بطاقتي انتهت ورحت للضمان وكل يوم يقولو تعالو بكرا رحت الخميس النظام خربان ورحت اليوم النظام خربان السستم عطلان وش الحل وربي مشاوري سلف ورمضان قرب ولا صرفت الشهر اللي فات الله المستعان وربي حرام عليهم الممفروض يصلحوه من بدري او اكيد فيه حل ثاني مدري وش اسوي تعبت من المشاوير والديون ياارب رحمتك
كلمت المدير قالي روحي للمديره والمديره تقول مو منا العطل من الرياض وكل واحد يرمي ع الثاني

مابعد الصبر الا الفرج عليك بالدعاء مابين الاذان والاقامه
بعض المسئولين لايمكن احساسهم بمعاناه الناس المفروض ان المديرة تكلف احدى الموظفات بالبحث عن بطاقتك ونسليمها لك نحن قوم البعض منا يحب المماطله والبعض منا لايحب مساعده الاخر
متى يتغير الحال ياوكيل الوزاره متى نتمنى منك زيارة مفاجئه لادارات الضمان متى نرى الاستغناء عن خدمات كل مهمل

ام ايتام الله يسعدك
حاولي تتصل عليهم بمكتب التابع لمنطقتك عشان مشاويرك لكل مكتب رقم خاص بهم .
الله يفرج همك وهم كل مكروب يااارب
يارب كن بعوننا مالنا غيرك ي الله .

اتصلت قبل مااروح لهم بس محد رد علي وش نسوي الله المستعان
الله يفرج همي وهم كل محتاج
الله يجزاكم خير ويبارك فيكم

خذيها مني مراجع وصارت لي اذا تجي قبل نهايه الدوام هذا العذر حق الضمان معروف تعالي بدري وشوفي اذا ما خلصوك وما بقول السستم عطلان وبالتوفيق يارب

عندك ايميل الوكيل ارسلي له شكوى انهم مايردون على التلفون

استغفر الله العظيم .،
وربي صدري يضيق لما اقرأ كذا .،

وش هالعالم الي ماتحس بغيرهاآ !
رمضان جااي والواحد محتاج هالراتب .،

المفروض من اول ماتوقف البطاقه .. الجديده تكون جاهزه .،
وفيه ناس موقفين بطايقهم حتى قبل ماتنتهي .،
وللحين ماوصلت الجديده .،
آجل توقفونهاآ ووهي اصلا ماانتهت ليش .. دام ان الجديده لسه ماوصلت .،

لاحول ولاقوة إلا بالله ..!!

والله اروح بدري من الساعه 7:30وانا عندهم واجلس الين 11 انتظر يمكن يحنون ولا شي لكن للاسف ماعندهم حلول يقولون البطايق موجوده بس السستم خربان
اليوم مارحت واتصل عليهم مشغول او محد رد بكرا بروح اشوف الوضع يارب يسهلها ويسرها لناا
الحمدلله ع كل حال