السلام عليكم ورحمة الله وبركاته
دائما اسمع ان نجاح المشروع بالتميز فية موب تكرارة..
ودائما في بالي هالفكرة لكن ماتنفع لي بما اني امراه\ان شاء الله تنفع الشباب
كثير من المحلات سواء السوبر ماركت او المصيدليات او المغاسل او بعض المطاعم او محل الاثاث او المكتبات ....الخ ماعندها خاصية توصيل طلبات ..وانا اشوفها مهمة في ظل انشغال رب الاسرة او بعضهم ماعندهم من يلبي طلباتهم.
الفكرة شرطها توفر السيارة والجوال وشراء بعذ الاغراض البسيطة جدا جدا ماتكلف 200 ريال
الكثير من العوائل كثير من الاوقات تحتاج اشياء لكن مافية من يوفرها لهم..بسبب عدم وجود الزوج بسبب شغلة او نسيو ماشرو هالغرض او فجاءة احتاجوه نقص بالبيت او الزوج مالة خلق يطلع ....الخ
اللي عنده سيارة وفاضي طول الوقت ينفع له هالمشروع ..يكتب رقمة ويوزعه على انه يوصل اي غرض تبغونه..وياحبذ يبتدي من الاماكن القريبة او انه يمسك له حي ويوزع رقمة عليهم.. طبعا يحتاج الى براد كبييير مشان المفرزنات والاشياء البارده ( براد اللي الاغلبية ياخذونه للبحر او الكشتات ويحطون فية المشروبات او اللحوم) اكبر حجم تشترية ويكون بالسيارة ومعة قالب ثلج..ومذكرة وقلم او حتى لو تسجل بالجوال ..رقم الزبون والطلب ورقم البيت ومتى يبغون هالغرض يكون جاهز اقصى حد متى. مشان لو صار طلبين او ثلاثة بنفس الوقت تقدر ترتب امورك وتودي هالغرض قبل الثاني لانه مستعجل .مشان ماتتاخر ويستغنون عنك .
وانتهينا
عندني قروبات يشتكون ان تنقصهم حاجات او ودهم يروحون المكتبة يشترون لاطفالهم كراريس او المعلمة طلبت شي فجاءة او الحرمة ما امداها تطبخ بسبب الشغل فتحتاج احد يجيب من المطعم او البوفية وخصوصا اذا كان مافية توصيل.. او ولدها مرض وحتاجت شي من الصيدلة ..او ماعندها وقت للكوي والغسيل وتبغى احد ياخذ الملابس للمغسلة ويرجعهم..ااو اسطوانه الغاز فضت فجاءة ...او احتاجت من السوبر ماركت هالغرض...الخ
اذكر قديما..رجل كان يجي للبيت اسبوعيا في يدة حقيبة وفيها ذهب..وكانت الوالدة تشتري منه وتوصية ان المرة الجاية جب معك هذا وهذا ..وبرضو كان بائع الزوالي والمفروشات يجي للاحياء ينادي..فالفكرة تشبة هذي لكن بدل ماتنادي عندك الجوال وممكن يدقون عليك ويكلمونك اي وقت .
يعني خدماتك في كل شي..والاعلان مايكون توصيل..لان بيفكرون توصيل مدارس او جامعات او او او او ...يكون معروف انه لكل شي .
ما ادري اذا الفكرة جديده او قديمة لكن حابتها لان فيها حركة طول الوقت ..وما اقدر انفذها ..مدام عندك سيارة وانت جالس جالس بالبيت ..ليش ماتنفذها.
اتمنى تفيد احد