة وبديت انفذها - حطموني اهلي لين اتركها ! : عيب ، مايصلح ، وين تروحين بلحالك ، كأنك شحاذة .... !! كأن طلب الرزق حرام . وهذي النظرة الدونية للأرزاق للأسف هي اللي خلت اغلبنا عاطلين .

مظلوم من الدنيا · #4 (**permalink**) 22-09-2008, 06:46 AM

صادقه والله لكن مير الله يسرها للك

heavenmoon · #5 (**permalink**) 22-09-2008, 07:39 AM

[GRADE="FF1493 FFA500 32CD32 4169E1 FF1493"]
نعم قهوة

الرزق موجود في كل مكان .. و في كل جانب

يعني الان لو قلنا لمجموعة من الناس
انه يوجد كنز ثمين و نادر و مدفون في منطقة معينة .. الخ

تتوقعين ايش راح يعملون حتى يلاقونه ؟؟؟

متاكدة 1000,000 % انهم ما راح يتركون اي فرصة تساعدهم في التنبيش عنه

مثل كذا الارزاق ... تحتاج بحث دائم و اجتهاد و سعي للبحث عن الافضل .. وتطويره

مشكلة الناس .. انهم يعقدونها على نفسهم .. وبباسطة ( مسجونين في اسوار من تفكيرهم مكتوب عليها الاحراج - عيب - نظرة الناس )

خطوة وحدة في اراض الواقع + تفكير ايجابي + ان الدخل حلال و يرضي الله

راح تحطم كل هذه العوائق ... و مع الوقت راح يبنون اسمهم التجاري الخاص فيهم

بس اخرجوا من اسوار سجن ( العيب - الناس - الاحراج )

قهوة قسم المشاريع و الافكار .. على امل الانتظار لجديدك النافع
[/GRADE]

moh2020 · #6 (**permalink**) 22-09-2008, 08:37 AM

أخت قهوة والله العظيم إن هذي الشغله تكسب ذهب... وأنا والعياذ بالله من كلمت أنا أعرف أحد الاشخاص الذين لهم مصانع في الصين ويحتكرونها من أصحاب الملايين بل البلايين من المدينة المنورة ويبيعها في المدينة ومكة شرفهما الله ,,, عندك 10 شهور زحمه"العمره والحج" هذي ليل نهار ويكفيكي من يعمل في شهر رمضان وشهرين في الحج...
بس شوفي البنقالة شغالين فية شي جنان...
وأي خدمة لدي صاحب يعمل في تجارت الجملة بالسبح في المدينة المنورة

الاعرج · #7 (**permalink**) 22-09-2008, 09:20 AM

الله يرزقكم
والله عندنا بالرياض البلدية ما خلت احد بحالة
قصتي
عند خروجي من المسجد اخذت عطر من
احد الباعة المتجولة واذا بواحد من
البلدية يقوله امش ولا تاخذ منه شي
صراحه انا ولعت من موظف البلدية
قلتله خلي الناس بحالها
وبعد اصراري على الموظف
انصرف وهو يناظرني بحقد