سلام عليكم
مشروع محل طيور زينه واسماك بالقصيم

وش رايكم
انا عندي خبره بالطيور

لاكن حبيت استشيركم هل هو مربح او لا

وعليكم السلام ورحمة الله وبركاته

اكيد يالغالي مربحة ومربحه جدا ولا تيأس حتى لو فشلت دام عندك خبره بالطيور واصل

وان شاء الله الاخوان اللي هنا ما راح يقصرون معك بالمعلومات اللي تفيدك

وبالتوفيق ان شاء الله

السلام عليكم

أخوي مشروعك مربح جدآ جدآ


انا جربت في طيور الكناري كنت اشتري وانتاج عندي وابيع ذهب ذهب

واذا تبي اي شئ انا موجود وراح افيدك

مشروع مربح بشرط ان يكون لديك مكان في استراحه او حوش لتربية الطيور والكناري وطيور الزينة وتبيع من انتاجهم في المحل .
بمعنى ( اصول المال محافظ عليهم وتنتج منهم وتبيع من الفروع ).
اول خطوة كون مكان للتربية والانتاج وبعدين استأجر محل لبيع الإنتاج .

بـارك الله فيكم اخواني حقيقه شجعتوني ..

ننتظر البقيه

مشروع جميل حقيقة ما اتوقعت انه مربح جدا في مجال طيور الزينة
اي شي فيه تعب الله يبارك فيه
مشاريع الانتاج مربحة لمن يعرف تفاصليها و العناية الجيدة بالطيور
قبل سنتين تقريبا طلبت مني دراسة لمشروع تسمين الصيصان
كانت تجربة جميلة ممكن تبدا باقل التكاليف بشرط العناية بالنظافة و تهوية المكان جيدا
و العناية الطبية من حيث اللقاحات حتى لا تنتقل الامراض ...
الله يباركلك و يوفقك في مشروعك اخي الكريم ...

هلا والله أخوي بندر ... ولايهونون باقي الأعضاء

باختصار انا كنت اول اربي حمام وابيع منهم ( باكستاني ، قطايف ) ، لكن اللي عرفته ان الحمام اللي منه المكسب هو حمام الزينة وحاليا ان شاء الله ناوي على حمام الزينة .

ثاني شي جبت لي دجاج بلدي .. بس الدجاج تعبه و وساخته اكبر من مكسبه الا ان كان عندك مشروع كبير دواجن وفقاسات ومشروع تسمين اتوقع بيكون مردوده مجزي ( وفي الدجاج التصريف أهم من الانتاج او التفقيس عشان ماتنشب باللي معك )

ثالث شي واخيرا جت على بالي طيور الزينة المغردة وبالذات ( الكناري ) وحاليا توي قبل اسبوعين شريت لي اربع ازواج وضبطت لهم مكان وبشوف وين اوصل .. واذا الموضوع مشا معي زين بكبر المشروع وبزود عدد الازواج

وفيه ناس اشوفهم طايحين بالببغاوات في انواع منها تنتج ومنها مكاسب حلوه ...

هذي المشاركة على عجل و ودي لو نتبادل تجاربنا وافكارنا هنا عن تجارة طيور الزينة ولي رجعة باذن الله ...

اشكر كل من شارك
اول خطوه تم الاتفاق مع تاجر يوردلي بسعر الجمله

وباقي اجرا فتح المحل والمكان المناسب

اسئل الله لي ولكم التوفيق ننظر باقي الاعضاء وارائهم

الله يوفقك ويباركلك في مشروعك ...

وودي لو تشوف هذا المقطع (( للتحفيز ))
https://youtu.be/eBAGRWyrZFs
شفه من الدقيقة 22

وقلنا وين بتفتح المحل بأي مدينة .. لو بالرياض أنا أول زبون عندك ^_^

المحل مكانه القصيم / بريده

وابونايف انت راعي مكان ولك هديه باذن الله تاصلك للرياض اذا فتحت المحل,>> دجينا من اوله هدايا ههههه

تستاهل بارك الله فيك