كبير الخراطين بمصرف الراجحي ،،

محاسب ولكن سعودي · #1 (**permalink**) 23-09-2008, 09:51 PM

السلام عليكم ورحمة الله وبركاته ،،

انا موظف في مصرف الراجحي ،،

ومسمى وظيفتي كبير الصرافين ((مدير الخزنة النقدية))

صراحة مليت الى متى يعني بالله عليكم الى متى ؟؟

يعني نصبر وكل يوم تزيد المشاكل وكل يوم تزيد الظغوط

الشيب وطلع في راسي وفي شنبي وفي سـكـوكتي وانا عمري 25 سنه

القولون وجاني والبواسير تجي وتروح واخر مره سويت فحص يقولي الطبيب انتبه على نفسك من الظغط والسكر

والله حالة واخر شي راتب مش حالك يالله يكفيك والله معاناة ،،

بالله وش تتوقعون يصير فيني بعد مرور خمس سنوات ((ترى جد اكلمكم)) وش توقعاتكم ؟؟

الله يستر بس ،،

مرمر زماني***** · #2 (**permalink**) 23-09-2008, 10:01 PM

الله يعينك اخوي انا واحد من أصحابي طلب مني استقطاب عميل ويملك ..رقم .. مليون والتوظيف مباشرة

بحضور صاحب الحساب المفتوح وطالب الوظيفه في الأداره الأقليميه والراتب اكثر من 10,000 اذا عندك

عميل راسلني ع الخاص وازودك بالمعلومات بس اذا عندك عميل

دعائي لك بالتوفيق وان شاء الله ربي يفرجها عليك

محاسب ولكن سعودي · #3 (**permalink**) 23-09-2008, 10:01 PM

تصدقون بعض الاحيان وانا نايم احلم ان الخزنة انسرقت وانفجع والله مشكله

أبوفيصل 1430 · #4 (**permalink**) 23-09-2008, 10:07 PM

الله اكبر انت مسئول عن الخزنة لو تنسرق

اجل نام عندها اتكلم من جد والله

الله يعينك لو انا مكانك لو يعطوني راتب 20.000 ريال ما قبلت هاذي ملايين مو لعب

محاسب ولكن سعودي · #5 (**permalink**) 23-09-2008, 10:09 PM

اقتباس:

المشاركة الأصلية كتبت بواسطة مرمر زماني*****

الله يعينك اخوي انا واحد من أصحابي طلب مني استقطاب عميل ويملك ..رقم .. مليون والتوظيف مباشرة

بحضور صاحب الحساب المفتوح وطالب الوظيفه في الأداره الأقليميه والراتب اكثر من 10,000 اذا عندك

عميل راسلني ع الخاص وازودك بالمعلومات بس اذا عندك عميل

دعائي لك بالتوفيق وان شاء الله ربي يفرجها عليك

فيه شايب من الجماعه فاتح له حساب عندنا ورصيده فوق ال 15مليون زي ابو سعد الي في كلنا عيال قرية

وكل يوم يمر في البنك ويدخل علي ويشييك معي عليها ويقولي وينها وراها مهب في الخزنه المهم اقعد افهمه كل يوم تخيلو اعيد له هالسالفة واقوله ان مؤسسة النقد تمنع وجود زي هالمبالغ في الخزنه ويتم ترحيلها بشكل يومي ثمين يقولي ايه طيب فلوسي وينها الحين اقوله فلوسك في الحفظ والصون ثمين يقولي انتبه لها زين

والله حالة ،،

((ترى يمديني العب في راسه واخليه يسحب رصيده ))

محاسب ولكن سعودي · #6 (**permalink**) 23-09-2008, 10:10 PM

اقتباس:

المشاركة الأصلية كتبت بواسطة كاتم العبرات

الله اكبر انت مسئول عن الخزنة لو تنسرق

اجل نام عندها اتكلم من جد والله

الله يعينك لو انا مكانك لو يعطوني راتب 20.000 ريال ما قبلت هاذي ملايين مو لعب

اخوي كاتم العبرات خلها على الله ،، والله لو تدري كم راتبي ان تجلس تبكي

سكر ينبعاوي · #7 (**permalink**) 23-09-2008, 11:12 PM

ههههههههههههه ضحكتني الله يسعدك
كبير الخراابيطيــن

رغم ان عندك معاانااهـ كبيره انا اسمع رواتب البنووك مافيها برك بس ماصدق لاني اقول الي مافيها بركه حقين الرباا القرووض ..!

بس مكبين كل هالمعناااه من هالراااتب الي مافي بركهــ

الله يعينك ياخووي

والل انا انصحك تدوور لك شغل مدام معاك خبره خمس سنين ترااها زييينه

دوور بالشركات ..!

الله يشفيك ويوووفقك

آبي وظيفه ؟ · #8 (**permalink**) 23-09-2008, 11:27 PM

شف والله ياخوي مابي اقولك اترك الوظيفه وخلك عاطل

ادعي ان الله يرزقك بوظيفة مريحه ...

اعرف واحد شغال بصيانه الكمبيوتر ومبرمج ... قسم بالله راسه مشيب كله

زي ماقلت لك ادع ان الله يرزقك بوظيفه غيرها ... واسعى وكلم معارفك ... ان شاء الله تبي تحصل

محاسب تقني · #9 (**permalink**) 24-09-2008, 07:09 AM

اخوي احمد ربك , غير مو محصل شي

خافي الشوق · #10 (**permalink**) 24-09-2008, 10:27 AM

أخوي محاسب ولكن سعودي
والله ما الومك صراحه انا عندي واحد من اقرباي المقربين لي يعني
وووظيفته صراف ومره راح عليه مبلغ بالغلط صرفه بالغلط تقريبا 13000 الف ريال
والله دفعها من جيبه لان اللي سحب هالمبلغ بياناته مزوره وجايب طريقة السحب عن طريق شيك
فا انت كبير صرافين وانا عارف وظيفته كبير الصرافين
ومثل ماقلت الراتب والله حتى هذا قريبي مع انه مو متزوج وعنده سياره وساكن مع اهله
لكن راتبه يروح كله ووالله انه مديون
زين وانت ممكن ادرى برواتب الصرافيين

لكن وانا اخوك مامعك الا تريح نفسك وتنسى لاتفكر فيها وانت برا البنك
اهم شي لاصرت بالبنك يبي لك تفتح عيونك عالفلوس اللي تروح واللي تجي
اتمنى لكم التوفيق والسعاده في الدنيا والاخره