المشاريع تختلف حسب نوعها وطبيعتها طبعاً

هناك مشاريع لابد من الموقع حتى لوكانت بدون جودة , سوف تنجح بسبب الموقع !!!

وهناك مشاريع لا تبحث عن موقع لأنها تعمل بالأسم قبل الموقع . ولذلك هي التى تجعل المكان ناجح بعد فضل الله والأمثلة كثيرة لذلك


أنا اوافق بأهمية الموقع طبعا لكن حسب المشروع .

وش النقاط اللي تخليك تختار الافضل بين عدة مواقع:

اولا الايجار: لو بتفتح مشروع راس ماله 200 الف هل من المعقول تستأجر ب 80 ألف ؟ الناس تختلف بدراستها وحكمها

ثانيا : مطابقة اشتراطات البلدية للموقع (الموقع مناسب للنشاط) من ناحية المساحة , الشارع , الواجهه, الخ ممكن تحصل محل ممتاز لكن ماتوافق عليه البلدية

الكثافة السكانية: بعض المشاريع تحتاج منطقة فيها كثافة سكانية عشان تصرف البضاعة بشكل اسرع وتبيع بشكل أكبر (سرعة التصريف مهمة لنجاحهم), وبعضها ماتحتاج

نوعية العملاء: بعض المشاريع تنجح في المناطق اللي فيها عماله اكثر, بعضها تنجح في المناطق اللي فيها شركات ومؤسسات وموظفين اكثر , وبعضها تنجح في المناطق السكنية او التعليمية وغيرها يعني حسب النشاط وعملاءه المتوقعين.

عمر المبنى: بعض المباني الجديدة تنجح بسرعة البرق وبعضها تطول حتى الناس تعرفها فممكن يكون سلاح ذو حدين, بعض المباني القديمة المعروفة يكون عليها اقبال قوي وبعضها رغم شهرتها وقدمها محد يجيها .

الان فيه نقطة مهمة زمان ماكانت متوفرة وهي الانترنت, اول اعتماد المحل فقط على السكان المجاورين أو المارين
الان تقدر تسوق لمحلك ببلاش عن طريق الانترنت وتبيع لخارج منطقتك وانت بمحلك بضغطة زر
وتقدر تعلن عن عروضك وخدماتك ومنتجاتك عن طريق الانترنت وتخلي الناس من اخر المدينة يجون محلك مخصوص

تقدر تشارك في معارض وبازارات تعرف الناس بمحلك وتكسب عملاء

خلي الناس تتحدث عن خدماتك ومنتجاتك, الناس الحين تسأل المقربين وتسأل عن طريق الانترنت عن احتياجاتها
ابغى محل يفصل اثاث عنده نوعية الخامة الفلانية وسعره مايزيد عن كذا, اللي يعرفونك بيدلون على محلك روح للمحل الفلاني في الحي الفلاني في الشارع الفلاني انا جربته انا تعاملت معاه انا اشتري من عنده
وهكذا



ورغم ذلك معاك حق وكلامك سليم 100% فيه محلات فشلت بسبب الموقع ومحلات فتحت بموقع وماحققت ربح كبير او أوشكت على الافلاس, ولما غيرت الموقع حققت ربح بفرق كبير بسبب الموقع ومن غير تعب اعلان وتسويق يجونك الزباين بسبب موقعك وحتى لو ايجارك غالي بيكون فيه مردود جيد عليك يعوض اللي تدفعه. بس بكل الاحوال النجاح يعتمد عليك انت وشطارتك


مثال:
ممكن تفتح محل ملابس جاهزة بمساحة كبير وبإيجار مناسب وبحي سكني فيه كثافة سكانية وعلى شارع تجاري متميز بزحمة المارين كل شي بالنسبة لك ممتاز ومع ذلك ماتحقق مبيعات او ربح
الاسباب
الناس في المنطقة لايرغبون بشراء هذا المنتج , سعر المنتج غالي على امكانياتهم , نوعية المنتج ماتناسب بيئتهم وذوقهم
او يقولون ليش نروح لمحل واحد خسارة مشوار, نروح لمول او سوق فيه محلات اكثر وخيارات متعددة وفرصة الشراء بالنسبة لهم فيه اكبر.
وممكن يكون العكس اذا درس صاحب المشروع المنطقة جيدا ونوعية سكانها ودرس نوعية المنتج او الخدمة اللي يقدمها
بيجعل هذا المحل الوحيد يغنيهم عن كل المولات والاسواق .

السلام عليكم ورحمة الله وبركاته .......

الأخ الكريم صاحب الموضوع تطرق لأهمية الموقع وأنا أتفق معك بنسبة كبيرة ..لكن المهم ماهي شروط الموقع المناسب لمشروعك ..هذا الذي يحتاج للنقاش وتبادل الأراء حول الشروط العامة والشروط الخاصة للموقع المناسب ...

فعلا الموقع عنصر مهم جدا كذلك الاسم في بعض الامور

كلام سليم والله .

اتوقع هاذا زمان ، لكن الان و مع توفر مواقع التواصل الاجتماعي تقدر تجيب الزباين لعندك
حتى لو موقعك يمشي الحال

رأي