صباحم و مساءكم ورد



انا عاطله و بحاجه لشغل لكن ما عرفت وش اشتغل بالضبط او بمعنى اصح وش اللي يبونه المجتمع و يناسبني

انا رسامه و مصممه فوتوشوب
و المركز الاجتماعي اللي في منطقتي قالوا لي لو لقيتي شغله بنعطيك 20 الف ريال عشان يدعم مشروعي

قيل لي ارسم اشخاص و ابيع اللوحات
لكن رسم الاشخاص تاخذ حوالي اسبوع مني و جهد
و الناس يبوني ابيعه ما يزيد عن 200 ريال
و اذا زدت عن كذا قالوا لي احط هالفلوس ببنزين احسن لي *احباط والله*

انا والله اتمنى اشتغل هالشغله لانه يجيني كم هائل من طلبات رسم لكن المشكله ياخذ وقت طويل في الرسم

اشوف بعض الرسامين صاروا يسوون اغلفه *ثيمات* تعلق على الشوكولاتات او ستكر جوالات و غيره ، سيوونه بشكل رسوم كرتونيه
لكن مشكلتهم هو سرقة الحقوق
و ناس يسرقون رسمهم و يتاجرون به

رايكم

السلام عليكم ، هل لكي ميول تقنيه ؟ مثل تصميم بالفوتوشوب ومن ثم تركيب التصاميم في المواقع .

و عليكم السلام ، ايوه عندي خبره في تصميم الفوتوشوب و عمل المونتاجات بسوني فيقاس

اما تقطيع التصاميم و تركيبها في المواقع كان لي كم تجربه قديمه قبل يمكن اربع سنوات

ماشاء الله الله يوفقك

الفوتوشوب و الريم مجاله واسع جدا لكن نصيحه لا تستثقلين الشغل ابدا اذا بيجيب لك دخل كويس و بيطلع بشكل يرضي العميل عندك

حاولي تعرضين اعمالك على شركات دعايه و اعلان يمكن تقدرين تشتغلين لهم عن بعد. شوفي احد يشتغل بالحفلات محلات الحفلات اعرضي عليهم تسوين ثيم الحفل والي تصير على علب المويه. او محلات حلويات . او حتى لو تصممين عبارات بشكل حلو و تطبعينها على خشب مثلا و تصير لوحه تتعلق و حطي حساب تويتر انستغرام لكن حاولي تطلعين لك سجل مدني و اسم تجاري لو مشى معاك موضوع التصميم حفظا لحقوقك

هلا أختي....الرسم موهبة ورائعة وجميلة...لكن تجنبي رسم الأرواح لأنه لايجوز شرعا

أنا مثلك كنت مولعة برسم الأشخاص...لكن تركتها ..لله

أحيانا أنسى نفسي وإذا مسكت أي قلم أرسم ..وأشخبط عليها بسرعة

ومع ذلك أقول أبدعي وارسمي لوحات طبيعيه ..جدارية اعرضي افكارك عالمدارس روضات الأطفال

شاركي بلوحت مختلفة الأحجام والأغراض في البازارات

وإذا لقيتي جهة بتمولك لفتح محل لأعمالك الرسم والتصميم ..حاولي وابحثي

بالنسبة للثيمات ونحوه والله ماعندي خبرة

الله يوفقك

سويلك حساب في الانستغرام واعلني عنه راح ينجح ان شاء الله

كثير يرسمون في الاستغرام

ماشاء الله
حاولي تبدعين وتتعلمين البرمجة اذا احترفتي فيها
جوك الناس وعطوك افكارهم واعزمايملكون ابتكارتهم وخلوك تبرمجينها وتظهرينها لنور
وبكذا تترزقين الله بدون مااحد يسرق افكارك

/


الله عز وجل يوفقك ويسدد خطاك لما فيه الخير والتوفيق ..
ما دام أن هناك من يمكن أن يدعم مشروع بـ 20 ألف ..
أرى أن تفتحي مركز تجهيز حفلات (نسائي ) ويكون موجه بشكل أساسي لخدمة المدارس وماشابه ..
تكون العاملات معك لهم نسبه من (الربح) ..
مثلاً عاملتين كل وحده 5 % ويبقى لك 90% أو 10 % لكل وحده والباقي 80% لك..
طبعا بعد خصم المصاريف من إيجار وكهرباء وغيره ..
وربنا عز وجل يوفقك ويسهل أمرك ..


.

بما انه تعرفي للسوني فيقاس ليش ماتشتغلي بتجهيز تصاميم للزواجات وبطاقات دعوه للزواج عن طريق السوني او بروشو او افتر افكت
فيها مكاسب البطاقات بالذات وتصاميم حفل التخرج فيه مكسب كبير قبل كل شي روحي للمصمين واستفسري على اساس بتسوي تصميم وشوفي كم الاسعار وكيف وادرسي الفكره والله يوفقك