يامعذب الاحباب ياغايب متى وقت الوصول
...........................انا على نار انتظر رجعتك لوطال الغياب
ياهمي اللي لو يزول العمر كله مايزول
...........................يا اقرب من اللي في يدي وأبعد علي من السحاب
ياصيف عمري ياربيع العمر يا اغلى الفصول
...........................يا فرحتي ياسلوة الايام يانواع العذاب
يابحر جده ياشفا الطايف ياحايل ويش اقول
...........................يا تراث مكه ياحضارة نجد يا أبها والضباب
يانغمة الاوتار ياعزف الموسيقى والطبول
...........................ياظحكة الاحباب مابين التغلي والعتاب
ياعنفوان الخيل ياوقفات ماضين الفعول
...........................يانشوة الكسبان ياعزة عزيزين الجناب
يابسمة الاطفال ويا نظرة الطرف الخجول
...........................ياهيبة السلطان ، ياقدر اللحى ، حق الرقاب
ياحكمة العاقل ياعطف الام يامعنى القبول
...........................يالذة الما في ظما الظميان ياعذب الشراب
يامعجم الاخلاق يافهرس تعاليم الوصول
...........................ياروعة الابداع يابنك المبادي والاداب
فديت عمرك يابعد عمري جعل عمرك يطول
...........................احسب احساب الي حسب لاحساب حسبتنا حساب
صبرت حول وحال حول الحول واستقبلت حول
...........................وانا انتظرك تذوب في قلبي وقلبي فيك ذاب
وجيتك وانا كلي غلا جيتك وانا كلي ميول
...........................النفس لرضاك احضرت والقلب لرضاك استجاب
عزلتني عن عالمٍ ماكنت انا عنه معزول
...........................اطرد وراك العمر كله كني اطردلي سراب
سمعت قولي وانت قلي ودي اسمع ويش تقول
...........................انا طرحت الك السوال ومنتظر رد الجواب