نركض مع الأيام في كل ديــــــره
وناكل لحوم الغير من دون تقصير

محدٍ درى بالآخره وش مصـــيره
كلٍ يحاول بس جمع الدنانيـــــــــر

أحدٍ هواه الصيد ويحب طيـــــــره
وأحدٍ طموحه كيف جمع المغاتيـر

وأحدٍ همومه كيف يرضي مديـره
وأحدٍ يحاول كسب حب الغنــادير

محدٍ عمل لجل الحياة الأخـــــيره
يوم الحساب ويوم عرض التقارير

في يوم ما ينفعك شمــل العشيره
ولا ينفعك شهرة قصيد وجماهير

ولا ينفعك فعل الذنوب الكـــثيره
من عمرك اللي راح كله مخاسير

يالله دخيلك جعل في الأمر خيره
ويالله عسانا من هَلَ الدين والخير

جميل
راقت لي

تسلم يمناك
مبدع دايم

لاعدمناك…

القصيده معبره وفيها نصح وتوجيه
الله يغفر لنا ع تقصيرنا ويحسن خاتمتنا
انتقاء مميز شكراً لك

__________________
"لله دُر أمي إذا ابتسمت
تهادت جروح قلبي والتئمت"