26-09-2008, 02:57 PM
|
عضو متواصل
|
|
تاريخ التسجيل: Sep 2008
المشاركات: 78
معدل تقييم المستوى: 33
|
|
انا ما ادري وش خلفيات المقاطعه بس بصراحه احس ان فيه ناس مدسوسين من قبل موبايلي على هالخبر!!!!
يا جماعة الخير قدر الله علي وحولت شريحتي لموبايلي (الله لا يعيد هاك اليوم) بعد عرضهم حق سنه بدون رسوم (والله من النصب) وحولت واول الفتره فواتيري خفيفه وبعد شوي صارو يرسلون لي فواتير خرافيه ما عمري وصلتها ايام الاتصالات !!!!! ناهيك عن التغطيه الزفت ويوم الاربعاء الاسود !!! فقررت اني ارجع للاتصالات وعيو يرجعوني الا بعد ثلاث تشهر ويالله عقب المغثه رجعت لربعنا الاتصالات
اللي ابقوله يالربع هنا كلن حر يبي يروح لأي شركه ولكن ترى موبايلي هلاسين وما يعرفهم الا اللي يجربهم
هو صحيح ان ماضي الاتصالات اسود ايام الاحتكار ولكن من تالي صارو احسن وبكثير وبعدين لما نشوفها من ناحيه وطنيه يا جماعة ترى هذي شركه للبلد 70 % من دخلها للحكومه يعني فلوسها ترجع للبلد ومساهماتها في هالبلد كثيره يكفي الـ 300 مركز صحي اللي الاتصالات قاعده تنجزها ومقعد البحث اللي دعمتها الاتصالات بجامعة الملك سعود وغيره وغيره
بينما الاخرين موبايلي زين شركات غير سعوديه حتى ولو معها شركاء سعوديين ( تجار نصابين ما همهم الا يملوون بطونهم ) فلوس هالشركات برى البلد في الاخير
وبعدين المفروض نفخر ان الاتصالات السعوديه صار لها استثمارات خارجيه عندها شبكة بالكويت واخرى باندونيسيا...
اللي يحرك شركت الاتصالات ويديرها ابناء البلد بينما شركة موبايلي وزين المسئولي الكبار فيها يا اما امارتيين او كويتيين او هنود او فلسطن وانتم عارفين انهم ماانتم اكبر همهم وكلن عندها اهتماماته وبيوظفون ربعهم .. بينما شركة الاتصالات فيها 22 الف موظف سعودي يعني الاف العوائل السعوديه اللي مستفيده .. انا اشوفها بهالمقياس الوطني ولا عادني منخدع بحركات وعروض الاجنبي
مره اخرى انا لا ادعو احد يقاطع موبايلي او غيرها ولكن الاكيد ماراح اقاطع شركة البلد عشان سواد عيون موبايلي والناس المدسوسين على موبايلي بالنت وراح اواصل مع الاتصالات السعوديه والى الامام يا شركة الوطن واصلي التقدم وحافظي على انك اكبر شبكة في الشرق الاوسط .
التعديل الأخير تم بواسطة الاجمع ; 26-09-2008 الساعة 03:01 PM
|
العرض العادي
