السسلام عليكم ورحمة الله وبركاتة

أسعد الله أوقاتكم بكل خير

عندي فكرة مشروع خدمة التوصيل من الباب للباب
طبعاََ الفكرة مبدأيا مشوشة ومتلخبطة
المهم لن أستسلم

أحتاج أفكاركم ومقترحاتكم وايش الشئ الي يجذبكم لشركة الشحن

يعني مثلا أنا يجذبني لزاجل ان سعرهم 10 ريال بس فجأة صارو 15 ريال خيانة
واعطوني أفكاركم كمان

تحتاج الى مكتب وشغله متعبة

إذا بيجذبك زاجل لاتفكر في المشروع

زاجل هذا نكبة ...يفتح ويسكر على مزاجه

تروح تدور غرضك ماتلقاه

ممكن سمسا ...أرامكس كويس حتى تغليفهم لكن عيبهم ياخذوا حق التوصيل وآخرتها إحنا نروح

نستلمها ..بحجج واهية السواق مشغول طالع بعيد السيارة خربانة

التوصيل عموما خدمة جميلة جليلة ....لكن تحتاج إتقان وصبر وتذكر إنها أمانات عجزت السموات والأرض عن حملها .....وإذا بتنفذ ا

الفكرة بأعطيك فكرة جديدة وهي المبرد

توصيل المواد الغذائية والمأكولات عن طريق سيارات مجهزة بوحدات التبريد كثلاجات الألبان والخضار

والله يوفقك

وعليكم السلام ورحمة الله

اخوي الفكره جميله ومطلوبه بس تحتاج انك تتوكل على الله و الامانة الامانة بأول خطوه و فريق عمل لتطبيقها بشكل صح يعني شغلك لو بيكون بالرياض مثلا تحتاج يكون معك اكثر من واحد عشان تغطون المنطقة بشكل كامل وسريع بالبداية بتكون متعبة لكن مع الوقت راح تطلع لانه الناس بالوقت هذا شغلهم كله على الطلبات الخارجيه وشغل التوصيل بالرياض خاصة، فيه ارباح مو طبيعية لان المشاوير بهالوقت اتعبت الناس خاصة كبار السن والعجازين الي كثير منهم صار عجاز ويبي من يخدمة
كان بودي يكون عندي وقت ان اطرح عليك الكثير من الافكار بس سامحني الوقت مايسمحلي وشد حيلك والله يوفقك ان شاء الله

الله يسعدكم

يب شي اكيد ان الامانة فوق كل شي ونخاف الله
انا معاك فيديكس وسمسا وارامكس شي محترم بس مادياً لا مو محترم
فكرتي ان الخدمة من الباب للباب يعني بيكون ف كل مدينة لنا مندوب ونتفق ونتفاهم على كل شي والفكرة حاليا شبه مترتبة
بس احتاج كمان لافكار جديدة ف الموضوع ذا عشان نتميز

اين انتم

اسئل الله لك التوفيق
وان تحقق مطلبك
لكن يجب ان تعمل دراسة جدوى لمشروعك وتدرسه جيدا من جميع الجوانب حتى المعوقات التي ممكن تتلقاها حتى لا تتوقف عند اول عقبة

قصدك مندوب؟

عندك تجار وتاجرات الاستقرام غالبا يحتاجون مندوبين لتوصيل وحقك محفوظ استلمه مقدما من التجار قبل تسليم البضاعه للمشتري..وممكن تتفق مع المطاعم ومحلات الوجبات السريعه توصل لهم طلبات ..
ولاتنسى الدعايه والاعلان وافضل شي الانستقرام وتويتر

لازم تكون شركه مرخّصه
لان البضايع اللي تنقلها ماتدري وش بداخلها وممكن يستغلونك المروجين بعدها وش بيفهم الشرطه انك مجرد ناقل بضائع ؟