موقع الضمان

ادارة اعمال ه · #1 (**permalink**) 23-06-2015, 09:07 PM

السلام عليكم

الله يعافيكم اللي وقفوا الضمان عنهم بالرياض وين راحو يحدثون بياناتهم هل هو نفسه اللي في الغرابي او فيه مواقع ثانيه لتحديث البيانات ؟

ردو ضروري

حلاوةقطن · #2 (**permalink**) 23-06-2015, 10:13 PM

وعليكم السلام
ان شاءالله اهل الرياض يردوا عليك لان قبل كده في عضوة أيضاسألت تقريبا نفس السؤال

سما نجد · #3 (**permalink**) 23-06-2015, 10:58 PM

انا اخذت اليوم اثبات حالة من محكمه في مخرج 14

وكمان قالوا من بكره راح يكونون اثبات الحالة في محمكة في حي المروج

واي شي ثاني انا تحت الخدمة

خدمة اجتماعية · #4 (**permalink**) 23-06-2015, 11:09 PM

السلام عليكم ورحمة الله

رمضان مبارك على الجميع

وش السالفة ياجماعة الخير وش صاير وش التحديث اللي تقصدونه؟؟ أنا قبل شهرين تقريباً رحت وطلعت بطاقتي الصرافة الجديدة وش صار في شي جديد بموضوعنا

اللي خلاني ادخل اليوم هنا إني شيكت من الموقع على رصيدي مالقيت فيه شي وتوقعت ان في مشكلة بالموقع لأن ماقدرت أطلع اسحب الفلوس من الصرافة ومستغربة من الوضع ياليت احد يفهمني وش صار احس اني مو فاهمة شي

سما نجد · #5 (**permalink**) 23-06-2015, 11:12 PM

خيتووووووو اذا مانزلك شي لازم تجبين اثبات حالة من المحكمه انك مطلقة

وبعين تجبين الصك تبعك وتودينه لضمان الاجتماعي

لاني امس رحت لضمان وطلبوا مني اثبات حالة من المحمكه

خدمة اجتماعية · #6 (**permalink**) 23-06-2015, 11:16 PM

حسبي الله عليهم وش اللي استجد مايحتاج يقدرون كل شي يطلعونه إلكترونياً بدون المرمطة هذي
للأسف إن مواصلاتي صعبة جداً مااقدر اروح حسبي الله عليهم وكفى

نغم السماء · #7 (**permalink**) 24-06-2015, 12:36 AM

اقتباس:

المشاركة الأصلية كتبت بواسطة خدمة اجتماعية

حسبي الله عليهم وش اللي استجد مايحتاج يقدرون كل شي يطلعونه إلكترونياً بدون المرمطة هذي
للأسف إن مواصلاتي صعبة جداً مااقدر اروح حسبي الله عليهم وكفى

عزيزتي اذا انتِ من الرياض ، تروحي فقط لمكتب الضمان النسوي حي الفيحاء ، وتقدمي صك الطلاق الاصلي مع صورة منه
وبطاقة الهوية مع صورة منها..
تسألك تزوجتي بعد طلاقك هذا ، اذا لا خلاص تاخذ الصور وتعطيك ورقة توقعين وتبصمين عليها انك مطلقة واذا ثبت العكس تسقطين من الضمان..
والله يسهل امر الجميع..