السلام عليكم ورحمة الله وبركاته
س1 / ما هي التخصصات المطروحة ؟
س2/ متى ينتهي التقديم عليه ؟
س3 / شرح مبسط لإجراءاته؟
وجزاكم الله خير

أولا مافي أحد راح يسرد لك كل التخصصات المطلوبة...الموقع أسهل لك

فكرة البرنامج أنك لما تقدم عليخ يقترح لك وظيفة مثلا في وزارة الإسكان مثلا
يصير تروح تكمل دراستك برا في نفس مسار وظيفتك..
ولما تخلص دراسة في الخارج ترجع مباشرة على الوظيفة
وسلامتك

طبعا من شروطه أن تكون عاطل..لاشغله ولا مشغلة
يعني أسمك مو مسجل في وظيفة حطومية ولا حتى تأمينات

بما أنه التقديم متاح اسبوعين من تاريخ الإعلان عنه فأتوقع ينتهي التقديم عليه 24 رمضان ،
أخوي ناتو مالقيت التخصصات بالموقع لو سمحت اسدح الرابط أو التخصصات جزاك الله خير ، وياليت بعد نعرف أنواع الوظائف المطروحة كذلك ، والأوراق المطلوبة.
صراحة غريبة له 5 أيام ولا أحد جاب سيرته بهالمنتدى أو أني مالقيت الموضوع الأصلي اللي يشارك فيه الجميع ؟!

ما فيه احد يجيب سيرته هنا للاسف

والعالم تجدهم بمنتديات اخرى والغالبيه تجدهم بمنتدى (مبتعث) الفاشل فمن يوم ما تدخله ما تدري فين الله حاطك لا تصميم صاحي وواضح ولا بنود وايقونات واضحه وما تدري فين القسم المناسب اللي يدلك كأنك داخل حاره عشوائيه ما تدري فين تتجه وبالعربي معقد مثل اجراءات الابتعاث المعقده وغثاها

وبالعموم اذا وجدت معلومات واضحه وتفصل المسأله تفصيل ممل بالله ارسلها هنا خلنا نشوف مستقبلنا بالحياة ممكن يكون ابتعاث ما ندري والله يعين بس

الرجاء نقل الموضوع لاستفسارات ونتائج الوظائف المدنية

رابط التقديم وشروطه
https://ksp.mohe.gov.sa/ksp11/Pages/Index

أتمنى من الإدارة نقل الموضوع إلى القسم المناسب وشكرا وعذرا

وعليكم السلام ورحمة الله وبركاته
هنا راح تلقى كل شيء عن البرنامج الشروط والتخصصات وجهات التوظيف وشروطهم الخ...