السلام عليكم ورحمة الله وبركاته
مساكم الله بالخير
كيفكم وش احوالكم عساكم بخير ؟
اخوكم متخرج حديث وحاب يستفسر منكم كم استفسار عن السيرة الذاتية
دورت نماذج بالنت كثير وحصلت كم نموذج ممتاز
بس داخل السيرة الذاتية عندي كم نقطه ماني عارف ايش اكتب فيها
حصلت نموذج وعبيت فيه بياناتي بس فيه نقطة اللي هي الخبرة العملية ! وش اكتب بهالنقطه ك طالب متخرج حديث ؟
........
و بسألكم مشروع التخرج حقي اخذت درجه ممتازه فيه وكان مشروع ممتاز ف ايش رأيكم اكتبه بالسيره الذاتية او لا ؟ يعني يكون نقطة قوية بالنسبه لي ولو حبيت اكتبه وين بأي نقطه اكتبه ؟ بالخبرة العملية ولا بالتدريب ولا وين ؟
والجامعه سوت زي الدورة اعطتنا مادة لشهادة سيسكو (شبكات الحاسب) والحمد لله نجحت واخذت الشهاده ف اكتب الشهاده بأي نقطه ؟
وشاكر لكم مقدما

ما سويت تدريب صيفي تابع للجامعه ؟ بحيث تعمل فترة الصيف لدى احد الشركات او تعمل للجامعه نفسها و تاخذ درجات عليها ؟
اذا سويت الشيء ذا هذا يعتبر خبره عمليه غيره لا . تشيل الخبره العمليه من السيره او تكتب Fresh Graduate او تكتب No Experience .

مشروع التخرج ممكن تحطه بقسم لحاله او ما تحطه بالمره لأنه بالغالب بيسألونك عنه سواء حطيته او ما حطيته .

الدورات تحطها بقسم لحالها Training او Courses تحط اسم الدوره و تاريخها و مختصر عن مضمون الدوره
يعني الدوره عن ايش سطر واحد كذا او نص سطر تكتبلهم مثلا : دوره لكيفية استخدام الحاسب الالي في برمجة الالعاب

بعض الجامعات تسوي تطبيق بأحد الشركات وبعضها مشروع تخرج .. جامعتنا اعطتنا مشروع تخرج اللي هو تسوي موقع انا سويت موقع عن تصويت الكتروني للمجلس الطلابي للجامعه .

المشروع يضاف لنقطة الانشطة والمشاريع ..
والدورة ضمن الدورات ..
الله يوفقك ...