السلام عليكم ورحمة الله وبركاته
جارتي في حيرة من امرها قدمت غلى جدارة في مناطق بعيدة وش يترتب في حال طلعت لها وظيفة وماطابقت ؟هل يعتبر عدول عن الوظيفة وماذا يترتب عليه؟نقاطها 80 دراسات اجتماعية عاطلة اكثر من 10 سنوات

وعليكم السلام ورحمة الله وبركاته

شوفي أختي ما عرف عن الإجراءات إذا يترتب عليها شي

لكن قولي لجارتك إذا ما تقدر على بعض المناطق لا تقدم عليها

أنا نقاطي فوق الثمانين ولا قدرت أقدم إلا على بعض المناطق وقدمت وتوكلت على الله

لو حطيتي كل المناطق وجاك تعيين بمنطقة ماتقدري تروحيها إنتي بيجيك إحباط ، شي يقهر بصراحة

غير إنه ممكن تفوتي فرصة على وحدة تقدر تروح هالمنطقة

الله يرزق جارتك يارب ويعطيها أقرب وظيفة لبيتها

وليش تقدم على مناطق ماتبي تروح لها او ضروفها ماتسمح؟؟

يعني تلعب هي؟؟

اسمها حيكون بالسيستم ..ما انصحها تعمل هالحركه
لان ممكن يطلع قرار للي اعتذروا وتضرر خاصة كل اللي اعتذروا محفوظه اسمائهم.

عالاقل تحتفظ بالاعتذار لوقت فعلا تداوم بمكان وما يعجبها ..

خلها تحتفظ بورقة الاعتذار لحاجه حقيقيه مو قلة مسؤوليه اختار اماكن ولا اقدر اروح لها..

هي ادرى بضروفها تقدر تباشر وتداوم تقدم.

ماتقدر لا تقدم.

السالفه مو لعب

ولا يبيلها تفكير وسؤال واستشاره وووووو

وبعد ياقلبي فهميها نقطه مهمه الاعتذار يكون من الادارة المعينه فيها.
مثلا مها من الرياض وقدمت على نجران وطلع اسمها ترشحت على نجران.

الاعتذار يكون بنفس المنطقه اللي طلع اسمها عليها نجران ولا يقبل غير ذلك.

ايه يحق لها التقديم مره ثاانيه ...
بس مثل ماقالو الاخوات ماتقدر لاتقدم وان شاء الله يجيها التعيين بالمنطقه اللي هي تبيها

قوليلها لاتحرم غيرها من فرصة التعيين اذا ماتقدر تروح من البدايه لا تختار كل المناطق

اذا طلع اسمها واعتذرت ماتقدر تقدم مره ثانيه الا بعد خمس سنوات


خليها تتوكل على الله وتحذف الرغبات الي ماتقدر عليها افضل بسرعه قبل ينتهي التقديم

يفترض بجارتك طالما نفاطها كويسه ماشاء الله
تكتب المناطق اللي ترتاح لها وتثق انها تروح لها
لا تكتب شيء بعيد وماتقدر تروح وتنقهر على فرصة روحتها من يدها وتبقى حسرتها

بالنسبة لسؤالك اعتقد انها تقدر تقدم مره ثانية، بس مايندرى لو يطلع قرار جديد بشأن اللي يعتذرون

ليش طولتوها وهي قصيره
مكان تقدر تروحله تقدم عليه مكان عارفه انها ماراح تروح لاتقدم عليه مايبغالها موضوع واستفسار
اما اللي تقدم علئ اماكن وهي عارفه انها ماراح تروحلها بصراحه هذا اسمه لعب