بدون مقدمات من يوم دخل رمضان اعاده الله علينا وعليكم بكل خير وانا ابي اكتب هالموضوع وماتيسر الا الحين
واعذروني ان كان هناك ملاحظة على الطرح

اتصل بي عدد كبير من الاعضاء لابداء الرأي حول مشاريعهم ( انا شخص عادي ولكن لي تجارب ومازالت في التجارة )
واول نقطة اود ذكرها انهم يزعلون اذا بينت لهم مواطن الخلل في مشاريعهم اللي ناوين يسوونها ويبوني غصب اطبل لهم

النقطة المهمة اللي اذا ماتوفرت لا احد يفتح مشروعه والرازق الله ولكنها سبب اغلاق وخسارة الكثير من المشاريع والمحلات
الموقع ثم الموقع ثم الموقع !
اذا ماحصلت موقع لاتسوي مشروعك سويت مشاريع ومحلات في شرق المملكة وغربها وجنوبها يعني مطلع على السوق اطلاع جيد 95% من المحلات اللي تخسر وتقفل بسبب الموقع
والكارثة ان الشباب يتكلمون عن المشاريع دون الاخذ في الاعتبار اهمية الموقع يعني واحد يقولي ابي اسوي مغسلة ملابس وش رايك ؟
قلت له الله يقويك حددت الموقع ؟
قال الموقع مو مهم المغسلة تنجح في اي موقع ( يعني المغسلة مشروع ناجح )
طبعا زعل علي لما قلت له بتكون مشروع فاشل اذا موقعها اي كلام

من الطبيعي المواقع الممتازة تكون محجوزة وصعب تلقى لك محل موقعه كويس وبتجلس تلف وتدور وتتعب وفي الاخير وتحت ضغط الرغبة بفتح مشروع وتحت ضغط الحماس للنجاح بتقول بافتح باي مكان لا تفتح في موقع تعبان لان مصيرك الفشل والرزق بيد الله

فعلا صدقت الموقع من عوامل نجاح المشروع يعني انا بحي ساكنة فيه في يمكن 5 مشاغل نسائية مدري شلون يربحون مايربحون الا بوقت العيد غيره لا مستحيل

المشكلة انك صعب تحصل على موقع مميز
وان لقيت آجاره غالي جدا
لكن من وجهة نظري
موقع مش حالك = ربح مشي حالك
ومع الوقت لعل وعسى

فعلا كلامك صحيح
الموقع هو أهم نقطه في المشاريع

بس ي سليمان اذا تبي ربح مشي حالك ترى مايدوم الربح

صادق ا لموقع اول اول خطوات المشروع الناجححححح
مجرب

الله يوفقك يارب

انا جلست انا على موقع 4شهور علشان احصل الموقع المناسب،والحمد لله تم الايجاد
طبعا الموقع المميز مو يوم ولا يومين علشان تحصله لازم تتعب ويفتر مخك علشان تحصل

صحيح الموقع من اهم نجاح المشاريع

واحلى موقع تبدا فيه مشروعك هو البيت خاصة للبنات

بالتوفيق للجميع