السلام عليكم ورحمة الله وبركاته ..
كيفكم عساكم بخير ؟

يا اخوان جيتكم وأنا محتار ومحتاج مشورة من المجربين وأهل الخبرة ..
أنا طالب جامعي ، وأبغا أفتح مشروع في المدينة الي أنا ساكن فيها أساسًا ..
طبعًا بين المدينة إلي أدرس فيها والمدينة إلي أبغا افتح فيها المشروع ساعتين إلا ( تصير ساعة إذا شديت حيلك )
أربع أيام أكون عند الجامعة ، وثلاث أيام عند أهلي .

المشروع عبارة عن كوفي شوب خدمة سيارات على شارع رئيسي ، والفكرة إني أسوي كل شيء وأمن كل شيء واخلي واحد من الشباب يديره في عدم وجودي ونسبته طفيفة لأربع أيام يعني .
طبعًا هذا الآدمي ثقة واخوي وإلخ...

لي شريك بس يدرس بعيد ، راح يأسس معي وبعدين يصير التنسيق والتواصل مع الشركات والحسابات عليه بحكم انه مو جنب المحل ، وأنا الشغل العملي .

طبعًا الأرزاق بيد الله ، وأنا استخير في كل خطوة ..

السؤال هو : هل المشروع هذا مشغل عن الدراسة الجامعية؟ ولا ممكن التسديد والتقريب بينهم؟

انتظركم

اعذرني بنقل موضوعك للقسم المخصص

ونصيحة مني ركز في دراستك ولا يشغلك المحل

الله يوفقك

__________________
ومن يعمل من الصالحات وهو مؤمن فلا يخاف ظلما ولا هضما

اممم
دراستك اهم
ولابد من الظروف تتغير وحط في بالك هالشي
وقد تظطر انك مثلا تغيب عن المحاضرات

الشغل والدراسه الجمع مابينهم شي حلو وكويس
لكن متعب ، ومع الايام راح يكون في قصور في احد الاثنين
ومستقبلك الدراسي اولى من المشروع

امنياتي لك بالتوفيق

الأخ فضل والاخت بنتن لقحطان يعطيكم العافية ..
بس هل قد جربتم ؟

أبغى واحد قد جرب ويديني ايش صار معه ، صح ان الناس تختلف بس الفكرة وحدة !

ماقد جربت
لكن ناس ضبطت معهم وناس لا

هو كفكره شي حلو انك تدرس ويكون لك مشروع ودخل
لكن قد تكون صعبه
حنا نفكر في كل الجوانب
ولابد تفكر في الصعوبات والعوائق اللي ممكن تجيك وانت تدرس ووانت في مشروعك
لا بد تصادفك بعض الامور

وان شاءالله اهل الخبره يفيدونك
بالتووفيق لك

اذا أنت بالرياض تواصل معي خاص يمكن نفيد بعض

- يعطيك العافية يا بنت قحطان .. وان شاء الله الشباب ما يقصرون .

- يا تاجر ما بدأ منا من اهل الرياض للأسف .