بسم الله الرحمن الرحيم
السلام عليكم
انا نسخت لكم ردي على موضوع الي يقول نطالب بزيادة الضمان ونعترض على الي عملوه معنا يااهل الضمان
كتبت ردي وياليت الكل يشارك ويقول رايه
عني انا استسلمت للهم وتساوت عندي والله ماانسى الفرحه الي فرحتها لما قالو بنزود الضمان وماانسى الانكسار الي جاني لما طلعت الزياده تسكيته فعرفت انه مافيه معهم امل وكاننا نناشد ناس خلقو بدون اذان اوقلوب عني انا رح اصبر حتى يميل الصبر مني مافي احسن من الصبر الجميل والدعاء وحسبي الله ونعم الوكيل 😔
بعلمكم بقصه صارت لي من كم يوم تعجبت منها وجلست افكر بوضعي
اول شي انا وحده اعتمد ع الله ثم ع نفسي بكل امور حياتي يعني مافيه احد يصرف علي هلله وحده وضمان الف ريال ومقطوعه مثل ماتعرفون مايدفعونها كل سنه عشان اعرف اسدد ايجار البيت اتصلت بالجمعيه الخيريه عشان الايجار قالو نسأل عنك وكان لي تجربه سابقه معهم من سنين وفضحو موضوعي عند كل قريب لي ولااستفدت منهم شي
لنا جيران اجانب عرب خلص عقد ةبالشركه وزوجته تشتغل كوافيره بمشغل اذا حل وقت الايجار سدد المبلغ من الجمعيه الخيريه يطلبهم وهم يدفعون عنه المبلغ الله يرزقنا واياهم لكن بالله من الاولى بالجمعيه واحق الاجنبي الي بلده اولى به او حرمه ضعيفه كل حيلتها ضمان والف ريال ليش الجمعيات مايكتفون بالي مثلي انه مستفيد من الضمان ليش الفضايح ليش مع الاجنبي قالو هات رقم صاحب العماره عشان نتاكد انت مستاجر عنده او لا وبسرعه دفعو له وانا يسوون لي اعلان عند القاصي والداني ياناس انا والله اني دعيت لجارنا الاجنبي بكل خير لكن اتمنى يعاملوني مثله ويريحوني من الهم يسددون ايجار شقتي كله او جزء منه على الاقل حسبي الله ونعم الوكيل

اهلا فيك وشهرك مبارك
اول شي الله يغنينا ويغنيك من فضله وحن صرنا في زمن الله يستر منه عندنا مايساعدون الواحد الا اذا طلع في جريده والا موقع تواصل لازم يشوف حالته العالم كله عشان يساعدونه ولا مسوين فيها انهم متفضلين
الدوله الله يعزها ماقصرت بشي
والمسئولين على بالهم ان الشعب مثلهم مرتاح عشان كذا مايفكرون بحالته ولايدرون عنه واذا سو اي شي له الشعب يحسبونه جميل عليهم وان لهم الفضل تقول كنهم يعطون من جيبوهم هاذولي ناس مافي قلوبهم رحمه ولايفكرون في عاجز والا شايب والا حرمه والا فقير مايفكرون الا بانفسهم نسو ان فيه حساب وعقاب وفي اخره والدنيا ماراح تدوم لهم
الله يكون في العون والانسان يوكل امره لله سبحانه نعم الوكيل ونعم المصير

ما ادري وش اكتب
الله يعوضك خير ويرزقك

الله يعوضك
لن تكفي كلماتي لمواساتك لكن ادعو الله ان يرزقك من حيث لاتحتسبين

اختي ليه اسقطوك؟؟؟؟

الله يعوضك اختي وكل مسلم
اهل الخير كثر يااختي
امام المسجد او المؤذن بمسجد حارتكم وبتحصلين خير
قصص مشابهه وكثيره انحلت عن طريق امام المسجد واهل الخير
والله يرزقك ويرزق كل مسلم