السلام عليكم ورحمة الله وبركاته

الاخوة الافاضل والآخوات العزيزات

انا خريجة من ٨ سنوات ونقاطي مرتفعه الحمدلله وقدمت على الوظائف التعليمية وآمل التعيين هذي السنه بحول الله
زوجي مبتعث وآنا مرافقه معه باقي على نهاية البعثه وعودتنا (١١) شهر فقط ان شاء الله
هل من الممكن اذا طلع لي تعيين اقدم على اجازة بدون راتب بحكم اني مرافقة مبتعث الى نهاية البعثه وعودتنا ؟؟


الي عنده اي معلومه يقدر يفيدني فيها

جزاكم الله خيرا وتقبل صيامكم وقيامكم

ماينفع تاخذي اجازة الا بعد فترة التجربة اللي كانت سنة واصبحت الان فترة التجربة للتعليمي سنتين يعني بعد سنتين تاخذي اجازة

دام باقي 11 شهر يعني تقريباً سنة
قدمي السنة الجاية ليش مستعجلة ؟! وحوسة وتعب عليك

هذا رأيي الشخصي طبعاً و إنتِ الأفهم مني بظروفك ووضعك

رأيي فقط بدون علم بأنه يحق لك الاجازة أو لا ، لكن اقول لك قدمي وتوكلي على الله إن طلع اسمك اسعي في أمر الإجازة وبإذن الله تتيسر لك الأمور إن جاتك خير وبركة وإن ماجاتك اعتذري وقدمي السنة الجاية.
المهم نصيحتي لا تفوتين فرصة على أمر ماعندك علم أكيد له .
وبالتوفيق وترجعون بالسلامة

اختي قدمي وان طلعت لك خير وبركة حتى لوو ماقدرتي ع الاجازة تعالي داومي هنا
لانه تقريبا ما راح يبد الدوام الا بذي القعدة وشووي وتجي اجازة الحج فما راح يضل الا فترة بسيطة وتنتهي بعثتكم فحرام تضيعين عليك فرصة عمل على كم شهر بالبعثة