المطلقات اللي صححو وضعهم تعالو

خدمة اجتماعية · #41 (**permalink**) 30-06-2015, 02:38 AM

أتمنى منكم الله يجزاكم الجنة تفيدوني ضروري جداً

أنا حالياً ماأقدر أروح للضمان ضروف المواصلات عندي صعبة خاصة الصباح يمكن بذي القعدة أقدر أنتظر قريبتي توديني اذا رجعت من السفر وش السواة وهل في طريقة ممكن تفيدني أصحح وضعي لو بشوال حتى مرة تأزمت ووضع روحتي مطول حسبي الله ونعم الوكيل والشي الثاني الأصل من صك الطلاق فقدته من فترة بس عندي صور منه هل ضروري الأصل ولا وش بالضبط مع العلم إني توني قبل شهرين او ثلاث رحت واخذت البطاقة الجديدة وماكان في هذه الطلبات

تكفون ابي حل لمشكلتي خاصة ان مااتوقع ابد قبل ذي القعدة بتتيسر لي الروحة وماعندي تلفون ثابت ادق عليهم ماعندي غير الجوال والارقام المتاحة ماتستقبل اتصال من الجوال

تكفووووون ابي الحل لعل احد فيكم عنده معلومة او اقتراح يفيدني ويريحني مشكلة ماتنزل فلوسي وانا احتاجها

الله يجزاكم الجنة

خدمة اجتماعية · #42 (**permalink**) 30-06-2015, 02:43 AM

ياليت الله يوفقكم تفيدوني إذا ممكن من خلال ايميل ارسلهم واصحح الوضع لو بشكل مؤقت او اتواصل مع احد منهم اخبره بوضعي ويحلون اموري لو بشكل مؤقت لين الله ييسرها واقدر اروح لهم

محمد البلادي · #43 (**permalink**) 30-06-2015, 02:53 AM

اهلا بك اختي خدمه اجتماعيه
نصيحتي لك اختي شوفي اي احد من اخوانك اي بني ادم من عائلتك او تأخذي اي احد من ابنائك وتأخذي تاكسي وتراجعي الضمان كلها 10 دقائق وينتهي وضعك توقعي على النموذج بأنك مطلقه وتأخذي الهويه وصوره الصك اذا لم تجدي الاصل وتفيديهم ان الاصل مفقود
اذا لم تجدي نتيجه بذهابك للضمان امامك حل اخير ولكنه غير مضمون وهو
مخاطبة اللجنة الخاصه بالضمان مباشرة على البريد الإلكتروني للجنة squrini@mosa-d.gov.sa أو الفاكس 0114721597.
وتوضحي لهم على بريدهم ان الضمان بعيد عنك وليس لديك محرم ليوصلك للضمان
ارجومن الله ان يوفقك

خدمة اجتماعية · #44 (**permalink**) 30-06-2015, 03:05 AM

اقتباس:

المشاركة الأصلية كتبت بواسطة المنتصرر بالله

اهلا بك اختي خدمه اجتماعيه
نصيحتي لك اختي شوفي اي احد من اخوانك اي بني ادم من عائلتك او تأخذي اي احد من ابنائك وتأخذي تاكسي وتراجعي الضمان كلها 10 دقائق وينتهي وضعك توقعي على النموذج بأنك مطلقه وتأخذي الهويه وصوره الصك اذا لم تجدي الاصل وتفيديهم ان الاصل مفقود
اذا لم تجدي نتيجه بذهابك للضمان امامك حل اخير ولكنه غير مضمون وهو
مخاطبة اللجنة الخاصه بالضمان مباشرة على البريد الإلكتروني للجنة squrini@mosa-d.gov.sa أو الفاكس 0114721597.
وتوضحي لهم على بريدهم ان الضمان بعيد عنك وليس لديك محرم ليوصلك للضمان
ارجومن الله ان يوفقك

حياك الله أخي المنتصر بالله

ماعندي ابناء ولا في أي أحد ممكن يوديني ياليت لو في أمل واحد بالمية راح احاول لكن ما أقدر أبد خاصة برمضان لو في مجال اروح بأي طريقة كان اليوم قبل بكرة اروح لكن الوضع مافي مجال نهائي ماعندي مشكلة لو اقعد لنهاية الدوام بس الروحة بكبرها ماهي حاصلة

لذلك انا قاعدة ابحث عن حلول لو بشكل مؤقت لين الله يفرجها واروح وحاولت القى لهم رقم اكلمهم من الجوال ماالقيت

والمشكلة قريت من الأخوات هنا ان لازم اروح المحكمة ولازم صك الطلاق الأصلي وهذي تزيد الصعوبة علي يعني مشوار الضمان لحاله بعد شهر ونص ويالله يحصل حسبي الله ونعم الوكيل على من عقدها علينا

الله يجزاك خير اخوي المنتصر ويوفقك بأحاول من خلال هذا الإيميل وعسى الله ينفع به

الله يكون بعونا · #45 (**permalink**) 30-06-2015, 03:33 AM

انا مثلك ياخدمه اجتماعيه والله مالقيت احد يوديني لاني مطلقه واهلي مو عندي اكلم سواقين حقين المشاوير يقولون ماعندنا مانع نوديك اي وقت غير الصباح لانهم موظفين ومن بداية رمضان وانا انتظر وافكر بالضمان لاني محتاجه مره
المشكله مكتب الضمان مو بمدينتي لازم سفر مالنا الا ننتظر الفرج من الله

لولوه احمد · #46 (**permalink**) 30-06-2015, 03:44 AM

ماهي شروط تصحيح الاوضاع هل لازم الاصل من صك الطلاق ؟؟؟
هل يكفي الصوره من صك الطلاق ؟؟ ارجو الافااااده ؟

كنت يومآ · #47 (**permalink**) 30-06-2015, 04:12 AM

وش المطلوب عشان يصححون وضعهم المطلقات ؟؟

سما نجد · #48 (**permalink**) 30-06-2015, 05:27 AM

شوفوا بنات بخصوص التصحيح
انا عن نفسي رحت المحكمه واخذت اثبات حاله

بس فيه بنات يقولون تروحين لضمان وتجيبين صك الطلاق الاصل وصوره منه وبطاقة الاحوال وصوره منه وتبصمين انك ماتزوجتي