السلام عليكم


انا معلمة بمدرسة اهليه صارلي سنتين

ومدينتي الاحتياج فيها قلييييييييييييييل مستحيل يتعدى 4

الحين محتاره اقدم على خارج منطقتي او لا؟؟

ايش تشورون علي

اتممممممممممنى الكل يشاركني برأيه وشكرا مقدما


مع العلم ان قسمي لغة عربية ونقاطي 75 بعد قياس

عليكم السلام ورحمة الله وبركاته


كل شيء راجع لك انتي

هل تقدرين تروحين لو جاك الترشيح برى مدينتك ؟

وهل تتحملين المصاعب < متعوب عليها اللي تبا تنتج عن المكان اللي تبا تتعيني فيه

وحطي احتمال عشان ماتنصدمين ان المكان يمكن يكون في قريه أو محافظة مو مثل المدينة فيها خدمات

والنقل فيه تغريدة لنبض انه مو سنه وبس فيه اشياء ثانيه

وقبل كل شيء استخيري واطلبي الله واذا تشوفين نفسك ووضعك انك تقدرين تروحين ومعاك أحد يساعدك
توكلي على الله وقدمي الحكومي حلو ولو وضعك وظروفك صعبه انك تسافرين وتسكنين وكذا خليك في الخاص خير وبركه

قدمي وان شاء الله تنقلي الايام والشهور تمشي بسرعه المدارس الاهليه مو مضمونه وقت ماينتهي عقدك طلعوك وشافوا بديل مكانك

عليكم السلام ورحمة الله وبركاتة

اذا عندك استعداد انك تسكنين في مجمع للبنات وتتحملين الحياة لحالك لمدة سنة سنتين الين الله يكتب لك نقل
اقولك توكلي على الله لان الوظيفة الايام هذي صعبة بالحيل واللي يلقاها يعضها بسنونه ومايتركها

بالنسبة لي لو كان التعيين مثلا لاختي بقولها روحي وتحملي تعب سنة والا سنتين وبعدها ييسرها الله هذا اذا مارحت معها اذا كان عندك اخو عاطل مثلي

أكيد قدمي خارج مدينتك واذا تعينتي تحملي الغربة لين يجيك نقل
لان القطاع الخاص بتنكرفين عندهم واخرتها بأي وقت ينهون خدماتك
أما الحكومة صحيح بتتعبين في الغربة بس النتيجة بتكون مثمرة
والله يوفقك

مافي مقارنة بين الحكومي والخاص
جربت الخاص شهرين صراحة حسيت كرامتي بالأرض مادري كيف الناس يستمرون فيها والله لو يعطوني الراتب دبل ولا أهين نفسي
الحكومي انتي ملزومة بالأعمال اللي مكلفة فيها تسوينها وخلاص
ماحد يأمر عليك

مثل ماقالوا البنااات قدمي خارج مدينتك الاقرب لك والابعد اذا تقدرين تروحين وتحملين
حتى لو ماتتحملين تحملي اذا كنتي عزباء ضغطي ع نفسك وتحملي الوظيفه الحين صارت مثل لبن العصفوره ماتقدرين تجبينها واذا معك محرم صدقني بيكون سهل تخذين شقة انتي وياه واعتبريها رحلة سياحية بس طويلة شوي ربي يوفقك يختتي

طبعا عزيزتي اذا ظروفك تسمح لك قدمي ..انا للأسف قدمت فقط ع منطقة وحدة ..المناطق الأخرى ظروفي ما تسمح لي أبدا و الله يكتب لي فيها الخير و الوظيفة ..اما القطاع الأهلي صار لي ست سنوات فيه و أتمنى تجيني الوظيفه الحكومية في اقرب فرصه ..الأهلي ما فيه استقرار وظيفي و لا نفسي


لذلك عزيزتي كله يعتمد ع ظروفك و مقدرتك و أكيد الاستخارة قبل كل شئ

بالتوفيق