يالي يقولون عن تخصصكم إن له مستقبل
انصكيتوا عين حبيباتي اقروا على أنفسكم

احتياجكم في كل المملكه في الابتدائي والمتوسط والثانوي 165 فقط
يساوي احتياج تخصص آخر في مرحله واحده من المراحل
اللهم لا حسد

شوفوا احتياج الدراسات الإسلاميه في الابتدائي وحده 400 هذا احتياج التخصص الي ماله مستقبل
شوفوا احتياج تخصص العربي في الابتدائي فقط 373
الي تتحمل الصدمه تشوف كمان احتياجهم في المتوسط والثانوي أنا ماقدرت أشوفه

ههههههههههههههههههههههههههههههههههههه
ماعاد أدري هل العن تخصصي الذي له مستقبل أم العن نفسي على حظي الطايح مع هذا التخصص الزباله

نصيحه للعربي والدراسات اقرأوا على أنفسكم لا تنصكون عين مثلنا

قال الانقليزي له مستقبل قال هههههههههههههههههههههههههههههههههههههه

هههههههههه اي والله انصكينا عين كانوا يقولون لي وظيفتك بجيبك والحين لي ست سنوات متخرجه وماحصلت شي بجيبي..

اي تخصص بيمر بعجز , الدراسات الاسلامين لهم سنين متكدسين ولابد ياخذون حقهم
نتمنى الكل يتوظف

طرفة عين أنا لي سبع سنوات متخرجه وهذي الثامنه
وكمان الاحتياج للإنقلش في مدينتي في كل المراحل صفر

الحمد لله ماعمري ندمت على تخصصي ودايم فخورة فيه ,,,رزقنا بيجينا لو الاحتياج 50 ..ان شاء الله السنوات الجايه يكون اكثر واكثر اذا طبقوا الانجليزي لكل المراحل..

الاحتياج للانجليزي كثير بس حسبي الله على الوزاره
والله اعرف مدارس يأخدوا معلمات انتداب
ولا تحصلي مدرسه علوم تشرح للابتدائي انجليزي
متوكلين على الله وصراحه ما في يوم راح اندم انه درست تخصص انجليزي بالعكس افتخر فيه وربي ما يضيع تعبنا ان شاء الله

انا خريج انجليزي وندمان اني تخرجت من هالتخصص مو لان فيه شح وظيفي لا لاني ما كنت جيد وقت الدراسه وحاليا اتفشل عند اي مقابلة وظيفيه , الاحتياج مميز جدا صحيح بالفتره الاخيره في نزول لكن هذا الامر طبيعي مثل ما ذكرت

التخصص ماعليه كلام بس الإشكال في الطلب عليه .. الكل يعلم أن الإحتياج المعلن ليس هو الفعلي وعلى سبيل المثال رغم انهم طلبوا 600 وشويه العام الماضي إلا انه كان في نقص في أعداد المعلمين
ترشحت السنه الماضيه ومن أول يوم اتفاجئ انه جاني تكليف ادرس في ثلاث مدارس ورفضت وبالواسطة نزلوا لي مدرسه ودرست مدرستين وحتى زملائي اللي تعينوا معي اغلبهم يدرس في مدرستين او ثلاث !!
طيب كذا معناته في احتياج ليش من البداية ما اعلنوا عن الإحتياج الصحيح ؟
برضو مدري ليه باقي الدوائر الحكوميه مانشوفهم يطلبون التخصص بكثره كانهم محتكرينه على التعليم ..
لكن ان شاء الله يكون القادم اجمل للجميع ودمتم ..

السنه ذي احتياج المعلمين 460 معلم انجليزي والاغلب نجران والشرقيه والحفر والخرج

الاحباط انه الاحتياج بالجنوب فقط معاكم خريجه لي 5 سنوات ومن يوم ماتخرجت وهما يقولون ياحظك ضامنه الوظيفه على العموم الارزاق بيد الله حتى لو الاحتياج قليل لو ربي كتب ان شاء الله نكون من المقبولين هذا العام بالنسبه لنقاط ما توقع ابدا ابدا تنزل لي 60 حتكون 70 وفوق بالنسبه لتعينات لاحظت اغلب المتعينات ماشاء الله صاحبات المعدلات العاليه ممكن نقاط الرجال تنزل لل50 لكن للبنات مابي احبطكم من 5 سنوات والنقاط 70 يمكن عام 2013 نزلت لي 69الله يوفقك الجميع يارب كوكبه بريانا اكثر اثنين اقراء مشاركاتكم انا متابعه بصمت من زمان🌹