الله ييسر لك امورك يارب ..
حاول تأجل الزواج لحد ماتتحسن ظروفك ..
او اقتصد في الزواج قد ماتقدر وبالمبلغ اللي عندك ..

الله ييسر لك يارب / ياخي في حل ملك وطلع كرت عيله وقدم على بنك التسليف وبيعطيك واخر العرس

والله غريبة بعض الشباب يقول موظف حكومي وبعض الناس أعرفهم رواتبهم 5000 ويقولون الراتب ما يكفي

أنا الحمد لله ماني موظف حكومي موظف في جمعية خيرية براتب 3400 ريال وزواجي ان شاء الله في العيد

منها 1000 ريال كل ترم تروح لمصاريف الجامعة الانتساب و800 ريال لبنك التسليف (وأعلم علم اليقين بهذا الحديث عن أبي هريرة - رضي الله تعالى عنه - قال: قال رسول الله -صلى الله عليه وسلم-: ثلاثة حق على الله عز وجل عونهم: المكاتب يريد الأداء، والمتزوج يريد العفاف، والمجاهد في سبيل الله)

ما دام الله قال للرسول صلى الله عليه وسلم هذا الحكي ليه البعض يتردد عن الزواج؟

خلي عندكم ايمان مثل القصة اللي ذكرت في القرآن ( فلما تبين له قال أعلم أن الله على كل شيء قدير)

الشيطان يجي للعبد من باب المادة لجل يأخره عن الزواج

الله يوفق الجميع

اشكركم اخواني على الردود اللي تثلج الصدر

ان شاءلله تهون بقدم على بنك التسليف وبعيش لو بألف ريال مع الإرادة والصبر

بأذن الله كل شيء يصير سهل واسف اني بحث عن شخص ياساعد

بعتمد على الله سبحانه ثم على جهدي وتعبي وبأخر الزواج الين ربي يحلها

ما فيه شيء تتأسف عليه شف الناس اللي اعطيتك أرقامهم تواصل وياهم
وخذ من بنك التسليف ولا تتأخر لأن نظامه بعد الملكة بسنة او ثنتين ما يقبلون طلبك خذ القرض وأرميه في حسابك وأقل شيء تسلم المهر من الـ 60 ألف حق بنك التسليف

احنا بالطائف اعطوني 10.000 شيك بدون ارجاع للمبلغ مجانا وحضرنا دورة 3 أيام والبعض بيعطونهم 15 ألف وبأخرونهم للزواج الجماعي في شهر 11
وأهم شرط لهم يكون العريس من نفس المنطقة أو ممكن يتغاضون عن هذا الشرط أفتكر انه حضر معنا واحد من البحرين منتدب عسكري للطائف وكان معنا أجانب ومشي حالهم ، باقي المناطق مدري عن نظامهم

ونصيحة لا تأخر الزواج ان كنت تبغى ربي ييسر أمورك أقدم وحدد الزواج لا تسمع لوسوسة ابليس وتأخر الزواج

اخي فيصل ولا يهنون بقية الاخوان الاعزاء شاكر لكم كلماتكم الطيبه وحروفكم الراقيه والمفيده

اخوي فيصل شكر خاص من الاعماق على وقفتك معي واعطائي ارقام لفاعلي خير بتواصل معهم واذا ربي كاتب لي نصيب

باخذه وهذي وسخ دنيا لكن وش نسوي والله ما ابيها ولا تهمني ولا احب ابحث عنها بس اااه الزواج والستر والبعد عن المعاصي

يخليني اغسل وجهي حبتين يمكن الله يوفقني وعد مني اذا ربي ييسر امري ورزقني مثل ماوقفو معي ناس انا بوقف مع المحتاجين

وهذا يعتبر دين وبرده والله كريم


شاكر لك اخي الغالي فيصل عبدالرحمن

بالتوفيق ان شاء الله وربي ييسر امرك