استشارات بمشروع كافي شوب

ويل بي · #1 (**permalink**) 30-06-2015, 01:11 AM

السلام عليكم

اولا اشكركم على الفوائد اللي في هذا المنتدى الرائع ..

ثانيا انا ابي ابدأ مشروع لكن محتاااره

لاني ببداياتي ولا عندي خبرة ودي يكون كشك كافي
او سيارة ايسكريم..
وودي بالفرانشايز عشان يختصرون علي مشوار طويل
لكن راسلت شركة بقطر و صار ماعندهم حاليا نظام فرانشايز
وراسلت شركة ثانية قالوا لازم تعطينا معلومات شركتك
طبعاً ما عندي شركة لكن فكرت استخدم اسم ومعلومات شركة قريب لي وماقصر اعطاني كل البيانات

لكن ترددت اراسلهم

هل تنصحوني بالفرانشايز ؟؟ واذا ايه ابي كافي وليس مطعم
وش تنصحوني فيه اسم قوي بالخليج ؟

او اسوي شي صغير بنفسي افضل ؟
اذا بسوي كشك كافي داخل سوق او نادي رياضي نسائي
كيف ادّرب عمالتي ؟

* اذا عندكم دراسات جدوى لكافي ولا سيارة ايسكريم ياليت تحطون الروابط هنا..

اتمنى منكم الرد على اسئلتي
شاكرة لكم تعاونكم

عطر السندريلا · #2 (**permalink**) 01-07-2015, 03:31 AM

وشو الفرانشايز ؟؟

مونت كارلو · #3 (**permalink**) 01-07-2015, 06:59 AM

اقتباس:

المشاركة الأصلية كتبت بواسطة عطر السندريلا

وشو الفرانشايز ؟؟

وكالة حصرية

الاخت ويل بي الله يوفقك فاهمة ان الموضوع سهالات لدرجة اني ماعرفت شقول لك

ماكو شقل · #4 (**permalink**) 01-07-2015, 06:14 AM

بما انه اول مشروع لك فالفرنشايز صعب عليك لان يحتاج راس مال كبير وشرووط لاتعد ولاتحصى وبتصيرين مقيده من الشركه

ابدي لك افضل بكشك صغير في مجمع لين ماتتقوين وتتعلمين وتجمعين راس المال وابحثي وقتها عن فرنشايز

المتغرب ا · #5 (**permalink**) 01-07-2015, 11:41 AM

فالفرنشايز مو ذاك الصعوبة ، وللمعلومية هم يحطون هالشروط لانهم يتمنون الافضل ،
واقولك وهذا كلام كذا مستشار مالي قالي انهم دائما هم الحرصين عليك
في البداية الواحد لا يراسل الشركات القوية خلك مع الشركات الصغير واحرصي على الخليجية
والشي الثاني حاولي تراسلين المالك مو موظفين بتفرق معاك لان الموظف ماشي بنظام معين وبس اما المالك بيده يتنازل

مونت كارلو · #6 (**permalink**) 01-07-2015, 10:12 PM

اقتباس:

المشاركة الأصلية كتبت بواسطة المتغرب ا

فالفرنشايز مو ذاك الصعوبة ، وللمعلومية هم يحطون هالشروط لانهم يتمنون الافضل ،
واقولك وهذا كلام كذا مستشار مالي قالي انهم دائما هم الحرصين عليك
في البداية الواحد لا يراسل الشركات القوية خلك مع الشركات الصغير واحرصي على الخليجية
والشي الثاني حاولي تراسلين المالك مو موظفين بتفرق معاك لان الموظف ماشي بنظام معين وبس اما المالك بيده يتنازل

كلامك كارثي

يحطون الشروط عشان يضمنون حقهم مسبقا والمستشار المالي يتكلم على الورق والواقع غير الورق تماماً !
هم حريصين عليك لانك مصدر دخل استراتيجي ونقطة توزيع مسبقة الدفع !
الشركات الكبيرة تستعبدك بالعقد وتجبرك على امور كثيرة ماتفهمها بوقتها حتى اذا خسرت وقفلت مايكونون خسرانين معك سبق واخذوا حقهم ومكسبهم منك والشركات الصغيرة مثل ماقيل ( ليتها بحمولها تقوم )
خذ مثال كون زون مثلا ياخذ مبلغ كبير بحدود 150 الف عشان يعطيك ثلاجتين وعامل وديكور قيمتها اقل من نص المبلغ اللي دفعته لهم وزيادة على كذا تشتري منهم الايس كريم يعني مستفيدين منك من كل الجهات والاهم من ذلك انك صرت كرت مسبق الدفع ( ولو قفلت المحل ماخسروا شي اخذوا حقهم من بدري )
ومايعني كلامي ان الوكالات في كل الاحوال خسرانة لكن يبي لها شخص متمرس مايبي لها واحد مبتدئ ويبي لها قوة مالية

المتغرب ا · #7 (**permalink**) 02-07-2015, 11:32 AM

اقتباس:

المشاركة الأصلية كتبت بواسطة مونت كارلو

كلامك كارثي

يحطون الشروط عشان يضمنون حقهم مسبقا والمستشار المالي يتكلم على الورق والواقع غير الورق تماماً !
هم حريصين عليك لانك مصدر دخل استراتيجي ونقطة توزيع مسبقة الدفع !
الشركات الكبيرة تستعبدك بالعقد وتجبرك على امور كثيرة ماتفهمها بوقتها حتى اذا خسرت وقفلت مايكونون خسرانين معك سبق واخذوا حقهم ومكسبهم منك والشركات الصغيرة مثل ماقيل ( ليتها بحمولها تقوم )
خذ مثال كون زون مثلا ياخذ مبلغ كبير بحدود 150 الف عشان يعطيك ثلاجتين وعامل وديكور قيمتها اقل من نص المبلغ اللي دفعته لهم وزيادة على كذا تشتري منهم الايس كريم يعني مستفيدين منك من كل الجهات والاهم من ذلك انك صرت كرت مسبق الدفع ( ولو قفلت المحل ماخسروا شي اخذوا حقهم من بدري )
ومايعني كلامي ان الوكالات في كل الاحوال خسرانة لكن يبي لها شخص متمرس مايبي لها واحد مبتدئ ويبي لها قوة مالية

دائما القوي يفرض شروطة
كون زون شف كم فروعة يعني لسان حاله يقول تبي بشورطنا ولا في غيرك
انا اتكلم لك عن اقل من 10 فروع

مونت كارلو · #8 (**permalink**) 02-07-2015, 06:30 PM

اقتباس:

المشاركة الأصلية كتبت بواسطة المتغرب ا

دائما القوي يفرض شروطة
كون زون شف كم فروعة يعني لسان حاله يقول تبي بشورطنا ولا في غيرك
انا اتكلم لك عن اقل من 10 فروع

انت ضايع ومن اللي يتكلمون بما لايفقهون اتق الله في نفسك وفي الآخرين
جالس تفتي من ورى الشاشة دون ادنى معرفة بالسوق والواقع بتضيع المساكين مثل الاخت صاحبة الموضوع

كون زون ضايع وكل المحلات اللي تشوفها افتحوها الناس ايام ماكانت الوكالة ب 80 الف اما الحين له سنين ما احد اخذ منه وكاله وروح لادارتهم وشوف بنفسك بدون ماتفتي من ورى الشاشة في بيتك
انت ماتدري عن الواقع ولا عن السوق متكي في الصالة على براد شاهي وتفتي للناس
الدمام مدينة رئيسية تدري كم فيها فرع كون زون ؟! فرع واحد فقط
الشرقية كلها على بعضها الدمام والخبر والظهران والجبيل تدري كم فيها فرع كون زون ؟!

يا اخي الكريم اتق الله في نفسك جالس تفتي من صالة بيتكم ويمكن تتسبب في خساير الناس اللي ماعندهم خبره وتخرب حياتهم وبيوتهم