السلام عليكم ورحمة الله وبركاته ...

أنا بنت راح أبدأ بتصميم ملابس وبلايز والأشياء هذي ...

الفكرة تراودني من زمان .. بطلع وظيفتي بنفسي بحكم إني مالقيت وظيفه ...خصوصاً إني الحمدلله لاقيه نفسي بهذا المجال ..

أعضاء وعضوات منتدى البطاله أنتم إخواني اللي فكرت باستشارتكم بمشروعي ...

إشكالياتي اللي ابي استفسر عنها ...

1- من وين اسوي الستيكر الخاص بمشروعي اللي ينحط ورا الرقبه من ورا في كل قطعه ؟

2- كروت الاسعار والأكياس من وين أطبعها وهل يحتاج لها ترخيص عشان احفظ حقوقي فيها ؟؟

3- أتمنى أحد يفيدني من أصحاب المشاريع بموضوع تحديد الأسعار وكيف يتم وضع السعر المناسب بحيث يكون في متناول الجميع واستطيع ايضا الربح منه بدون أي غلاء في الأسعار ...


الله يرزقكم من واسع فضله لا تبخلون علي بمشورتكم ... اذا انحلت إشكالياتي راح اتوكل على الله وابدأ على طول ..

اختي الكريمة
انا من رايي تبدئين خطوة خطوة
تخيطين بالاول واذا اشتهرتي واصبح عليك اقبال تعملين لك اسم تجاري
والاسم التجاري يحتاج رخصة
وعن الاسعار احسبي التكاليف واضيفي ربحك على كل بلوزة
مثلا شريتي بالجملة مجموعه من الاقمشة وازرة وقيطان ودنتيلات والخ
وقمتي بتصمييم موديلات راقية وجديدة ع السوق لان االبلايز ماليه السوق فاكيد راح تتميزين ببضاعتك عنها
لنفرض كلفتك 3000 ريال
عملتي من 3000 الف ريال 70 بلوزة لو بعتيها 60 ريال لربحتي 4200 ريال
يعني ربحك فيها 1200 ريال لو زودتي السعر وخليتي البلوزة الوحده 100 ريال راح يكون ربحك
في 70 بلوزة 7000 ريال وربحتي 4000 ريال غير راس المال الي هو 3000 ريال
90 ريال و100 ريال اعتبرها معقولة بينما 200 ريال على البلوزة احس انه مبالغ في السعر
ونصيحة اتاكدي من الاقمشة بعضها متكدسه في المستودعات لها سنوات فانتي جربيها وهي في المحل
تعرفين من اول استعمال راح يبين جودة القماش واذا صار مغشوش الناس بتبعد عنك
مثل وحده اذكرها جابت فساتين من الصين فتفاجئت ان زباينها يشتكون من فساتينها اول استخدام تمزقت
والله يوفقك يارب

زرقاء اليمامة ....

الله يوفقك ويسعدك ما قصرتي أشكرك على نصايحك

راح أبدأ والله يطرح فيه البركة ..

1- الستيكر خلف الرقبه (الماركه) متوفر بالرياض بمشاغل خاصه للماركه واذا اردتي مميز جدا من دبي
واذا الله وفقك وانتاجك كثير جيبي من الهند او دبي او ايران الالف حبه ب200 ريال
2- بالطابع متوفر بالمطابع.
3- السعر يحدده اولا قيمة ونقاوة القماش ثانيا هل الموديل قطعه وحده او هتعملي منه مثلا 50 حبه

بر الأمان ...

الله يسعدك على ردك ..

هل من الممكن تزودني ببعض هاالأماكن إذا ممكن !!

لأن أبي شغلي مرتب ومرغوب والقطع ما بتكون مكررة من كل موديل قطعتين أو ثلاث بالكثير .

أخت غرازيلا اعتذر بالتأخر عالرد
انا بالكويت ولا اعلم العناوين بالضبط لكن معروف الماركه معموله بالتطريز بالكمبيوتر وفي مشاغل مخصصه فيها
بالكويت مثلا مشغل كارت بلانش, لكن لو اصبح عندك كميات مشاغل التطريز بالكمبيوتر بدبي يعملوها رخيص

بر الأمان ...
الله يعطيك العافية ماقصرتي ...

حبيتي اهم شيء الفنش في الخياطه مع التصميم برضو يعني السوق مليان وتلاقي ماركه مثلا تصميمتها بسيطه لكن الفنش والتلبيس تبعها كويس سبحان الله تلاقيها تبيع كويس جدا والاهم ابدائي اعملي عينات وصوريها مثلا او شوفي مين اللي بياخد منك الكلام ده عن خبرة عشان ما تخسري فلوسك كلها يمكن تعمليلك 30 بلوزة من تصميم ويجيلك طلب علي موديل واحد والتاني لا فهمتني يعني اعمليك مثلا 5 عينات وشوفي المورد او شوفي هتبعيهم ازاي وحطيلهم سعر معقول جايلك طلب اعملي علي التصميم اللي يجيلك عليه طلب عرفتي اهم شيء تركزي علي خياطاتك الفنش الفنش الفنش وجربي الملابس عليك شوفي شكلها حلو او لا واسالي رايك اللي حواليك في التصميم ده كلام عن خبرة 10 سنوات في ده المجال والله يوفقك ان شاء الله

خياطه وتصميم ..

الله يسعدك ايش يعني الفنش ؟؟؟؟