السلام عليكم ورحمة الله وبركاته

كل عام وأنتم بخير

إخواني أنا أسكن في قرية ولا توجد عندنا سوا مغسلة ملابس واحده مشكلت ها المغسلة فيها واحد باكستاني كل وشية يقفل ووقت الاعياد بالذات أشوفه مقفل

واحد قال لي ان الباكستاني قال له انه بينقل من ها القرية

جتني فكرة فتح مغسلة لكن ما ادري ايش المتطلبات ياليت تفيدوني

أين أجد الأدوات وهل تنصحوني بالمستعمل ؟

الباكستاني في محل بدون لوحة ! وشفت عنده غسالة عادية مثل اللي في بيوتنا !؟ والوضع ماشيء معه ماشاء الله

المغاسل فيها خير ..[ قليل دائم خير من كثير منقطع] <~ كذآآآ
أرى إنك تبداء بدايه ممتازه إذا عندك مبلغ من المال ..
ع الأقل أشتر غسالة الملابس مستعمله من الحراج بتحصل نظيف وبسعر زين
لأن العامل سوف ينتج أكثر ويصير عمله سريع وغسيله سريع وممتاز وبكذا أنت سوف تحصل خير من وراه إذا أتفقت معاه

شوف القريه هل فيه سكان كثير يعني ما تلاحظ في القريه وجود 15 بقاله وسوبر ماركت !!
إذا على كذا المغسله بتشتغل زين .. الباكستاني إللي تقول عنه صدقني هذا يعمل على قد حاله
تلاقيه يالله يخارج نفسه شهرياً من حق كفيله ما يلحق يطلع آخر الشهر والسبب لأنه بدائي بسبب المغسله لأنها تاخذ وقت طويل في الغسيل والتنظيف والتنشيف بعكس مغسلة الملابس الكبيره هي ممتازه بس ترمي الملابس فيها وهي تشوف شغلها تنظف وتغسل وتنشف وأنت بس تكوي

__________________
سبحان الله وبحمده

اذا كانت القرية بحدود 100 بيت وفيها سكان توكل على الله وابدأ ..لكن حاول تجيب معدات مثل

اللي في المغاسل ( بولر+مكبس +نشاف صغير+ غسالة ) وحاول تأخذ جديد اذا تقدر

اخواني القرية فيها اكثر من 100 بيت

صاحب المغسله كلمته اليوم قالي ابيعها عليك 32 وبعد الكلام والضغط قال لي ب 27 الف بالمعدات بكل شيء بس اطلع لها سجل تجاري ورخصه وسوي لوحه

الكهرباء موجودة والديكور اي كلام ومكان المحل حلو

المكينه نص عمر امريكي وش رايكم اتوكل على الله واشتريها

مشكلتي ما عندي عامل

إيش رايكم إخواني

ياليت تذكر المعدات الموجودة فيها وانواعها عشان نفيدك اكثر

اهلين محب الخيل الحقيقة واحد صاحب مغسلة يعرف الباكستاني اللي يبغى يبيع علي المعدات قال لي تراها خربانه وقالي بـ 25 الف تشتري جديد وشكله يعرفه زين

ايش رايكم ؟

اخواني الان اذا اشتريت معدات بويلر ومكبس مين يركبها يعني نفس اللي يبيع عليه ولا كيف ؟ ومن وين اشتري كاونتر ولا افصل احسن؟ والفاصل بين الاستقبال والغسالات ايش افضل شيء تفصيل خشب ولا المونيا ؟