السلام عليكم ورحمة الله وبركاته🙋

انا حالياً طالب في كليه التقنيه
قسم الحاسب الآلى تخصص دعم فني
وباقي لي ترم فقط .
وانا ابي نصايحكم بخصوص التدريب التعاوني (التطبيق).
انا ودي اطبق في الدوائر الحكومية
عشان يمكن يهديهم الله ويوظفوني عندهم
ابي آرائكم عن أفضل مكان للتطبيق؟

وعليكم السلام ورحمة الله وبركاته
الله يوفقك وعقبال الوظيفه

اذا تبي نصيحتي بالتدريب التعاوني انصحك ماتطبق بالدوائر الحكوميه
لأن اذا عندهم وظائف يبون يوظفون اقاربهم ومعارفهم ولا هم مفكرين بك

أنا تخصصي دعم فني مثل تخصصك وبالتطبيق طلبوناً قسم تقنية المعلومات بالكلية إني اطبق عندهم , ورئيس قسم الحاسب نصحن اروح لهم قال " يمكن يوظفونك اذا شافوك مجتهد " , وهذا اللي صار طبقت بالكلية وأنواع الكرف والله بعض الأيام ما أطلع من الكلية إلا بعد صلاة العشاء
وبعد التطبيق قالو لو فيه عقود كان وظفناك لكن العقود مسحوبه من سنه لأن صار فيه تلاعب .. ومن هالكلام .

المهم ندمت إني ماطبقت عند شركة
غير كذا بعض الشركات تصرف لك مكافأة غير مكافأة الكلية , وإذا شافو شغلك مظبوط وقعو معك العقد قبل لا تخلص .

وهذي قصتي
واسأل الله لي ولك التوفيق في الدارين

أنا طبقت في جهه حكومية وماتوظفت فيها..لكن للأمانه هم ماعندهم شواغر أساسا
أعرف وحده طبقت في مستشفى التخصصي وتوظفت فيها بالعاده المستشفيات وخصوصا التخصصي فيها قابليه أكثر للتوظيف بعد التدريب..ولو تعرف أحد بالمستشفى يتوسطلك يكون أفضل
البنوك ماعرف احد توظف فيها بعد التدريب والشركات بالغالب يوظفون بعد التدريب لكن طالما تبحث عن حكومي فمن رأيي مستشفيات حكومية واذا شركات سابك وابعد عن الاماكن اللي مايكون فيها شواغر أو مايتطلب عدد كبير من الموظفين مثل هيئات أو صعب التعيين والتوظيف فيها مثل وزارة الخارجية أو بالغالب تكون واسطات مثل الجامعات

أبحث أكثر وبالتوفيق

اشكركم على آرائكم
لكن تخصص الحاسب يقدر يطبق بالمستشفى؟

ايه يقدر يتدرب في مستشفى

ولاتنسى تحط ارامكو وسابك مع الخيارات

شوف أخوي

أعرف طلاب طبقوا في جامعة الملك سعود وشركة الاتصالات وتوظفوا

انصحك بجامعة الملك سعود

^^^
جامعه سعود كلها واسطات واللي توظفوا نسبه كبيره انهم عن طريق واسطه جميع اللي اعرفهم موظفات في سعود هم (واسطه)

الجامعات نسبه التوظيف بعد التدريب ضعيفه جدا ولاتقارن (بالمستشفيات والشركات)

والله الصراحة
شكلي ابطبق بالمستشفى

الله يسعدكم يارب

عندك البنوك والشركات أفضل من الدوائر الحكومية

لاتتدرب في الدوائر الحكومية مستحيل يوظفونك انا تدربت في الجوازات ولا استفدت في التوظيف لكن استفدت في طريقة التعامل مع المراجعين لاني كنت في قسم الاقامات
اذا تبغى تتدرب شوف لك احدى الشركات واجتهد فيها وممكن تتوظف في الشركة مايقتنعون في ادائك