بسم الله الرحمن الرحيم

اللي عنده خبره يفيدني
انا حطيت موضوع اول بس محد رد


انا عسكري مستجد من الدوره الجديده داومت ست شهور
وغبت اسبوعين وبعدين جبت لهم اوراق المستشفى

ادارتنا رفعو الاوراق للاداره العامه بالرياض
بدون اوراق المستشفى

وجا ورقت فصلي

علما انه ولايوم انخصم ولايوم توقفت من داومت
وجاني فصل

وادارتنا كاتبين اني غايب شهر
وانا غايب اسبوعين
يعني اجحدوني الرجال

دخلت على الضباط وصرت لعبه بينهم
والشوون الاداريه مايخافون الله


دخلت على اللواء وقلتله سالفتي
وقال يصير خير وماشفت منه شي



اللي يقدر يساعدني
مستعد اداقشه لو يحطني بالهند ماعنده مشكله
علما ان دوامي راحه بس اللي معي مهم راحه

وماعندي واسطه ولا كان معلق نجمه الحين وشكرا
اذا كان موضوع مكانه خطا ارجو من المراقب عدم حذفه

البلوه إن خصمك هو القاضي

ياطويل العمر في هذه الحاله..مالك إلا تطلع بنفسك للرياض
وتراجعهم وكل يوم تمرهم تشوف إش الجديد

ولو لزم الأمر تنام يومين عند مكتب الأمير

وبما أن الحق معك..صدقني لن يضيع
لكن أنا مو عارف نظام العسكريه
وكم المدة اللي يقدر يفصلك خلالها

مافي حل إلا تنقز الرياض..واللي جحدك ما راح يساعدك بشيء

جيت الرياض اخوي
يقولون ارجع لمرجعك

وارجع لمرجعي يقولون مالك شي عندنا رح لرياض
وكذاا


اول كنت لعبه ضباط الحين صرت لعبه افراد الشوون الاداريه محسسيني اني موظف ببيت ابوهم
ناس ماترحم الله لايرحمهم

ودخلت على مكتب الامير بالرياض وعطيته معروض
عطاني ورقه مو مكتوب اعتماد يرجع كاتب حققو معه
والمصيبه انه موجهها للي فصلوني نفسهم ههههههههههه


مافي حل الا واحد بعد الله يجي واحد يبي دقيش وعنده واسطه وبسس

ياخي اتمنى من كل قلبي لو ان السبب مخدرات ولا شي يسود الوجه

المصيبه غياب وجحدوني وفيه ناس يعرفونهم صارلهم ثلاث شهور محد يداوم بس لانهم خوياهم

اللي خابر احد يرجعني
يفزع لان علي دين من الراجحي
وساكن بشقه انا والعايله والحلم بيت بس ماظنتي يبي يتحقق

اللي خابر احد يعلمني وله اللي يبي والله على ما اقول شهيد

الله يكون بعونك ..

بس اي قطاع وكذا

حدد بارك الله فيك

اي قطاع انت يالغالي واي منطقة ؟

طيب وش فيها اوراق المستشفى ؟؟؟؟ المهم ي خوي محد بيفيدك كلهم كلاب يرجال .... انصحك حاول باي طريقه تدخل ع امير المنطقه وكلم الصحف ينلزن خبرك ع الصحيفه هذ1 ظلم وصدقني بعد م ينزل خبرك ع الصحف تلاقي من الي يركض وراك عشان تسكت باي حق اسبوع تفصل ؟ انا لي خوي في قطاع الامن العام غاب اكثر من اسوبع مافيها فصل ياخوي كلها توقيف انصحك ب شيئين ؟؟؟ ناشد الملك واميرر المنطقه ع الصحف بخبرك والله يسهلها عليك يارب ........

انا الي اعرفه

اذا غياب ٧ ايام متواصله فيها فصل


اعرف واحد الله يهديه ويستر عليه
عرف ان فيه لجنة مخدرات جايه تسوي فحص وسحب على الدوام اسبوع

وانفصل عشان الغياب
وبغد ٦ شهور رجع داوم


للامانه ( بدون واسطه )

بس انت توكل على الله

ودعواتي الخالصه لك

علمنا قطاعك وشو ؟؟ ومنطقتك عشان نتجنبها ماحنا ناقصين مشاكل انا بتعسكر وبترك القطاع الخاص عشان الوصاخه


الله يفك عوقك