ساعدونا ياهل الخير وش السوات؟؟

ح ن و · #1 (**permalink**) 10-06-2015, 11:09 PM

السلام عليكم
كيفكم اخباركم

بدخل بالموضوع على طول ..
أختي جتهامكالمه من الاداره العامه بالرياض لتوظيف ا لمصرف الراجحي
وقالو لها ان معها مقابله يوم الثلاثاء وهي الان مره مره مخربطه ماتدري وش تسوي
ماتعرف كيف المقابله ولا عمرها جربتها
ساعدونا ياهل الخير..الله يجزاكم الجنه

الليزر الذهبي · #2 (**permalink**) 11-06-2015, 10:10 AM

وعليكم السلام ورحمة الله

اغلب المقابلات تكون لتحديد الشخصية فأهم شي تكون على طبيعتها وما تتوتر والاسئلة متوقعة كالاتي:
تكلمي عن نفسك؟ ماهي نقاط القوة والضعف عندك؟ ليش نوظفك ما نوظف غيرك؟ واحتمال يسألونها عن البنك فضروري تقرا عنه شوي. بس فأغلب المقابلات تكون بها الصورة وبالـتوفيق إن شاء الله.

ح ن و · #3 (**permalink**) 12-06-2015, 07:12 PM

طيب كلها فاهمتها
ماعادا ليش نوظفك ومانوظف غيرك
ماني فاهمتها؟

الليزر الذهبي · #4 (**permalink**) 13-06-2015, 11:29 AM

اقتباس:

المشاركة الأصلية كتبت بواسطة ح ن و

طيب كلها فاهمتها
ماعادا ليش نوظفك ومانوظف غيرك
ماني فاهمتها؟

يعني مثلا يقولك انا بسوي مقابلة مع خمس أشخاص أيش اللي يخليني اختارك للوظيفة دون الأشخاص الباقيين ؟

هنا يبدأ التأليف طبعا

مــوفقــة
.

مهندس آلات · #5 (**permalink**) 12-06-2015, 08:06 PM

http://www.adslgate.com/dsl/showthread.php?t=2100179

موضوع لي في منتدى آخر ان شاء الله يفيدك

وهذي نماذج لناس سوت مقابله معهم :

اقتباس:

سألتني أسئلة مثل كل المقايلات ..

ليش قدمتي على البنك؟

ليش تركتي وظيفتك السابقة وجيتي هنا؟

كم راتبك السابق؟

عندك حساب في الراجحي؟

وش الوسائل اللي تستخدمينها على حسابك ؟ ( مباشر الأفراد ، الهاتف المصرفي )

وش نظرتك لنفسك بعد 3 سنوات ؟؟ انا هنا قلت بصير مديرة الفرع ثثثثث

كم تتوقعين نعطيك راتب ؟

اقتباس:

بالنسبه للمقابله .. لآتشيل همّ أبد

أول مآتجلس تعطيه السي في ويقولك تحدث عن نفسك ... طبعا لآتشرح له حياتك اليوميه ...

تكلم عن حيآتك الهمنيه والعلميه ... وخلي ابتسآمتك شغآله 4X4 << من الأذن للأذن

ولمح له أنه عندك قآبليه للتعليم وتحب العمل الجماعي ... وتهتم في مظهرك

وأنتبه لآتكثر من المجآلآت .. لأنه رآح يسألك ويحشركـ *_^ .. بس الوضع وربي عآدي وسريع سريع مآيآخذ دقيقه

طبعا أنت حآول تجمع معلومات عن مصرف الراجحي عشان توريه انك مهتم ... مثلآ تقوله الراجحي بنك اسلامي وتعاملاته حسب الشريعه الاسلاميه .. وهو أفضل بنك على مستوى الشرق الاوسط لمدة 5 سنوآت على التوآلي ووووو .. إلخ << أدخل موقع المصرف وأدخل على كلمة ( من نحن )

رآح يسألك هو ويقولك عندك إستعداد تعمل في خرخير .. أو قريات الملح << يقلعك بعيد *_^ بس لآتخآف مآرآح ينقلك .. وأنت قلّه لو بيشه مآعندي أي مشكله *_^

أبد خلّك مرن ووآثق من نفسك .. ولآترتبك .. كأنك تكلم وآحد من أصحآبك .. وحط ببآلك أنك بتلقى وظيفه غيرها عشآن مآتحترص وآجد وترتبك

أنآ قسم بالله شآيلها من رآسي وأمشي وأقدم واليوم الحمدلله خلصت والدورهـ يوم السبت القادم بإذن الله .. دعوآتكم يَ أخوآن

وبالختآم .. أعذروني على الإطآله ... حبيت أني أوضح لكم كل النوآحي ... وسآمحوني إن أخطأت أو نسيت شي

للأمانة منقول: https://www.btalah.com/showthread.*****..#ixzz3crfDP7B5

ح ن و · #6 (**permalink**) 13-06-2015, 12:45 PM

شكرا لكم وجزاكم الله الجنه
فهمت كل الا قلتوووه

ح ن و · #7 (**permalink**) 13-06-2015, 01:08 PM

طيب سؤال لو سمحتم

صوره من السيره الذاتيه ايش هي ؟؟؟

مهندس آلات · #8 (**permalink**) 14-06-2015, 01:21 AM

اقتباس:

المشاركة الأصلية كتبت بواسطة ح ن و

طيب سؤال لو سمحتم

صوره من السيره الذاتيه ايش هي ؟؟؟

السيره الذاتيه هي عباره عن بطاقة تعريف عنك تقدم للشركه الموظفه تحتوي العاده على :

- المعلومات الشخصيه ( الاسم العمر مكان الاقامه الحاله الاجتماعيه )
- معلومات الاتصال ( ايميل رقم جوال رقم ثابت رقم العمل الحالي )
- معلومات المؤهلات ( التخصص الشهاده ثانوي ولا جامعي المعدل )
- معلومات الخبرات ( الخبرات العمليه بالشركات و المؤسسات )
- الدورات ( دورات تصميم مثلا دورات حاسب انجليزي قيادي و غيره )

و هذي نماذج جاهزه فقط عبي بيانتك و اطبعي نسخه ولا اثنين وخذي معك .

http://www.forus4u.com/p/cv.html

يفضل اختيار نسخه عربي / انجليزي اذا تعرفين تعبينها بالانجليزي او تطلبين مساعدة اقاربك واذا
مره اختاري نموذج عربي فقط

ᴬᶫᵐᶫᴷᎥ · #9 (**permalink**) 15-06-2015, 05:57 AM

بالتوفيق يارب

ح ن و · #10 (**permalink**) 25-06-2015, 06:05 AM

أختي سوت المقابله بالرياض
وقالو لهم بندق عليكم خلال اسبوع
مره الاسبوع هذا وباقي مادقو
اهي تبي تفهم انها انقبلت ولا لا
تقول انها حست انها اجتازت المقابله
وعدد البنات 6 بنات الا سو مقابله كل بنت من مكان مو نفس منطقتها
يعني مو فاهم ليش مادقو عليها

ساعدونا ياهل الخير وش السوات؟؟

إستفسارات ونتائج وظائف القطاع الخاص

السلام عليكم كيفكم اخباركم بدخل بالموضوع على طول .. أختي جتهامكالمه من الاداره العامه بالرياض لتوظيف ا لمصرف الراجحي وقالو لها ان معها مقابله يوم...

ساعدونا ياهل الخير وش السوات؟؟

تسجيل الدخول

ساعدونا ياهل الخير وش السوات؟؟

إستفسارات ونتائج وظائف القطاع الخاص

السلام عليكم كيفكم اخباركم بدخل بالموضوع على طول .. أختي جتهامكالمه من الاداره العامه بالرياض لتوظيف ا لمصرف الراجحي وقالو لها ان معها مقابله يوم...

ساعدونا ياهل الخير وش السوات؟؟