مساعدتكم التعيين لخبط اموري

سعودية الأنفاس · #11 (**permalink**) 04-07-2015, 06:38 AM

حتى ولد أختي مثلك زواجه 2 العيد ان شاء الله وطلع اسمه في التعيين ماشاء الله

بس هو يقول باحاول اسافر شهر العسل يمين يسار ليمن يجي موعد المقابلة وبعدها مافيه شهر عسل إلا بعد مااضمن الوظيفة

ألف مبروك أخوي وحاول توفق بين الزواج وإجراء ات التعيين لأن الفرص ما تجي إلا مرة وحدة في العمر

ام بروكي · #12 (**permalink**) 04-07-2015, 06:52 AM

اخوي انتظر للاسبوع القادم بإذن الله راح تنزل اسماء تكامل وبتدخل تكامل وبتعرف وقت مقابلتك
وبعدها قرر على كل شي
واذا انت تكلم زوجتك المستقبليه الان وبينكم تواصل استشيرها على اساس انها تفهم وضعك وتقدر وبتقول لك هي من نفسها بننتظر مقابلتك وبعدها السفر

بس معلومه ثانيه اخوي
ترا الدوامات تبدأ بتاريخ 7 ذو القعده للمدرسين يعني عودة المدرسين اعمل حسابك لو سويت المقابله انك تسافر وترجع قبل هالتاريخ
بفتره كويسه عشان تقدر تستقر وترتب امورك بديرة تعيينك

الف مبروك الزواج
والف مبروك التعيين

ومبروك عليه هالبنت شكلها وجه خير عليك اخوي

ربي يبارك لكما ويبارك عليكما ويجمع بينكما في خير يارب

حي الدويمة · #13 (**permalink**) 04-07-2015, 06:53 AM

الله يوفقك
تزوج وانتظر موعد المقابله وخلصها والاجراءات الثانيه ممكن عادي لو يكملها احد أقاربك وانت بعد المقابله تقدر تستفسر منهم

مكروني · #14 (**permalink**) 04-07-2015, 07:06 AM

الف مبرووك الزواج والتعيين ، الله يطرح لك البركة والسعادة والتوفيق في الأمرين

الوظيفة هي مستقبلك ومستقبلها ماهي شيء تقول اقدر اعوضه بعدين : d وشهر العسل معوضه وتعيش بإذن الله كل ايامك عسل بعد الوظيفة
بعد كم يوم تنزل الاسماء وتعرف مكان تعيينك وموعد المقابلة انت تحدده حسب مايناسبك، بعدها تفاهم مع زوجتك أنك تخلص امورك وترتاح من هم التعيين وتطمن على كل شيء
وتسافر شهر العسل وتنبسط بدون ماتشيل هم شيء وراك ، وانا متأكدة انها راح تتفهم الوضع وتساعدك
يعني لا تحجز شيء الآن حتى تتأكد بعد نزول الاسماء ومعرفة موعد المقابلة

وبالتوفيق يارب ومبروك مره ثانية الله ييسر لك امورك

إيحائات فكرية · #15 (**permalink**) 04-07-2015, 07:27 AM

الوظيفه اهم شوف موعد مقابلتك متى اذا كان يمديك تزرق وتسافر شهر العسل روح واذا مايمديك لاتفرط بالوظيفة
والف مبروك وعقبال م أتوظف واعرس يارب

ساريتاااا · #16 (**permalink**) 04-07-2015, 08:20 AM

ماشاء الله ربي يبارك لك بالوظيفه والزواج

مايمنع تزوج وكمل اجراءات التعيين والسفر اذا صادف موعد المقابله يتأجل مو مشكله..
فكر ع المدى البعيد لا تفكر لحظي..!

وعندك اجازات وان شاء الله لاحق خير

حُلُمي التدريس · #17 (**permalink**) 04-07-2015, 08:29 AM

ماشاء الله عالبركة لكن خذوها قاعدة

الوظيفة تجيب شهر عسل بس شهر العسل مايجيب وظيفة ..

وسيم العتيبي · #18 (**permalink**) 07-07-2015, 07:52 PM

الله يفرجها من عنده وعلى قولك يا حلمي التدريس كلامك عين العقل

عجزت الاقي اسم · #19 (**permalink**) 08-07-2015, 02:13 AM

ولله لو انا مكانك

بنتظر لحد ما اخلص اوراقي كلها

واول يوم يوم لي مباشرة

بشرح الوضع للمدير واطلب منه 10 ايام فقط كأجازة معاريس جدد (يغطي علي )
ومتاكد ان المدير راح يوافق لانك جديد+ماسلمو كتب ولا فيه دراسه

ومتاكد بعد ان المدام راح ترضي ب10 ايام ^^

ومبروك الزواج يالامير وعسى الله يتمم لك

بنتن لقحطان · #20 (**permalink**) 08-07-2015, 02:20 AM

ماودك تضيع شهر العسل ههههه
شهر العسل لاحق عليه
بأي وقت دقها اجازه وسافر

بس الوظيفه اهم ، هذا رزقك ورزق زوجتك وعيالك بالمستقبل
وباسلوبك كلمها عن تاجيل السفره

حكم عقلك ، والفرصه اذا جاتك اليوم ممكن ماتجيك ثاني

والف مبرووك الزواج والوظيفه
والله يرزقك ويهنيك ويسعدك