السلام عليكم ورحمة الله وبركاته

اسعد الله اوقاتكم بكل خير

اخوكم مقبل ع زواج باذن الله دعواتكم وعلى قولت المثل الراتب مايكفي الحاجة مع انو الحمد لله راتبي طيب لاكن بديت افكر بجديه راتبي ماكان يكفيني ايام العزوبية اشلون لو تزوجت الحمد لله على كل حال مااخفيكم كنت من فتره افكر بمشاريع عده وردني الخوف والخوف من الخساره ايضا لاكن لمن بديت احس اني خلاص بدخل حياه ثانيه بديت احس بالمسؤولية شوي وقلت لازم اسوي مشروع صغير حتى لو يدخل علي في الاسبوع الواحد مبلغ وقدره خلاصة الكلام

وش رايكم في دباب اللي مثل الونيت بس صغير سوزوكي قيمته مستعمل من 25 الى 30 نظيف وبطلع تاشيرة سائق خاص باسم الوالده الله يخليها ويخليلكم امهاتكم جميع ويرحم من مات واشغله في سوق كبير او حراج وفي الاسبوع ويكون اجاره بالاسبوع 500 ريال لي يعني بالشهر 2000 طبعا ممكن تقولون الباكستاني بيطلع اكثر اكيد بيطلع اكثر ع حسب هو وشغله بس سالت عن شغلهم في احد الحراجات الكبيره من دون ذكر اسماء قالولي هذا النظام عندنا الكفيل ياخذ 500 ريال كل اسبوع فكرت فيها قلت حلوه مبلغ المشروع قليل وشي يفيدني فيما بعد

الشي الثاني
فكرت في وايت مويه بس تكلفته غاليه ومتردد منه مع العلم ان اجاره شهريا لو باجره ع العمال لايقل عن 4000 ريال

ملاحظة هل استطيع استخراج تاشيرتين لسائقين خاص والا مايعطوني الا واحد بس

هذا اللي عندي وسلامتكم جميع ياليت تفيدوني لاهنتو