السلام عليكم

اخواني وخواتي انا قدمت رغباتي اليوم والله يسهل لى الامر انا من الرياض وحابه اروح وراجع

وحطيت الرغبات كالتالي


القويعية

الغاط

الزلفي

المجمعة

الدوادمي اخر شئ



انا مدري هل المجمعة قبل الزلفي لان فيه ناس شككوني وقالو المجمعه قبل الزلفي والغاط

والمجمعه بعد خوفوني قالو ممكن يحطونك في شذبه وتبعد عن المجمعه 300 كيلو ولا ادري رياض الاطفال في المجمعه ام القرى كالتمير وسدير

حسيت ان ضعت وضاق صدري

تكفون علموني وش اقرب للرياض من ناحية الروحه والرجعه

لان الدوادمي لو قبلت فيها بنقل هناك ماعندي مشكله

تكفوووووون ردو على علشان ارجع واعدل الرغبات مره ثانيه

والحين ضعت بالطوشه

أنا من حوطة سدير والمجمعة أقرب لك من الزلفي وقطاع سدير من حوطة سدير لتمير أقرب مناطق سدير للرياض ومشذوبة ذي بعييدة ولا أعرفها تابعة للأرطاوية عندنا معلمات كثيير يجون بنقل من الرياض يوميا وغالبا المديرات يراعون مايصير لاحصة أولى ولا أخيرة عموما المنطقة حلوة ومامنها خوف بس قطاع الأرطاوية ماا أعرف عنه شيء ...

الله يجزاك خير يارب اجل برجع واعدل الرغبات

بحط القويعيه المجمعة الغاط الزلفي وبعدها الدوادمي

ربي يسهلها من عنده

الزلفي فيه نقل للرياض يزميا صح

صراحة مدري بس أتوقع فيه نقل من الرياض للزلفي لو قدرتي تسكنين فيها حلوو العيشة في المحافظات حلوة متوفر فيها خدمات ولا فيها زحمة وقلق أسأل الله لك التوفيق ياارب..

ياليت اسكن على الاقل ارتاح من التردد للرياض بس انا معي حضانه لاولادي وتوني مخلصه موضوع المحكمه اخاف ابوهم اذا عرف اني بطلع برى الرياض ياخذهم مني

علشان كذا ربي يسهلها من عنده

الله يسهلها عليك ...