السلام عليكم ..

تعاني شركات القطاع الخاص ظاهرة سلبية وهي التسرب الوظيفي
وقد تكون اسباب هذا التسرب .. اي ترك الشركة التي تعمل فيها لعدة اسباب
قد يكون بعضها .. وفي غالب الأحيان يرجع للشركة
وقد يكون بعضها .. يعود للموظف وضعف وعيه ..

هناك ارجوا من كل موظف قطاع خاص يتفاوت راتبه من 3000 الى 6000
يذكر اسباب تركه لعمله او رفضه لبعض العروض الوظيفية المقدمة له
او سبب امتناعه عن الألتحاق بالقطاع الخاص وتفضليه للقطاع الحكومي

اتمنى الادارة تقوم بتثبيت الموضوع فهذه الظاهرة تشغل الصحف وكل المهتمين بالموارد البشرية بالمملكة

[وعليكم السلام.
والله في نظري السبب الآول والاخير .{ضعف الراتب}
يعني بالله مثلا راتبي أنا كان 3600 وش تسوي مصاريف ولا.. إلخ.
صدقني لو كانت الرواتب من خمس الآف وطالع إشتغل في القطاع
الخاص ولاعندي مشكلة في الدوام ..لكن إم أن يكون الراتب طفسة
ودوام كرف لو الراتب حلو تتحمل .. وجزاك الله خير .

والله وانا اخوك من احد الاسباب اللي خلتني اترك الوظيفه في القطاع الخاص مع اني كنت مدير اقليمي لاحد اقسام الشركة اللي كنت فيها وكان تحتي ما يقارب ال 28 موظف ضعف الراتب وتفضيل العمالة الاجنبية على الموظف السعودي بالممزيات والبدلات

يعني انا كان راتبي بحدود ال 13000 ريال علما ً انني كنت اقوم بكثير من الاعمال التي ليست مطلوبة مني ولكن بما اني سعودي وهذي الاعمال تحتاج المتباعة لدى الدوائر الحكومية فكان من البديهي ان اكون في الواجهه

مع العلم انه كان هناك موظفين تحتي يعني من موظفيني انا ولكن من جنسيات اجنبيه رواتبهم تصل الى 18000 غير بدل السكن وغير السيارة اللي موفرتها لهم الشركة ضف على ذلك تذاكر السفر السنوية المجانية

وغير كذا الموظف الاجنبي اذا جات الساعة 5 طق الباب ولا تقدر تكلمه اما حنا كموظفين سعوديين ومن باب اثبات الجدارة والله اننا نجلس احيانا ً الى الساعة 8 او 9 في اليل يعني نجلس في الشركة اكثر ما نجلس عند اهلنا

بس في الاخير يطلعون علينا محللين وكتاب الجرايد المحسوبين على مكتب العمل ويقولون لك السعودي ما هو راعي شغل

انا اقسم لك بالله ان اغلب الشركات اللي كانت تشتغل في نفس مجالي ان اللي قايم بالشغل حقها السعوديين لان هالمجال اصلا ً متصل بدائرة حكومية وهالدائرة لا تقبل التعامل الا مع سعوديين

يعني بين قوسيين حاطين السعوديين عذر لها الشغله ويعطونهم طفاسة

فقررت اترك المجال والان لي يمكن حول السنة ونص وانا بدون عمل لاني مليت من العمل لدى الشركات وقاعد احاول افتح عملي الخاص اسأل الله التوفيق والسداد من عنده

اتمنى اني ما اطلت عليك ولكن بما انك قلت هذي الظاهره تشغل الصحف والمهتمين في الموارد البشرية فقلت خلني اضع رأيي لعل وعسى عميان الصحف والموارد البشرية يفتحون ويقرونه ويغيرون نظرتهم شوي

احترامي وتقديري

الشركة لا تعطي رواتب تغطي التزامات السعوديين يعني 3000 ريال إلى 6000 ايش تسوي للسعودي

وبعدين عمل الشركة تعب لانها تعتمد على التجارة والشركات تعتمد على الاجنبي اكثر من السعودي لان السعودي

يفكروا انه يتركها لو حصل على وظيفة حكومية او يتركها إذا حصل على عمل آخر وهم يفضلوا الاجنبي لانه

تحت كفالتهم و متغرب من بلده لمصلحة زرقة ويصبر والسعودي يمكن تركها بعد شهر او اقل من سنه

والسعودي يسبب لهم وجع راس ومشاكل بالدوام يتأخر ولا ينجز العمل بالشكل المطلوب لان السعودي طبعه حمقي

و عصبي و لو تأمر عليه بطبيعة عمله تحس انه انسان مستواه عالي ولا تستطيع ان تناقشه بأنك تامر عليه والسعودي

إذا جا عند الاجنبي واشتغل بشركات وامرت عليه بأن ينفذ العمل المطلوب يزعل و يتضايق ويرد بانه ليس اجنبي

وانه سعودي وله الحق ان يشتغل بأدارة بسيطة العمل فيها و بكل صراحه السعودي ببلده مجرد اسم يعطي اسمه الاجنبي

والاجنبي هو للي يتصرف بالاسم يحمله فواتير ودخله بمشاكل مع العملاء

والعيب ليس بالاجنبي العيب فينا حنا ياسعوديين وانا اقرأ اخبار ونسمع بأن الاجانب متكاتفين مع بعض من ناحية التجارة ومحتكرينها

بينهم ولا يدخلوا الاجنبي قصدي السعودي بينهم وهم كأنهم ابناء البلد واحنا اجابب بايعين اسماينا عليهم وإذا حصل خير من وراء الاجنبي

رفع مستواه السعودي ويتكلم بأنه في بلد خير وان الله رازقة وانه احسن وافضل بلد وانه سعودي مايشتغل بالاشياء اللي يشتغل فيها الاجنبي

وهو مجرد اسم وبس والمستثمر اجنبي و المستفيد من الخير اجنبي و يفكر السعودي بأنه تاجر وبالعكس السعودي موظف سواء بشركة

او تجارة بأسمة يعتبر الاسم موظف وليس تاجر لان اكثر الاجانب يعطو السعودي على حسب المحل المتفق عليه من 1500 ريال واكثر

وهذا تعتبر مرتب للسعودي وليس بأنه تاجر


العيب منا وفينا يالشباب السعودي مافينا لا ثقة ببعض ولا عندنا اي تكاتف مع بعض للاشغال الحره .


اولا نحل المشاكل وعقدة النفس الضيقة لان السعودي نفسة ضيقة ولا معه صبر وانسان عنده كبرياء ولاجانب ماتطلع الشغل بينهم

ومسيطرين عليها واحنا ندخل الاجنبي بيناء و نتكلم عن خيرنا وخير بلدنا

لو حصل منا تعارف وتكاتف بالشغل ونتفق على تجاره ونساعد بعض صدقوني نحصل خير ونستفيد من بلدنا ونترك وظائف الشركات

وقمية 3000 ريال تحصلها من التجاره وانت مرتاح بدون اي وظيفة .

والرزق من الله سبحانه ..


الدنيا يبي لها فعل اسباب ...

عليكم السلام ,,,,,
انا اعاني من هالشي شغال في شركة قطاع خاص ويبدو انها كم شهر واستقيل لاسباب يمكن تكون مقنعه او لا منها
1- عدم العدل من قبل الادارة بين الموظفين .
2- الادارة اجنبيه وتعطي مزايا لمن تريد وتظغط على من تريد وكان الواحد عبد عندهم .
يعني لو ماقدمت لمديرك(الاجنبي) شي او ماعاملته جيد انسى انه بيعطيك مقابل او بيساعدك
هل هذه اسباب كافيه لتركي للوظيفة علما انه الراتب جيد ...
ومن هنا ابحث عن عمل افضل اللي يعرف يدلني وشكراً

ضغط العمل وعدم وجود الراحه الكافيه مثال لوظيفتي بشركه تابعه لقطع السيارات الامريكيه فورد جيممس كابرس الي اخره..

دوامي يبدا من 8 ونص قبل الموعد ب10 دقايق اكون منتظر عند المحل عشان يفتح طبعا يكون المفتاح مع شخص واحد والمدير دوامه يبدا 10 الصباح
فنظام دوامي يعتمد على بصمة الدخول والخروج فاحيان كثير يتاخر الي يكون معه المفتاح وننلطع احنا السعودين برا الين يجي وطبعا نتاخر عن البصمه ربع ساعه وكله محسوب من رواتبنا هاذي نقطه

النقطه الثانيه رواتب السعودين 5000 فالاجانب الي داخل المحل يحاربون السعودي من اول يوم دوام له بسبب الحسد عالراتب مكونين مجموعات داخل المحل السعودي ما يشتغل وما يستاهل مع العلم والله انا دوامي معاهم مثلي مثل الاجنبي لدرجه اني احمل معاهم القطع من السياره للمحل وتصفيف البضايع معهم فتحصل مشاكل كثير مع الاجانب مثال انا شغلتي محضر بضايع فااستتلم الفاتوره من الزبون المفروض اني احضرها له لما تجي تكلم الاجنبي بحكم خبرته بالمحل واماكن القطع يقولك انا مشغول تجي للثاني نفس الحكايه
يحرجك مع الزبون لو سلمته شيء غلط او تاخرت عليه ويحرجك مع الاداره بالمحل طبعا انا رحت اشتكيت للادراه عن هاذا الموضوع وقالي بكل برود انا اقدر اكلمهم ولاكن ما راح يفيدونك بشيء قلت مو مجبور تكلمهم ولاكن حبيت اعطيك المشكله عشان لا تاخذ عني فكره اني متخاذل ولا تضغط علي بشيء .. طبعا المدير يماني و اسم الشركه ( صادق حمزه خليفه )

غير كذا ضغط الوقت ومافي فرضه للراحه مثل ما قلت يبدا الدوام 8 ونص الي 12 ونص الضهر وارجع بعد صلاهة العصر الي الساعه 10 الليل نظام شفتين متعب جدا يعني ارجع من الدوام يادوب الحق انام عشان اقدر اقوم لدوام الصباح وعلى هالحاله نجي للاجازه يوم واحد بالاسبوع الي هو يوم الجمعه ما تلحق تطلع مع اهلك ولا تغير جو نام قوم هيا دوام

غير مشاكل الرواتب شهريا ما عمري استلمت الراتب كامل راتبي 5200 اكثر شيء استلمته 4900 كل شهر خصميات مدري من وين تطلعلك اول شهر سلموني 2700 قالو ايش ما سجلنا اسمك من بداية الشهر وانا حاسبها مداوم شهر كامل
ولا فيه تقدير للظروف مثال كان عندي زواج اختي كلمت الاداره بالمحل قال الاداره ما راح تقبل العذر كلمت الاداره الرئسيه للشركه قالولولي مو مقبول رجعت لاداره المحل قالي الي اقدر اساعدك فيه تجي تبصم دخول وتروح للزواج وترجع بصمة خروج ( مذله بالعربي )

طبعا ما داومت ذاك اليوم هاذي مشاكل حصلت لي وشفت الافضل اني اكمل دراستي قدمت على عدة جامعات والحمد الله انقبلت والان داخل عالتخصص

اسف عالاطاله...

لللاسف اول شي يكرهك في الوظيفه ويخليك تتركها

التعامل لو كان زفت حتى لو راتبك مليون بتكرهه المكان ولو كان راتبك قليل لكن اللي معاك محترمين كان قدرت تستمر وتبدع في العمل اكثر واكثر

تعامل المدراء والرؤساء معاك ومع شخص ثاني جاي بالواسطه او يكون زميلهم او صديقهم
وشغل الفتنه بين المديره او المدير وبين الموظف الشاطر الناجح
يعني مثلا
انا متميزه بشغلي ووحده تكون اقدم مني ولها علاقاتها في المكان ف تحقد على شغلي وتميزي الواضح بينهم وتروح تقول للمديره كلام غلط عني وبحكم ان المديره صديقتها او قريبتها تصدقها وتبدا تحقد علي وتستقعدلي وهذا حاصل كثير
او انه المدير رجال والبنت حاقده على شغلي وهي على صداقه معاه او علاقه او اللي يسمونها ف تجلس تخرب على وبحكم اني ابدا ماحب احتك مع الرجال واتكلم معاهم وكلمه ورد غطاها يبدا يستقعدلي وهي سوسه
والغلط الاكبر ان المدير او المديره مايجي يسالك هل حصل هذا الشي ؟ او ليش حصل هذا الشي؟ لا يحكم على الموقف من خلال شخص واحد فقط بحكم انه قريب منه

هذي السببين هي اللي خلتني افصل من كذا وظيفه لي لين ماجلست عاطله والله والله ماقول كذا مدح في نفسي لكن شغلي متميز واول مااجي يفرق الانتاج وجوده العمل ويصير مرتفع لكن الشركات في السعوديه قائمه على العلاقات زبطني ازبطك
وهذا الشي خلاني افكر في اني افتح عمل خاص
وماقول الا حسبي الله ونعم الوكيل

الاخوان الباقين فتحتوا جروح ..

سأناقشها واعلق عليها .. لكن صبركم .. التفاعل معكم جميل

موظفي القطاع الخاص مظلومين انا عملت موظف لمدة 18 سنة بوظيفة ادارية وكان راتبي 13 الف وقامت الشركة بالسبع سنوات الاخيرة بإعطائي مهمام وظيفية اخرى وظيفة (مدرب) وراتبها بالشركة يتعدى ال 20 الف وادخلوني دورات لمدة ثلاث سنوات ومهام صعبة واختبارات دورية ونجحت فيها كلها الا انهم لم يرقوني فتركت العمل وطبقت على نفسي المادة 81 من أنظمة العمل والعمال اذ يحق للموظف ترك العمل دون إشعار في حال الجور او التلاعب بعقده وقدمت عليهم بمكتب العمل الا ان الشركة فصلتني والآن محامي الشركة يطالبني بدفع أتعابه ويطالب بعدم صرف حقوقي التي تتعدى ال 300 الف وانا بإنتظار صدور حكم اللجنة العمالية..