السلام عليكم وأسعد الله مسائكم جميعا
يا اخوان أنا قررت أن أخرج من هاجس ونفق الوظيفة المظلم , وأتجه إلى عالم العمل الحر , طبعا اللي خلاني أتخذ هذا القرار هو انتظار دام 5 شهور تقريبا من التخرج بدون أي وظيفة , حسيت أن الفراغ سبب لي أزمة , بل أني شعرت أن مالي أي قيمة في هذه الحياة , قد يرى البعض أني أبالغ في وصف شعوري وأن الفترة هذي بسيطة جدا , لكن أنا شخصيا حسيتها مشكلة كبيرة وحبيت أني أخرج منها , وإليكم الموضوع هنا :
سمعت عن صندوق المئوية وريادة لدعم الشباب في المشاريع الناشئة وفكرت بهذي الفكرة اللي أحتاج دعمكم وملاحظاتكم وارشادكم لي فيها ... وهي
فكرت أفتح كشك أو محل لبيع كريب النوتيلا في أحد المولات وخصوصا أن مدينتي تفتقد لهذا النوع من المأكولات , واللي خلاني أفكر بهذا الموضوع هو الاقبال الكبير من جميع الفئات العمرية ولبساطة الموضوع من حيث التحضير والبيع ,
ما رأيكم بالفكرة وتقريبا كم تكلف ؟ وهل تتوقعون صندوق المئوية أو ريادة ممكن يدعمون شي زي كذا لو جبت لهم دراسة جدوى من الألف إلى الياء ؟
2/ لو افترضنا أن الموضوع مشى بشكل سليم وبعد مرور سنة أو أقل أو أكثر على حسب , وجتني وظيفة في القطاع الخاص .. هل مسموح لي أن أتوظف وأتابع الموضوع بدون أي مشاكل من الجهات الحكومية ؟
3/ وين أقدر ألأقى الأماكن اللي تجهزلي الكشك والمعدات اللي أحتاجها ؟
4/ ايش هي اقتراحاتكم أو اضافاتكم لهذا الموضوع ؟
مع كل شكري وتقديري لجميع من يشاركني في هذا الموضوع ولو بدعوة لأخيكم

الله يامنا ويامن بلدنا يارب لان الوضع مايطمن بخير
والله يوفقك لمشروع يكون خيرعليك امين

المشروع جميل خصوصا مثل ماقلت انه مو متوفر بمنطقتكم
وتقدر تزيد من الاصناف افضل . وتقدم اصناف صحيه اكثر لاهل الدايت والسكر والضغط.
اعمل دراسة الجدوى وشوف وش تحتاج من مواد خام واجهزة ومعدات وشوف الايجارات وكم عامل تحتاج معاك غالبا واحد. وكم الرواتب والرسوم الحكومية والتراخيص
وشوف الاصناف اللي بتقدمها وتكاليف الخام والتصنيع وسعر البيع عشان تعرف اذا المشروع بينجح او لا.

اذا دعموك شرطهم يكون لك خبرة بالنشاط وان انت تشتغل بالمحل وتديره بنفسك وراح يتابعونك بشكل مستمر. بعد ماتسدد القرض يحق لك تشتغل بالوظيفة بالنهار وبالمساء بالمحل
يعني هم هدفهم يدعمون الشباب والبنات عشان يشتغلون وتتاح لهم فرص عمل ويفتح لهم باب رزق ويشغلون غيرهم من بنات وشباب البلد ويعمرون البلد
مايدعمون اللي يفتحون محل مايفهمون شي عن نشاطه ويبون ينامون ويجيبون عمال من برا يشتغلون عنهم

لو عملت دراسه جدوى وبحثت في مشروعك وعرفت كل شي فيه راح تنقبل باذن الله
وانت لو اشتغلت في مشروعك ماراح تفكر لا في وظيفه حكوميه ولا خاصه لان المشروع راح يغنيك عنها

شكرا يا اخوان على ردودكم الجميلة والله يوفقنا وياكم لكل خير ... وأرجوا من أي شخص عنده خلفية بالمجال هذا يشاركنا لتعم الفائدة على الجميع

بالتوفيق
المئويه وبنك التسليف اهم شي عندهم دراسة الجدوى لما تقدم لهم الملف كامل ومستوفي جميع جداول الدراسه ان شاء الله راح يقبلونك
لكن مشكلتهم مايساعدون بالتراخيص يعني لازم تستخرجها بنفسك